ನ್ಯೂಯಾರ್ಕ್: ಅಮೆರಿಕ ನ್ಯೂಯಾರ್ಕ್ ಮೂಲದ ಮಹಿಳೆಯೊಬ್ಬಳ ತನ್ನ ಮನೆಯೊಳಗೆ ಬೆರಗಾಗಿಸುವ ನಿಗೂಢವೊಂದನ್ನು ಪತ್ತೆಹಚ್ಚಿದ್ದಾರೆ. ಆಕೆಯ ಬಾತ್ರೂಮ್ನಲ್ಲಿರುವ ಕನ್ನಡಿ ಹಿಂದಿನ ರಹಸ್ಯ ಕಂಡು ಸ್ವತಃ ಆಕೆಯೇ ಹುಬ್ಬೇರಿಸಿದ್ದಾಳೆ.
ಸಮಂತಾ ಹಾರ್ಟೋಸ್ ಎಂಬಾಕೆ ತನ್ನ ಸಂಶೋಧನೆಯನ್ನು ವಿಡಿಯೋ ರೆಕಾರ್ಡ್ ಮಾಡಿದ್ದು, ಸರಣಿ ವಿಡಿಯೋವನ್ನು ಟಿಕ್ಟಾಕ್ನಲ್ಲಿ ಹರಿಬಿಟ್ಟಿದ್ದಾರೆ. ಇದೀಗ ವಿಡಿಯೋ ಎಲ್ಲೆಡೆ ವೈರಲ್ ಆಗಿದೆ.
ನಗರದಲ್ಲಿ ಯಾವುದೇ ಲಾಭೋದ್ದೇಶವಿಲ್ಲದ ಕೆಲಸ ಮಾಡುವ ಹಾರ್ಟೋಸ್, ಮೊದಲ ವಿಡಿಯೋದಲ್ಲಿ ತನ್ನ ಬಾತ್ರೂಮ್ ಒಳಗೆ ಹೇಗೆ ತಂಪಾದ ಗಾಳಿ ಬೀಸುತ್ತದೆ ಎಂದು ಸಂಶೋಧಿಸುಲು ಮುಂದಾಗಿದ್ದಾಗಿ ಹೇಳುತ್ತಾಳೆ. ಬಾತ್ರೂಮ್ ಒಳಗೆ ಯಾವುದೇ ಕಿಟಕಿ ಅಥವಾ ಕೂಲಿಂಗ್ ಸಾಧನ ಇಲ್ಲದಿದ್ದರೂ ಗಾಳಿ ಹೇಗೆ ಬರುತ್ತಿದೆ ಎಂಬ ಕುತೂಹಲ ಬಗೆಹರಿಸಿಕೊಳ್ಳಲು ಮುಂದಾಗುತ್ತಾಳೆ.
ಇದನ್ನೂ ಓದಿರಿ: ಭಾರತದಲ್ಲಿ ಪ್ರತಿ ವ್ಯಕ್ತಿ ಒಂದು ವರ್ಷಕ್ಕೆ ಪೋಲು ಮಾಡುವ ಆಹಾರ ಪ್ರಮಾಣ ಎಷ್ಟು ಗೊತ್ತಾ?
ತನ್ನ ಕೂದಲು ಹಾರಾಡುವಷ್ಟು ಗಾಳಿ ಬಾತ್ರೂಮ್ನಲ್ಲಿ ಬರುತ್ತಿರುತ್ತದೆ. ಅದರ ಪತ್ತೆಯನ್ನು ಹುಡುಕಿ ಹೊರಾಟಾಗ ಸಿಂಕ್ ಮೇಲಿನ ಕನ್ನಡಿಯಿಂದ ಗಾಳಿ ಬರುತ್ತಿರುವುದು ಹಾರ್ಟೋಸ್ಗೆ ತಿಳಿಯುತ್ತದೆ. ಆದರೆ, ಅದರ ಹಿಂದೆ ಏನಿರಬಹುದು ಎಂದು ಆಕೆಗೂ ಸಹ ಊಹಿಸಲು ಸಾಧ್ಯವಿರುವುದಿಲ್ಲ. ಆದರೆ, ಕನ್ನಡಿಯನ್ನು ತೆಗೆದಾಗ ಅದರ ಹಿಂದೆ ದೊಡ್ಡ ರಂಧ್ರವೊಂದು ಕಾಣಿಸುತ್ತದೆ. ಅದರ ಒಳಗೆ ಕತ್ತಲ ಕೋಣೆಯೊಂದು ಪತ್ತೆಯಾಗುತ್ತದೆ.
ಇದಾದ ಬಳಿಕ ಒಳಗೆ ಏನಿದೆ ಎಂದು ತಿಳಿಯಲು ಮತ್ತಷ್ಟು ಸಂಶೋಧನೆ ಮಾಡಲು ಮುಂದಾಗುತ್ತಾಳೆ. ಮುಖಕ್ಕೆ ಮಾಸ್ಕ್ ಮತ್ತು ಕೈಗಳಿಗೆ ಗ್ಲೌಸ್ ಹಾಕಿಕೊಂಡು ಹಾರ್ಟೋಸ್ ಕತ್ತಲೆ ಕೋಣೆಗೆ ಎಂಟ್ರಿ ಕೊಡುತ್ತಾಳೆ. ಆದರೆ, ಈ ವೇಳೆ ಆಕೆಗೆ ಅಚ್ಚರಿಯೊಂದು ಎದುರಾಗುತ್ತದೆ. ಕೇವಲ ಒಂದೇ ಒಂದು ಕೋಣೆಯಲ್ಲ ಬದಲಾಗಿ ಇಡೀ ಅಪಾರ್ಟ್ಮೆಂಟ್ ಆಕೆಗೆ ಕಾಣಸಿಗುತ್ತದೆ.
ಬಳಿಕ ಒಂದೊದಾಗಿ ಆಕೆ ವಿಡಿಯೋದಲ್ಲಿ ಪರಿಚಯಿಸುತ್ತಾ ಹೋಗುತ್ತಾಳೆ. ಯಾರಾದರೂ ಇರಬಹುದೆಂದು ನಾನು ನಿರೀಕ್ಷೆ ಮಾಡಿದ್ದೆ. ಆದರೆ, ವಿಶೇಷವಾಗಿ ಅಲ್ಲಿ ನೀರಿನ ಬಾಟಲ್ ಇತ್ತು ಎಂದು ಹಾರ್ಟೋಸ್ ಹೇಳಿದ್ದಾರೆ. ಇದೀಗ ಹಾರ್ಟೋಸ್ ಅವರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸದ್ದು ಮಾಡುತ್ತಿದ್ದು, ಲಕ್ಷಾಂತರ ವೀಕ್ಷಣೆಯನ್ನು ಗಿಟ್ಟಿಸಿಕೊಂಡಿದೆ. (ಏಜೆನ್ಸೀಸ್)
ಇದನ್ನೂ ಓದಿರಿ: ಕರೊನಾಗೆ ನಲುಗಿದ ಆರ್ಥಿಕತೆ: ಕೇಂದ್ರದ ಆದಾಯಕ್ಕೆ ಬರೆ, ರಾಜ್ಯಕ್ಕೆ ಹೊರೆ!