ಆಸ್ಟ್ರೇಲಿಯಾದ ಮಾಜಿ ವೇಗಿ ಬ್ರೆಟ್ ಲೀ ಜತೆಗೆ ಸಾಮಾಜಿಕ ಜಾಲತಾಣದಲ್ಲಿ ಮಾತುಕತೆ ನಡೆಸುತ್ತಿದ್ದ ವೇಳೆ ಸಚಿನ್ ಈ ಸಲಹೆ ನೀಡಿದ್ದು, ವೇಗದ ಬೌಲರ್ಗಳಿಗೆ ಮತ್ತು ನಿರ್ಜೀವ ಪಿಚ್ಗಳಲ್ಲಿ ಬ್ಯಾಟ್ಸ್ಮನ್ ಮೇಲೆ ಕಡಿವಾಣ ಹಾಕಲು ಇದು ಸಹಕಾರಿ ಎಂದಿದ್ದಾರೆ. ‘ಟೆಸ್ಟ್ ಪಂದ್ಯದಲ್ಲಿ ಪಿಚ್ ಉತ್ತಮವಾಗಿರದಿದ್ದರೆ, ಸಹಜವಾಗಿಯೇ ಆಟದ ಗುಣಮಟ್ಟವೂ ಕುಸಿಯುತ್ತದೆ. ಕೆಟ್ಟ ಹೊಡೆತ ಬಾರಿಸದಿದ್ದರೆ ಬೌಲರ್ಗೆ ನನ್ನನ್ನು ಔಟ್ ಮಾಡಲು ಸಾಧ್ಯವಿಲ್ಲ ಎಂದು ಬ್ಯಾಟ್ಸ್ಮನ್ಗೆ ತಿಳಿದಿರುತ್ತದೆ. ಆದರೆ ಆಗ ಪಂದ್ಯಕ್ಕೆ ರೋಚಕತೆ ತರಲು 45-50 ಅಥವಾ 55 ಓವರ್ ಬಳಿಕ ಹೊಸ ಚೆಂಡು ನೀಡಬಹುದು. ಏಕದಿನ ಕ್ರಿಕೆಟ್ನಲ್ಲಿ 50 ಓವರ್ಗಳಿದ್ದರೂ, 2 ಚೆಂಡು ಬಳಸಲಾಗುತ್ತದೆ. ಅಂದರೆ ಅಲ್ಲಿ ಪ್ರತಿ 25 ಓವರ್ಗೆ ಒಂದು ಚೆಂಡು ನೀಡಲಾಗುತ್ತದೆ’ ಎಂದು ಸಚಿನ್ ಹೇಳಿದ್ದಾರೆ.
