ಸುಶಾಂತ್ ಸಿಂಗ್ ರಜಪೂತ್ ಹಿಂದೊಮ್ಮೆ ಅಂಕಿತಾ ಲೋಖಂಡೆ ಅವರನ್ನು ಪ್ರೀತಿಸುತ್ತಿದ್ದು, ಆ ನಂತರ ಅವರಿಬ್ಬರು ಬ್ರೇಕ್ಅಪ್ ಆಗಿದ್ದು ಗೊತ್ತಿರಬಹುದು. ಅದೇ ರೀತಿ ರಿಯಾ ಚಕ್ರವರ್ತಿ ಜತೆಗೆ ಸುಶಾಂತ್ಗೆ ಅಫೇರ್ ಇದ್ದಿದ್ದು ಎಲ್ಲರಿಗೂ ಗೊತ್ತೇ ಇದೆ.
ಇದನ್ನೂ ಓದಿ: ಎರಡು ಹಳ್ಳಿ ದತ್ತು ಪಡೆದ ಜಾಕ್ವೆಲಿನ್
ಈ ಮಧ್ಯೆ, ಸೈಫ್ ಅಲಿ ಖಾನ್ ಮಗಳು ಸಾರಾ ಅಲಿ ಖಾನ್ ಜತೆಗೂ ಸುಶಾಂತ್ಗೆ ಲವ್ ಅಫೇರ್ ಇತ್ತು ಎಂಬ ವಿಷಯ ಇದೀಗ ಬೆಳಕಿಗೆ ಬಂದಿದೆ. ಈ ಕುರಿತು ಸುಶಾಂತ್ ಅವರ ಸ್ನೇಹಿತ ಸ್ಯಾಮ್ಯುಯಲ್ ಇನ್ಸ್ಟಾಗ್ರಾಂನಲ್ಲಿ ಬರೆದುಕೊಂಡಿದ್ದಾರೆ.
ಈ ವಿಷಯವಾಗಿ ಬರೆದಿರುವ ಅವರು, ”ಕೇದಾರ್ನಾಥ್’ ಚಿತ್ರದ ಪ್ರಮೋಷನ್ ಸಂದರ್ಭದಲ್ಲಿ ಸುಶಾಂತ್ ಮತ್ತು ಸಾರಾ ಬಹಳ ಪ್ರೀತಿಸುತ್ತಿದ್ದರು. ಒಬ್ಬರನ್ನೊಬ್ಬರು ಬಿಟ್ಟಿರಲಾರದಷ್ಟು ಹತ್ತಿರವಾಗಿದ್ದರು. ಒಬ್ಬರೊನ್ನೊಬ್ಬರು ಬಹಳ ಗೌರವಿಸುತ್ತಿದ್ದರು. ಈ ರೀತಿಯ ಪ್ರೀತಿ ಇತ್ತೀಚಿನ ದಿನಗಳಲ್ಲಿ ನೋಡುವುದಕ್ಕೆ ಸಾಧ್ಯವಿಲ್ಲ’ ಎಂದಿದ್ದಾರೆ.
ಆದರೆ, ‘ಸೊಂಚರಿಯಾ’ ಚಿತ್ರದ ಸೋಲಿನ ನಂತರ ಸಾರಾ, ಸುಶಾಂತ್ರಿಂದ ದೂರವಾದರು ಎಂದು ಸ್ಯಾಮ್ಯುಯಲ್ ಹೇಳಿಕೊಂಡಿದ್ದಾರೆ. ‘ಸುಶಾಂತ್ ಅವರನ್ನು ತುಂಬಾ ಇಷ್ಟಪಡುತ್ತಿದ್ದ ಸಾರಾ, ‘ಸೊಂಚರಿಯಾ’ ಚಿತ್ರದ ಸೋಲಿನ ನಂತರ ದೂರವಾದರು. ಸಾರಾ ಮನಃಪೂರ್ವಕವಾಗಿ ದೂರವಾದರೋ ಅಥವಾ ಬಾಲಿವುಡ್ ಮಾಫಿಯಾದಿಂದ ದೂರವಾಗುವುದಕ್ಕೆ ಏನಾದರೂ ಒತ್ತಡವಿತ್ತೋ ಎಂಬ ವಿಷಯ ಗೊತ್ತಿಲ್ಲ’ ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನೂ ಓದಿ: ಎರಡರ ಜತೆಗೆ ಇನ್ನೊಂದು: ತೆಲುಗಿನ ಅಂಧಾದುನ್ ರೀಮೇಕ್ನಲ್ಲಿ ನಭಾ ನಟೇಶ್
ಇದಕ್ಕೆ ತಕ್ಷಣ ಪ್ರತಿಕ್ರಿಯೆ ನೀಡಿರುವ ಟೀಮ್ ಕಂಗನಾ, ‘ಸುಶಾಂತ್ ಮತ್ತು ಸಾರಾ ಸಂಬಂಧದ ಬಗ್ಗೆ ಕಳೆದ ವರ್ಷ ಸಿಕ್ಕಾಪಟ್ಟೆ ಸುದ್ದಿಯಾಗಿತ್ತು. ಔಟ್ಡೋರ್ ಶೂಟಿಂಗ್ಗೆ ಹೋದ ಸಂದರ್ಭದಲ್ಲಿ ಇಬ್ಬರೂ ಒಂದೇ ರೂಮ್ನಲ್ಲಿ ಉಳಿದುಕೊಳ್ಳುತ್ತಿದ್ದರು ಎಂದು ಹೇಳಲಾಗಿತ್ತು. ಹೊರಗಿನಿಂದ ಬಂದವರಿಗೆ, ಈ ಸ್ಟಾರ್ ಮಕ್ಕಳು ನೂರೆಂಟು ಕನಸುಗಳನ್ನು ತೋರಿಸಿ ಅವರನ್ನು ಬಾವಿಗೆ ದೂಡುವುದೇಕೆ?’ ಎಂದು ಪ್ರಶ್ನಿಸಿದ್ದಾರೆ.