ಯಾರೋ ಒಬ್ಬ ನನಗೆ ಕರೆ ಮಾಡಿ… 20ನೇ ವಯಸ್ಸಿನಲ್ಲಿ ನಡೆದ ಕಹಿ ಘಟನೆಯನ್ನು ನೆನೆದ ರೆಜಿನಾ

ಹೈದರಾಬಾದ್​: ನಟ ಚೇತನ್​ ಅಭಿನಯ ಸೂರ್ಯಕಾಂತಿ ಚಿತ್ರದಲ್ಲಿ ನಟಿಸಿ ಕನ್ನಡಿಗರಿಗೂ ಪರಿಚಿತವಾಗಿರುವ ಕಾಲಿವುಡ್​ ಬೆಡಗಿ ರೆಜಿನಾ ಕ್ಯಾಸ್ಸಂದ್ರ ಹೆಚ್ಚಾಗಿ ತಮಿಳು ಮತ್ತು ತೆಲುಗು ಚಿತ್ರರಂಗದಲ್ಲಿ ಹೆಸರು ಮಾಡಿದ್ದಾರೆ. ಅಲ್ಲದೆ, ಬೋಲ್ಡ್​ ಆಗಿ ಮಾತನಾಡುವ ಮೂಲಕ ಆಗಾಗ ವಿವಾದಕ್ಕೂ ಗುರಿಯಾಗುತ್ತಿರುತ್ತಾರೆ.

ಈ ಹಿಂದೆ ಶಾಕಿನಿ ಡಾಕಿನಿ ಸಿನಿಮಾ ಪ್ರಚಾರದ ಸಂದರ್ಭದಲ್ಲಿ ರೆಜಿನಾ ಕ್ಯಾಸ್ಸಂದ್ರ ಮತ್ತು ನಿವೇತಾ ಥಾಮಸ್ ಪ್ರಚಾರಕ್ಕಾಗಿ ಸಂದರ್ಶನವೊಂದರಲ್ಲಿ ಭಾಗಿಯಾಗಿದ್ದರು. ಈ ವೇಳೆ ರಜಿನಾ ಅವರು ವಯಸ್ಕರ ಜೋಕ್ಸ್​ ಮಾಡಿದ್ದರು. ನನ್ನ ಬಳಿ ಹೇಳಲು ಒಂದು ಜೋಕ್ಸ್​ ಇದೆ. ಅದನ್ನು ನೀವು ಅರ್ಥ ಮಾಡಿಕೊಳ್ತೀರೋ? ಇಲ್ಲವೋ? ನನಗೆ ಗೊತ್ತಿಲ್ಲ, ಅದೇನೇ ಇರಲಿ, ಪುರುಷರು ಮತ್ತು ಮ್ಯಾಗಿ ಎರಡು ಕೂಡ ಒಂದೆ. ಏಕೆಂದರೆ, ಎರಡು ಕೂಡ ಎರಡೇ ನಿಮಿಷದಲ್ಲಿ ಮುಗಿಯುತ್ತದೆ ಎಂದಿದ್ದರು. ಇದಕ್ಕೆ ಸಂಬಂಧಿಸಿದ ವಿಡಿಯೋ ಸಿಕ್ಕಾಪಟ್ಟೆ ವೈರಲ್​ ಆಗಿ, ಭಾರೀ ಚರ್ಚೆಯಾಗಿತ್ತು.

ತುಂಬಾ ಬೋಲ್ಡ್​ ಆಗಿ ಮಾತನಾಡುವ ರಜಿನಾ ಅವರಿಗೂ ಕಾಸ್ಟಿಂಗ್​ ಕೌಚ್​ ಅನುಭವ ಆಗಿದೆ. ಇದನ್ನು ಸ್ವತಃ ರಜಿನಾ ಅವರೇ ಇತ್ತೀಚಗೆ ನಡೆದ ಸಂದರ್ಶನವೊಂದರಲ್ಲಿ ಹಂಚಿಕೊಂಡಿದ್ದಾರೆ. ನನ್ನ ವೃತ್ತಿ ಜೀವನದಲ್ಲಿ ಒಮ್ಮೆ ಮಾತ್ರ ನಾನು ಕಾಸ್ಟಿಂಗ್​ ಕೌಚ್​ ಅನುಭವಿಸಿದ್ದೇನೆ. ಯಾರೋ ಒಬ್ಬ ನನಗೆ ಕರೆ ಮಾಡಿ ಹೊಂದಾಣಿಕೆ ಮಾಡಿಕೊಳ್ಳುವಂತೆ ಕೇಳಿದರು ಎಂದು ಹೇಳಿದರು.

ಇದನ್ನೂ ಓದಿ: ‘ಪಪ್ಪಾ ನಾನಿನ್ನೂ ಬದುಕಿದ್ದೇನೆ’; ಅಂತ್ಯಸಂಸ್ಕಾರದ ನಂತರ ವಿಡಿಯೋ ಕರೆ ಮಾಡಿದ ಮಗಳು…ಹಾಗಾದರೆ ಆ ಮೃತದೇಹ ಯಾರದ್ದು?

ಆಗ ನನಗೆ ಕೇವಲ 20 ವರ್ಷ ವಯಸ್ಸು. ಹೊಂದಾಣಿಕೆ ಏನು ಎಂಬುದು ನನಗೆ ಅರ್ಥವಾಗಲಿಲ್ಲ. ಬಹುಶಃ ಸಂಭಾವನೆ ವಿಚಾರದಲ್ಲಿ ಹೊಂದಾಣಿಕೆ ಬಗ್ಗೆ ಕೇಳುತ್ತಿದ್ದಾರೆ ಅಂದುಕೊಂಡೆ. ಆದರೆ, ನಮ್ಮ ಮ್ಯಾನೇಜರ್​ ನಿಮ್ಮ ಜತೆ ಮಾತನಾಡಲಿದ್ದಾರೆ ಎಂದು ಹೇಳಿದರು. ಬಳಿಕ ಮ್ಯಾನೇಜರ್​ ನನ್ನ ಜತೆ ಮಾತನಾಡಿ ಬೇರೆ ರೀತಿಯ ಹೊಂದಾಣಿಕೆ ಬಗ್ಗೆ ಕೇಳಿದರು ಎಂದರು.

ಈ ಘಟನೆಯ ಬಳಿಕ ನಾನು ವೈಯಕ್ತಿಕವಾಗಿ ಇಂಥಹ ಯಾವುದೇ ಪರಿಸ್ಥಿತಿಯನ್ನು ಎದುರಿಸಿಲ್ಲ ಎಂದು ರೆಜಿನಾ ಇದೇ ಸಂದರ್ಭದಲ್ಲಿ ತಿಳಿಸಿದರು.

ಸಿನಿಮಾ ವಿಚಾರಕ್ಕೆ ಬರುವುದಾದರೆ ಸದ್ಯ ರೆಜಿನಾ ಅವರು ಮೂರು ತಮಿಳು ಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ಬಾರ್ಡರ್​, ಫ್ಲ್ಯಾಶ್​ಬ್ಯಾಕ್​ ಮತ್ತು ಸೂರ್ಪನಗೈ ಚಿತ್ರಗಳಲ್ಲಿ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. (ಏಜೆನ್ಸೀಸ್​)

https://www.vijayavani.net/r-adivi-sesh-reacts-to-regina-cassandra-joke-i-have-more-stamina

https://www.vijayavani.net/gurugram-woman-ends-life-by-parents-over-inter-caste-marriage

https://www.vijayavani.net/kasaragod-woman-accuses-husband-of-compelling-her-to-do-nude-video-calls