ಬೆಂಗಳೂರು ರಸ್ತೆಯಲ್ಲಿ ವ್ಲಾಗ್​ ಮಾಡುವಾಗ ಎದೆ ಸ್ಪರ್ಶಿಸಿದ ಹುಡುಗ! ವಿಡಿಯೋ ಹರಿಬಿಟ್ಟು ಕಣ್ಣೀರಾಕಿದ ಯುವತಿ | Vlogger

ಬೆಂಗಳೂರು: ರಾಜ್ಯ ರಾಜಧಾನಿ ಬೆಂಗಳೂರಿನಲ್ಲಿ ನಡೆದಿರುವ ಆಘಾತಕಾರಿ ಘಟನೆಯೊಂದು ಬೆಳಕಿಗೆ ಬಂದಿದೆ. ಬಿಟಿಎಂ ಲೇಔಟ್‌ನ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ತನಗೆ ಕಿರುಕುಳ ನೀಡಲಾಗಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ವ್ಲಾಗರ್ ( Vlogger )​ ಒಬ್ಬಳು ಗಂಭೀರ ಆರೋಪ ಮಾಡಿದ್ದಾರೆ.

ವ್ಲಾಗರ್​ ಹೆಸರು ನೇಹಾ ಬಿಸ್ವಾಲ್. ಈಕೆ ಕೆಲಸ ಮುಗಿಸಿ ಮನೆಗೆ ಮರಳುವಾಗ ಇದ್ದಕ್ಕಿದ್ದಂತೆ ಓರ್ವ ಹುಡುಗ ಸೈಕಲ್‌ನಲ್ಲಿ ಅವಳ ಬಳಿಗೆ ಬಂದು ಅವಳ ಎದೆಯನ್ನು ಮುಟ್ಟುತ್ತಾನೆ. ಇದೇ ಸಮಯದಲ್ಲಿ ನೇಹಾ ವಿಡಿಯೋ ಬ್ಲಾಗ್ ರೆಕಾರ್ಡ್ ಮಾಡುತ್ತಿದ್ದಳು. ಇಡೀ ಘಟನೆ ಕ್ಯಾಮರಾದಲ್ಲಿ ದಾಖಲಾಗಿದೆ. ಈ ವಿಡಿಯೊವನ್ನು @karnatakaportf ಹೆಸರಿನ ಎಕ್ಸ್​ ಖಾತೆಯಲ್ಲಿ ಪೋಸ್ಟ್ ಮಾಡಲಾಗಿದೆ. ವಿಡಿಯೋ ವೈರಲ್​ ಆಗಿದ್ದು, ಸಾಕಷ್ಟು ಚರ್ಚೆಯನ್ನು ಹುಟ್ಟುಹಾಕಿದೆ.

ತಾನು ವ್ಲಾಗ್ ಮಾಡುತ್ತಿದ್ದಾಗ ಒಬ್ಬ ಹುಡುಗನಿಂದ ಕಿರುಕುಳ ಅನುಭವಿಸಿದೆ ಎಂದು ವ್ಲಾಗರ್​ ನೇಹಾ ಆರೋಪ ಮಾಡಿದ್ದಾರೆ. ಈ ಘಟನೆಯಿಂದ ತನಗೆ ತುಂಬಾ ಭಯವಾಗಿದ್ದು, ಹಿಂದೆಂದೂ ಈ ರೀತಿ ಆಗಿರಲಿಲ್ಲ ಎಂದಿದ್ದಾರೆ. ಅಲ್ಲದೆ, ಆಕೆ ಅಳುತ್ತಾ ಮಾತನಾಡುತ್ತಿರುವುದು ವಿಡಿಯೋದಲ್ಲಿ ತೋರಿಸಲಾಗಿದೆ.

ಇದನ್ನೂ ಓದಿ: ರವೀನಾ ಪುತ್ರಿ ಬಾಲಿವುಡ್ ಡೆಬ್ಯೂ: ಐತಿಹಾಸಿಕ ‘ಆಜಾದ್’ ಚಿತ್ರದಲ್ಲಿ ನಟಿ ರಾಷಾ ತದಾನಿ

ನೇಹಾ ಬಿಸ್ವಾಲ್ ಹೇಳಿಕೆ ಪ್ರಕಾರ, ನಾನು ವ್ಲಾಗ್ ಮಾಡುತ್ತಿದ್ದೆ. ಈ ವೇಳೆ ಒಬ್ಬ ಹುಡುಗ ಸೈಕಲ್ ಓಡಿಸುತ್ತಾ ನನ್ನ ಮುಂದೆ ಹಾದು ಹೋದನು. ಇದೇ ಸಂದರ್ಭದಲ್ಲಿ ನನ್ನನ್ನು ನೋಡಿ ಯು-ಟರ್ನ್ ತೆಗೆದುಕೊಂಡು ನನ್ನ ಕಡೆಗೆ ಬರಲು ಪ್ರಾರಂಭಿಸಿದನು. ಮೊದಲಿಗೆ ಆತ ನನ್ನನ್ನು ಗೇಲಿ ಮಾಡಿದನು ಮತ್ತು ನನ್ನನ್ನು ಕ್ಯಾಮೆರಾದಲ್ಲಿ ಅನುಕರಿಸಿದನು. ಅಲ್ಲದೆ, ನನ್ನ ಎದೆಯನ್ನು ಮುಟ್ಟಿ ನನ್ನೊಂದಿಗೆ ಅನುಚಿತವಾಗಿ ವರ್ತಿಸಿದನು. ಬಳಿಕ ಆ ಬಾಲಕ ಓಡಿಹೋಗಲು ಯತ್ನಿಸಿದ. ಆದರೆ, ಜನರು ಅವನನ್ನು ಹಿಡಿದರು. ಆ ಹುಡುಗನಿಗೆ ಹತ್ತು ವರ್ಷ. ಅವನು ಬಾಲಕನಾಗಿದ್ದರಿಂದ ಜನರು ಅವನನ್ನು ಕ್ಷಮಿಸುವಂತೆ ಕೇಳಿದರು ಎಂದು ನೇಹಾ ಹೇಳಿದ್ದಾರೆ.

ಬೈಸಿಕಲ್​ನಲ್ಲಿ ಹೋಗುವಾಗ ಆಕಸ್ಮಾತ್ ಬ್ಯಾಲೆನ್ಸ್ ತಪ್ಪಿ ಸ್ಪರ್ಶಿಸಿದೆ ಹೊರತು ಬೇಕಂತಲೇ ಮುಟ್ಟಿದ್ದಲ್ಲ ಎಂದು ಬಾಲಕ ಹೇಳಿದ್ದಾನೆ. ಆದರೆ, ಮಹಿಳೆಯ ಎದೆಯನ್ನು ಸ್ಪರ್ಶಿಸಿದ ವಿಡಿಯೋ ಆತ ಉದ್ದೇಶಪೂರ್ಕವಾಗಿಯೇ ಈ ರೀತಿ ಮಾಡಿದ್ದಾನೆ ಎಂಬುದನ್ನು ಸ್ಪಷ್ಟವಾಗಿ ತೋರಿಸಿದೆ. ಬಾಲಕನಾಗಿದ್ದರಿಂದ ಆತನನ್ನು ಕ್ಷಮಿಸು ಎಂದು ಅನೇಕರು ಕೇಳಿದರು. ಆದರೆ, ಅದಕ್ಕೆ ಒಪ್ಪದ ನೇಹಾ, ಆ ಬಾಲಕನಿಗೆ ಹೊಡೆದು ಬುದ್ಧಿಮಾತು ಹೇಳಿ ಕಳುಹಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/hat-trick-heroine-rukmini-vasanth-three-movies-released-in-three-weeks

https://www.vijayavani.net/rrr-troy-fame-action-director-todor-lazarov-joins-rishab-shettys-kantara-team