ಹೈದರಾಬಾದ್: ಕಳೆದ ವರ್ಷ ತೆರೆಕಂಡು ಪ್ರೇಕ್ಷಕರಿಂದ ಉತ್ತಮ ರೆಸ್ಪಾನ್ಸ್ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾಗಿದ್ದ ಖುಷಿ ಚಿತ್ರದ ಸಕ್ಸಸ್ನಲ್ಲಿರುವ ನಟ ವಿಜಯ್ ದೇವರಕೊಂಡ ಅವರ ಅಭಿನಯದ ದಿ ಫ್ಯಾಮಿಲಿ ಸ್ಟಾರ್ ತೆರೆಗೆ ಬರಲು ಸಜ್ಜಾಗಿದ್ದು, ಪ್ರಚಾರದಲ್ಲಿ ಬ್ಯುಸಿಯಾಗಿದ್ದಾರೆ. ಇನ್ನು 2022ರಲ್ಲಿ ತೆರೆಕಂಡಿದ್ದ ಲೈಗರ್ ಚಿತ್ರದ ಸೋಲಿನ ಕುರಿತು ಮಾತನಾಡಿರುವ ನಟ ಹಲವು ಮಾಹಿತಿಯನ್ನು ಹಂಚಿಕೊಂಡಿದ್ದಾರೆ.
ದಿ ಫ್ಯಾಮಿಲಿ ಸ್ಟಾರ್ ಪ್ರಮೋಶನ್ ವೇಳೆ ಲೈಗರ್ ಸೋಲಿನ ಕುರಿತು ಮಾತನಾಡಿದ ದೇವರಕೊಂಡ, ಲೈಗರ್ ಚಿತ್ರ ಬಾಕ್ಸ್ಆಫೀಸಿನಲ್ಲಿ ಸೋತರೂ ನಾನು ನನ್ನ ವರ್ತನೆಯಲ್ಲಿ ಯಾವುದೇ ಬದಲಾವಣೆ ಮಾಡಿಕೊಂಡಿಲ್ಲ. ಲೈಗರ್ ಸೋಲಿನಿಂದಾಗಿ ನಾನು ನನ್ನಲ್ಲಿ ಅನೇಕ ಬದಲಾವಣೆಗಳನ್ನು ಮಾಡಿಕೊಂಡೆ ಮತ್ತು ಅದರಿಂದ ಅಮೂಲ್ಯವಾದ ಪಾಠವನ್ನು ಕಲಿತೆ.
ಇದನ್ನೂ ಓದಿ: ಆರ್ಸಿಬಿ-ಲಖನೌ ಪಂದ್ಯಕ್ಕೆ ಮಳೆ ಭೀತಿ; ಚಿನ್ನಸ್ವಾಮಿ ಅಂಗಳ ಯಾರಿಗೆ ಹೆಚ್ಚು ಸಹಕಾರಿ?
ಲೈಗರ್ ಸೋಲಿನಿಂದಾಗಿ ನನಗೆ ನಾನೇ ಶಿಕ್ಷೆಯನ್ನು ಕೊಟ್ಟುಕೊಂಡಿದ್ದೆ. ಅದೇನೆಂದರೆ ಚಿತ್ರ ಬಿಡುಗಡೆಯಾಗುವ ಮುನ್ನ ನಾನು ಆ ಸಿನಿಮಾದ ಬಗ್ಗೆ ಹೆಚ್ಚು ಮಾತನಾಡುವುದಿಲ್ಲ. ಇದೇ ವಿಚಾರ ನಾನು ನನ್ನ ಮೇಲೆ ವಿಧಿಸಿರುವ ಶಿಕ್ಷೆ ಎಂದು ನಟ ವಿಜಯ್ ದೇವರಕೊಂಡ ದಿ ಫ್ಯಾಮಿಲಿ ಸ್ಟಾರ್ ಚಿತ್ರದ ಪ್ರಮೋಷನ್ ವೇಳೆ ಹೇಳಿದ್ದಾರೆ.
ಗೀತಾ ಗೋವಿಂದಂ ಬಳಿಕ ನಿರ್ದೇಶಕ ಪರಶುರಾಮ್ ಜೊತೆ ಸಿನಿಮಾ ಮಾಡುತ್ತಿರುವ ವಿಜಯ್ ದೇವರಕೊಂಡ ದಿ ಫ್ಯಾಮಿಲಿ ಸ್ಟಾರ್ ಚಿತ್ರದಲ್ಲಿ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಚಿತ್ರಕ್ಕೆ ಗೋಪಿ ಸುಂದರ್ ಸಂಗೀತ ಸಂಯೋಜಿಸಿದ್ದು, ಮೃಣಾಲ್ ಠಾಕೂರ್ ವಿಜಯ್ಗೆ ಜತೆಯಾಗಿದ್ದಾರೆ. ದಿಲ್ರಾಜ್ ಚಿತ್ರಕ್ಕೆ ಬಂಡವಾಲ ಹೂಡಿದ್ದಾರೆ.