100 ಜನ್ರಿಗೆ 10 ಲಕ್ಷ ರೂ. ಹಂಚುತ್ತಾರೆ ವಿಜಯ್: ನೀವೂ ಹಣ ಪಡೆಯಬಹುದು... ಹೇಗೆ?

ಹೈದರಾಬಾದ್: ಸೆಲ್ಫ್ ಮೇಡ್ ಸ್ಟಾರ್ ನಟ ವಿಜಯ್ ದೇವರಕೊಂಡ ಅವರು ಸಂದೀಪ್ ರೆಡ್ಡಿ ವಂಗಾ ಅವರ ಅದ್ಭುತ ಸಿನಿಮಾ 'ಅರ್ಜುನ್ ರೆಡ್ಡಿ'ಯೊಂದಿಗೆ ಬಹಳಷ್ಟು ಖ್ಯಾತಿಯನ್ನು ಗಳಿಸಿದಾಗಿನಿಂದ, ಅವರು #ದೇವರಸಾಂಟಾ ಅಭಿಯಾನ ಮೂಲಕ ತಮ್ಮ ಅಭಿಮಾನಿಗಳಿಗೆ ಮತ್ತು ಎಲ್ಲರಿಗೂ ಪ್ರತಿ ವರ್ಷ ಕ್ರಿಸ್‌ಮಸ್ ಮತ್ತು ಹೊಸ ವರ್ಷವನ್ನು ವಿಶೇಷವಾಗಿಸುತ್ತಿದ್ದಾರೆ. ಈ ವರ್ಷ ಅವರು ತಮ್ಮ ಅಭಿಮಾನಿಗಳು ಮತ್ತು ಇತರರನ್ನು ಹುರಿದುಂಬಿಸಲು ಅವರ ದುಡಿಮೆಯಲ್ಲಿ 10 ಲಕ್ಷ ಅಂದರೆ 1 ಮಿಲಿಯನ್ ದಾನ ಮಾಡಲು ಸಿದ್ಧರಾಗಿದ್ದಾರೆ.

ನಟ ವಿಜಯ್ ದೇವರಕೊಂಡ ತಮ್ಮ ಟ್ವಿಟರ್‌ನಲ್ಲಿ, ''ನನ್ನ ಇಲ್ಲಿಯವರೆಗಿನ ಪ್ರಯಾಣ ಮತ್ತು ನಾನು ಮಾಡಿದ ಹಣದಲ್ಲಿ ಸ್ವಲ್ಪ ನನ್ನ ಅಭಿಮಾನಿಗಳು ಮತ್ತು ಎಲ್ಲರ ಜೊತೆ ಈಗ ಹಂಚಿಕೊಳ್ಳುತ್ತಿದ್ದೇನೆ. 1 ಮಿಲಿಯನ್ ಕೊಡುಗೆ ನೀಡಲಿದ್ದೇನೆ. ಇದಕ್ಕೆ, ನೀವು ಒಂದು ಸಾಂಟಾ ಆಗಿ, ಯಾರೋ ಒಬ್ಬರಿಗೆ ನಾನು 10,000 ರೂ. ಉಡುಗೊರೆಯಾಗಿ ನೀಡಲು ಕಾರಣ ಹೇಳಿ #VijayDevarakonda #DeveraSanta2021 ಎಂದು ಬರೆದು ನನಗೆ ತಿಳಿಸಿ. ಹಾಗೆ, ಬಂದ ಹೆಸರುಗಳಲ್ಲಿ 100 ಹೆಸರುಗಳನ್ನು ಆಯ್ಕೆ ಮಾಡಿ ಜನವರಿ 1 ರಂದು ಪ್ರಕಟಿಸಿ ಆ ವ್ಯಕ್ತಿಗಳಿಗೆ ನಾನು ಒಬ್ಬೊಬ್ಬರಿಗೆ ತಲಾ 10,000 ರೂ. ಕೊಡುತ್ತೇನೆ.'' ಎಂದು ಒಂದು ವಿಡಿಯೋ ಮೂಲಕ ಹೇಳಿಕೊಂಡಿದ್ದಾರೆ. ಈ ವಿಡಿಯೋ ವೈರಲ್ ಆಗುತ್ತಿದೆ. 

ನಟ ವಿಜಯ್, “ ಜೊತೆಗೆ, ರೌಡಿ ಕ್ಲಬ್ ಸದಸ್ಯರೇ, ನಿಮ್ಮ ರೌಡಿ ಕೋಡ್ ಅಥವಾ ನೋಂದಾಯಿತ ಇಮೇಲ್ ಐಡಿಯನ್ನು ನಮೂದಿಸುವುದನ್ನು ಖಚಿತಪಡಿಸಿಕೊಳ್ಳಿ. ಯಾಕೆಂದರೆ ಆಯ್ಕೆಯಾದ 100 ಮಂದಿಯಲ್ಲಿ 50 ಮಂದಿ ರೌಡಿ ಕ್ಲಬ್ ಸದಸ್ಯರಾಗಿರುತ್ತಾರೆ.'' ಅಂತ ಘೋಷಿಸಿದ್ದಾರೆ. 2017 ರಲ್ಲಿ, ಈ ಲೈಗರ್ ಚಿತ್ರದ ನಟ ತಮ್ಮ 'ಅರ್ಜುನ್ ರೆಡ್ಡಿ' ಸಿನಿಮಾದ ಬೃಹತ್ ಗಾತ್ರದ ಪೇಂಟಿಂಗ್ ಮಾಡಿದ ಕೃತಜ್ಞತೆಯ ಸಂಕೇತವಾಗಿ ಹೈದರಾಬಾದ್‌ನ ಜೆಎನ್‌ಟಿಯುನಲ್ಲಿ ಉಡುಗೊರೆಗಳನ್ನು ವಿತರಿಸುವ ಮೂಲಕ ದೇವರಸಂತನಾಗಿದ್ದರು. ಹಾಗೆ ಆರಂಭವಾದ ನಟನ #DeveraSanta ಅಭಿಯಾನ ಈ ವರ್ಷ 100 ಜನರಿಗೆ 10 ಸಾವಿರ ರೂ. ಕೊಡುವ ಮುಲಕ ಮತ್ತೆ ಮತ್ತೆ ಪ್ರತಿ ವರ್ಷ ವಿಜಯ್ 'ದೇವರಸಂತ'ನಾಗುತ್ತಿದ್ದಾರೆ.

https://www.vijayavani.net/hyderabad-police-issue-legal-notice-to-actor-sai-dharam-tej-over-bike-accident-incident/

https://www.vijayavani.net/samantha-bikini-photos-with-friends-from-goa-goes-viral-on-internet-space/

https://www.vijayavani.net/dimple-queen-rachitha-ram-hospitalized-due-to-fever-and-cold/

https://www.vijayavani.net/namratha-shirodkar-shares-a-beautiful-life-journey-video-of-her-on-instagram-and-video-goes-viral/