ಅಸಮಾಧಾನಗೊಂಡಿರುವ ಪ್ರಯಾಣಿಕರೊಬ್ಬರು ಶರ್ಟ್ ಇಲ್ಲದೆ ವಿಮಾನದ ಮುಂಭಾಗದ ಸಾಲಿನಲ್ಲಿ ಕುಳಿತಿದ್ದ ಇನ್ನೊಬ್ಬ ಪ್ರಯಾಣಿಕರೊಂದಿಗೆ ತೀವ್ರ ವಾಗ್ವಾದ ನಡೆಸುತ್ತಿರುವುದು ಕಂಡುಬರುತ್ತದೆ. ಅಂಗಿ ಧರಿಸದ ಪ್ರಯಾಣಿಕನೂ ಅಳುತ್ತಿರುವಂತೆ ಕಾಣುತ್ತದೆ. ವಾಗ್ವಾದ ವೇಳೆ ವ್ಯಕ್ತಿ, ಸಹಪ್ರಯಾಣಿಕನ ಕಾಲರ್ ಅನ್ನು ಹಿಡಿದಿರುವುದನ್ನು ಸಹ ಕಾಣಬಹುದು. ಸಹ ಪ್ರಯಾಣಿಕನ ಮುಖವು ವಿಡಿಯೋದಲ್ಲಿ ಗೋಚರಿಸುವುದಿಲ್ಲ. ಕುಳಿತಿರುವ ಪ್ರಯಾಣಿಕ ಬಟ್ಟೆ ಧರಿಸದ ಪ್ರಯಾಣಿಕನಿಗೆ ಕಪಾಳಮೋಕ್ಷ ಮಾಡುತ್ತಾನೆ. ಇದರಿಂದ ಕೋಪಗೊಂಡ ಅಂಗಿ ಹಾಕದ ವ್ಯಕ್ತಿ, ಸಹಪ್ರಯಾಣಿಕನ ಮೇಲೆ ದಾಳಿ ಮಾಡುತ್ತಾನೆ. ಈ ವೇಳೆ ಇತರ ಪ್ರಯಾಣಿಕರು ಮಧ್ಯಪ್ರವೇಶಿಸಿ, ಅಂಗಿ ಧರಿಸಿದ ಪ್ರಯಾಣಿಕನನ್ನು ದೂರ ಎಳೆದುಕೊಂಡು ಹೋಗಲು ಪ್ರಯತ್ನಿಸುತ್ತಾರೆ. ಆದರೆ ಅದು ವ್ಯರ್ಥವಗುತ್ತದೆ. ಕೊನೆಗೆ ನಾಲ್ಕೈದು ಮಂದಿ ಸೇರಿ ಆತನನ್ನು ಹಿಡಿದಿಟ್ಟುಕೊಳ್ಳುವುದರೊಂದಿಗೆ ವಿಡಿಯೋ ಕೊನೆಗೊಳ್ಳುತ್ತದೆ.
