ಅಲಿಘಢ: ವಿದೇಶಕ್ಕೆ ಹೋಗಬೇಕೆಂಬ ಉಮೆದಿನಲ್ಲಿ ಪಾಸ್ಪೋರ್ಟ್ ಮಾಡಿಸಿಕೊಳ್ಳಲು ಈ ಮಹಿಳೆ ಮುಂದಾಗಿದ್ದಳು. ಪಾಸ್ಪೋರ್ಟ್ ಅರ್ಜಿಯ ಪ್ರಕ್ರಿಯೆಯಾದ ಪೊಲೀಸ್ ವೆರಿಫಿಕೇಶನ್ಗಾಗಿ ಪೊಲೀಸ್ ಸ್ಟೇಶನ್ಗೆ ಹೋಗಿದ್ದಳು. ಪಾಸ್ಪೋರ್ಟ್ ಪರಿಶೀಲನೆ ಬದಲಾಗಿ ಪೊಲೀಸರು ಈಕೆಯ ಮೇಲೆ ಗುಂಡು ಹಾರಿಸಿದ್ದಾರೆ. ತಲೆಗೆ ಗುಂಡು ತಾಗಿರುವ ಈ ಮಹಿಳೆ ಈಗ ಸಾವು- ಬದುಕಿನ ಮಧ್ಯೆ ಹೋರಾಟ ನಡೆಸಿದ್ದಾಳೆ.
ಉತ್ತರ ಪ್ರದೇಶದ ಅಲಿಘಡದ ಪೊಲೀಸ್ ಠಾಣೆಯೊಂದಕ್ಕೆ ಪಾಸ್ಪೋರ್ಟ್ ವೆರಿಫಿಕೇಶನ್ಗೆ ಈ ಮಹಿಳೆ ತೆರಳಿದಾಗ ಗುಂಡು ಹಾರಿ ಬಂದಿದೆ. ಈ ಗುಂಡು ನೇರವಾಗಿ ಮಹಿಳೆಯ ತಲೆಗೆ ಹೊಕ್ಕಿದೆ. ಗುಂಡು ಹಾರಿದ ಈ ಘಟನೆಯು ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ ಈ ಪೊಲೀಸ್ ಠಾಣೆಯ ಸಬ್ ಇನ್ಸ್ಪೆಕ್ಟರ್ ಮನೋಜ್ ಶರ್ಮಾ ಅವರೇ ಈ ಮಹಿಳೆಯ ತಲೆಗೆ ಪಿಸ್ತೂಲ್ನಿಂದ ಗುಂಡು ಹಾರಿಸಿದ್ದಾರೆ.
ಮಹಿಳೆ ಪೊಲೀಸ್ ಠಾಣೆಗೆ ತೆರಳಿ ಸ್ವಲ್ಪ ಹೊತ್ತು ನಿಂತಿದ್ದನ್ನು ವಿಡಿಯೋದಲ್ಲಿ ಕಾಣಬಹುದು. ಸ್ವಲ್ಪ ಸಮಯದ ನಂತರ, ಒಬ್ಬ ಪೊಲೀಸ್ ಅಧಿಕಾರಿ ಬಂದು ಸಬ್ ಇನ್ಸ್ಪೆಕ್ಟರ್ಗೆ ಪಿಸ್ತೂಲ್ ನೀಡಿದರು. ಪಿಸ್ತೂಲ್ ಪರಿಶೀಲಿಸುತ್ತಿದ್ದಾಗ ಆಕಸ್ಮಿಕವಾಗಿ ಹಾರಿದ ಗುಂಡು ತಲುಲಿ ಮಹಿಳೆ ನೆಲಕ್ಕೆ ಬಿದ್ದಿದ್ದಾಳೆ. ಈ ದೃಶ್ಯಗಳೆಲ್ಲ ಸಿಸಿ ಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿವೆ.
ಆಕಸ್ಮಿಕವಾಗಿ ಹಾರಿದೆ ಎನ್ನಲಾದ ಗುಂಡು ತಗುಲಿರುವ ಮಹಿಳೆಯ ಸ್ಥಿತಿ ಚಿಂತಾಜನಕವಾಗಿದೆ ಎಂದು ತಿಳಿದುಬಂದಿದೆ.
ರಪೋ ದರ ಯಥಾಸ್ಥಿತಿ ನಿರ್ಧಾರ: 21 ಸಾವಿರ ಗಡಿ ದಾಟಿ ಸಾರ್ವಕಾಲಿಕ ಗರಿಷ್ಠ ದಾಖಲೆ ಬರೆದ ನಿಫ್ಟಿ ಸೂಚ್ಯಂಕ
ರೆಪೋ ದರ ಯಥಾಸ್ಥಿತಿಯಲ್ಲಿ ಮುಂದುವರಿಸಲು ಆರ್ಬಿಐ ನಿರ್ಧಾರ: ಸಾಲ ಪಡೆದುಕೊಂಡವರಿಗೆ ಒಂದಿಷ್ಟು ನಿರಾಳತೆ