VIDEO| ಗೋ ಕೊರೊನಾ, ಕೊರೊನಾ ಗೋ!: ಮಾರಕ ಕೊರನಾ ವೈರಸ್​ ವಿರುದ್ಧ ಕೇಂದ್ರ ಸಚಿವ ರಾಮದಾಸ್ ಅಠವಳೆ ಘೋಷಣೆ ವೈರಲ್​...

ನವದೆಹಲಿ: ಈಗಾಗಲೇ ಸಾವಿರಾರು ಮಂದಿಯನ್ನು ತನ್ನ ಮೃತ್ಯಕೂಪಕ್ಕೆ ಆಹುತಿ ಪಡೆದುಕೊಂಡು ಜಾಗತಿಕವಾಗಿ ಹರಡುತ್ತಾ ಸಾವಿನ ಭೀತಿಯನ್ನು ಹೆಚ್ಚಿಸುತ್ತಿರುವ ಮಾರಕ ಕೊರೊನಾ ವೈರಸ್​ ವಿರುದ್ಧ ಕೇಂದ್ರ ಸಚಿವ ರಾಮದಾಸ್ ಅಠವಳೆ ಅವರು ಸೋಮವಾರ ಘೋಷಣೆ ಕೂಗಿರುವ ವಿಡಿಯೋ ವೈರಲ್​ ಆಗಿದೆ.

ಕೊರೊನಾ ವಿರುದ್ಧ ಜಾಗೃತಿ ಮೂಡಿಸಲು ಒಟ್ಟಾಗಿ ಸೇರಿದ್ದ ಜನಸಮೂಹದಲ್ಲಿ ಸಾಮಾಜಿಕ ನ್ಯಾಯ ಮತ್ತು ಸಬಲೀಕರಣದ ರಾಜ್ಯ ಸಚಿವ ಅಠವಳೆ ಸಹ ಪಾಲ್ಗೊಂಡರು. ಈ ವೇಳೆ "ಕೊರೊನಾ ಹೋಗು! ಹೋಗು ಕೊರೊನಾ" (ಕೊರೊನಾ ಗೋ! ಗೋ ಕೊರೊನಾ!) ಎಂದು ಘೋಷಣೆ ಕೂಗಿದರು.

ದೇಶಾದ್ಯಂತ ಹರಡುತ್ತಿರುವ ಮಾರಣಾಂತಿಕ ಕೊರೊನಾ ವೈರಸ್​ ಅನ್ನು ತಗ್ಗಿಸಲು ಕೇಂದ್ರ ಸರ್ಕಾರದ ತಯಾರಿಗೆ ಜನರ ಸಾಮೂಹಿಕ ಘೋಷಣೆಯು ಕೂಡ ನೆರವಾಯಿತು. ದೇಶದಲ್ಲಿ ಕೊರೊನಾ ವೈರಸ್​ ಹೆಚ್ಚು ಭೀಕರತೆ ಸೃಷ್ಟಿಸದಿರಲು ಈಗಾಗಲೇ ಕೇಂದ್ರ ಸರ್ಕಾರ ಸೂಕ್ತ ಕ್ರಮಗಳನ್ನು ತೆಗೆದುಕೊಂಡಿದೆ.

ಚೀನಾದ ವುಹಾನ್​ ನಗರದಲ್ಲಿ ಸ್ಫೋಟಗೊಂಡ ಕೊರೊನಾ ವೈರಸ್​ ಈಗಾಗಲೇ ಜಾಗತಿಕವಾಗಿ 4000 ಕ್ಕೂ ಹೆಚ್ಚು ಮಂದಿಯನ್ನು ಬಲಿಪಡೆದುಕೊಂಡಿದೆ. ಭಾರತದಲ್ಲಿಯೂ 50 ಮಂದಿಗೆ ಸೋಂಕು ತಗುಲಿರುವುದು ದೃಢಪಟ್ಟಿದ್ದು, ಸಾಕಷ್ಟು ಮುಂಜಾಗ್ರತ ಕ್ರಮಗಳನ್ನು ತೆಗೆದುಕೊಳ್ಳುವಂತೆ ಕೇಂದ್ರ ಸರ್ಕಾರ ಜನತೆಗೆ ನಿರಂತರವಾಗಿ ತಿಳಿಹೇಳುತ್ತಿದೆ. (ಏಜೆನ್ಸೀಸ್​)

https://www.vijayavani.net/amidst-the-coronavirus-outbreak-in-kerala-and-other-parts-of-india-the-ldf-government-has-decided-to-cancel-school-for-students-upto-class-7-across-the-state/

https://www.vijayavani.net/varanasi-temple-has-put-face-masks-on-deities-and-appealed-to-devotees-to-not-touch-the-idols/

https://www.vijayavani.net/military-transport-aircraft-of-the-iaf-brought-back-58-indians-from-coronavirus-hit-iran-on-tuesday/