ಚೀನಾ ಇದುವರೆಗೂ ಅಮೆರಿಕ ಹಾಗೂ ಇತರೆ ದೇಶಗಳಿಗೆ ಏನೇನು ಭರವಸೆಗಳನ್ನು ನೀಡಿತ್ತೋ ಅದೆಲ್ಲವನ್ನೂ ಉಲ್ಲಂಘಿಸಿದೆ. ಈ ಉಲ್ಲಂಘನೆಗಳನ್ನು ನಿರ್ಲಕ್ಷಿಸಲಾಗದು ಅಥವಾ ಹಾಗೆಯೇ ಕೈ ಬಿಡಲಾಗದು.ಬೌದ್ಧಿಕ ಆಸ್ತಿಯನ್ನು ಕೊಳ್ಳೆ ಹೊಡೆದಿರುವುದಲ್ಲದೆ, ಕೋಟ್ಯಂತರ ಡಾಲರನ್ನೂ, ಉದ್ಯೋಗವನ್ನೂ ಕಸಿದುಕೊಂಡಿದೆ. ವಿಶ್ವ ವಾಣಿಜ್ಯ ಸಂಸ್ಥೆ (ಡಬ್ಲ್ಯುಟಿಒ)ಯ ನಿಯಮಗಳನ್ನೂ ಅದು ಉಲ್ಲಂಘಿಸಿದೆ.ಚೀನಾದ ಅಟಾಟೋಪ ಇಷ್ಟಕ್ಕೇ ನಿಂತಿಲ್ಲ.ಸುತ್ತಮುತ್ತಲಿನ ಭೌಗೋಳಿಕ ಪ್ರದೇಶದಲ್ಲಿ ಅಕ್ರಮವಾಗಿ ವ್ಯಾಪ್ತಿ ಹಿಗ್ಗಿಸುವ ಪ್ರಯತ್ನವನ್ನೂ ಅದು ಮಾಡುತ್ತಿದೆ. ಇದು ಆ ಭಾಗದಲ್ಲಿ ಬಿಗುವಿನ ವಾತಾವರಣವನ್ನು ನಿರ್ಮಿಸಿದೆ. ಈ ಹಿಂದೆ ಈ ರೀತಿಯ ಕೃತ್ಯಗಳನ್ನು ಮಾಡಿಕೊಂಡು ಚೀನಾ ನಿರ್ಬಂಧಗಳಿಂದ, ಶಿಕ್ಷೆಗಳಿಂದ ಬಚಾವ್ ಆಗಿರಬಹುದು. ಆದರೆ, ಈ ಬಾರಿ ಹಾಗಾಗಲು ಸಾಧ್ಯವಿಲ್ಲ.
