ಇದು ನಿಜವಾದ 'ಬೆಡ್​ರೂಮ್'!; ಬೆಂಗಳೂರಿನಲ್ಲಿದು ಎಲ್ಲಿದೆ? ಸುದ್ದಿ ಆಗುತ್ತಿರುವುದಾದರೂ ಯಾಕೆ?

ಬೆಂಗಳೂರು: ಇದೊಂದು 'ಬೆಡ್​​ರೂಮ್​' ಇದೀಗ ರಾಜಧಾನಿ ಬೆಂಗಳೂರಿನಲ್ಲಿ ಭಾರಿ ಸದ್ದು ಮಾಡುತ್ತಿದೆ, ಸುದ್ದಿಯೂ ಆಗುತ್ತಿದೆ. ಸೋಷಿಯಲ್ ಮೀಡಿಯಾದಲ್ಲಿ ಜಾಗತಿಕವಾಗಿ ಗಮನ ಸೆಳೆಯುತ್ತಿರುವ ಈ ಬೆಡ್​ರೂಮ್​ ಬೆಂಗಳೂರಿನಲ್ಲಿ ಇರುವುದಾದರೂ ಎಲ್ಲಿ? ಜನರು ಇದರ ಬಗ್ಗೆ ಮಾತನಾಡುತ್ತಿರುವುದಾದರೂ ಯಾಕೆ? ಎಂದು ಅಚ್ಚರಿ ಆಗಿದ್ದರೆ, ಅದಕ್ಕಿಲ್ಲಿದೆ ಉತ್ತರ.

ಸೋಷಿಯಲ್ ಮೀಡಿಯಾ ರೆಡ್ಡಿಟ್​​ನಲ್ಲಿ ಸೈಯಾ ಎಂಬ ಯೂಸರ್ ಈ ಬೆಡ್​ರೂಮ್​ ಕುರಿತ ಮಾಹಿತಿಯನ್ನು ಹಂಚಿಕೊಂಡಿದ್ದು, ಅದೀಗ ವೈರಲ್ ಆಗಲಾರಂಭಿಸಿದೆ. “A room for a bed is a bedroom..." ಎಂಬ ಕ್ಯಾಪ್ಷನ್​ನೊಂದಿಗೆ ಈ ಬೆಡ್​ರೂಮ್ ಫೋಟೋ ಹಾಗೂ ಮಾಹಿತಿ ರೆಡ್ಡಿಟ್​​ನಲ್ಲಿ ಹಂಚಿಕೊಳ್ಳಲಾಗಿದೆ.

ಇದನ್ನೂ ಓದಿ: ಹಮಾಸ್​ ದಾಳಿ: ಐವರು ಹಂತಕರನ್ನು ಸ್ವತಃ ಕೊಂದ ಎದೆಗಾತಿ; 20 ಉಗ್ರರ ಹತ್ಯೆಗೆ ನೇತೃತ್ವ ವಹಿಸಿದ ದಿಟ್ಟ ಯುವತಿ!

ಬೆಂಗಳೂರಿನ ಮಹದೇವಪುರದಲ್ಲಿ ಇರುವ ಈ ಬೆಡ್​ರೂಮ್ ಸುದ್ದಿ ಆಗುತ್ತಿರುವುದು ಇಲ್ಲಿನ ಸ್ಥಳಾವಕಾಶ ಮತ್ತು ಬಾಡಿಗೆ ವಿಚಾರಕ್ಕೆ. ಬಾಡಿಗೆಗೆ ಸಂಬಂಧಿಸಿದ ವೆಬ್​ಸೈಟ್​ವೊಂದರಲ್ಲಿ ಫ್ಲ್ಯಾಟ್ ವಿಚಾರ ನಮೂದಾಗಿದೆ.

https://www.reddit.com/r/india/comments/1732un0/a_room_for_bed_is_a_bedroom_wtf_bangalore/?utm_source=share&utm_medium=mweb3x&utm_name=post_embed&utm_term=1&utm_content=1

50 ಸಾವಿರ ರೂ. ಅಡ್ವಾನ್ಸ್ ಮತ್ತು 12 ಸಾವಿರ ರೂ. ಬಾಡಿಗೆ ಎಂದು ಉಲ್ಲೇಖಿಸಲಾಗಿರುವ ಒಂದು ರೂಮ್​, ಕಿಚನ್ ಮತ್ತು ಬಾತ್​ರೂಮ್​ನ​ ಈ ಫ್ಲ್ಯಾಟ್​​ನಲ್ಲಿನ ರೂಮ್​ ಬಗ್ಗೆಯೇ ರೆಡ್ಡಿಟ್ ಯೂಸರ್​ಗೆ ಅಚ್ಚರಿ ಅನಿಸಿದ್ದು. ಈ ರೂಮ್​ನಲ್ಲಿ ಒಂದು ಬೆಡ್​ ಇಡುವಷ್ಟು ಜಾಗ ಬಿಟ್ಟರೆ ಬೇರೆ ಜಾಗ ಇಲ್ಲ. ಒಂದು ಬೆಡ್​ಗಷ್ಟೇ ಇರುವ ಈ ರೂಮೇ ಬೆಡ್​ರೂಮ್​ ಅಂತ ಆ ಯೂಸರ್​ ವಿಡಂಬನಾತ್ಮಕವಾಗಿ ಪೋಸ್ಟ್ ಮಾಡಿದ್ದಾರೆ. ಹೀಗಾಗಿ ಇದನ್ನು ನಿಜವಾದ ಬೆಡ್​​ರೂಮ್​ ಎಂದರೂ ತಪ್ಪೇನಲ್ಲ.

https://www.vijayavani.net/please-be-aware-while-spreading-death-news

https://www.vijayavani.net/i-said-goodbye-to-my-wife-india-hananya-naftali