ನವದೆಹಲಿ: ಹಮಾಸ್ ಉಗ್ರರ ದಾಳಿಯಿಂದ ರಣಾಂಗಣ ಆಗಿರುವ ಇಸ್ರೇಲ್ನಲ್ಲಿ 25 ವರ್ಷದ ಯುವತಿಯೊಬ್ಬಳು 25 ಉಗ್ರರ ಹತ್ಯೆಗೆ ಕಾರಣವಾಗಿದ್ದಾಳೆ. ಆ ಪೈಕಿ 20 ಉಗ್ರರ ಹತ್ಯೆಗೆ ನೇತೃತ್ವ ವಹಿಸಿದ್ದ ಈಕೆ ಇನ್ನು ಐವರು ಉಗ್ರರನ್ನು ಸ್ವತಃ ಎದುರಿಸಿ ಸದೆಬಡಿದಿದ್ದಾಳೆ.
ಇಸ್ರೇಲ್ನ ನಿರ್ ಅಂ ಕಿಬುಟ್ಜ್ನಲ್ಲಿ ಭದ್ರತಾ ಮುಖ್ಯಸ್ಥೆ ಆಗಿರುವ ಇನ್ಬರ್ ಲೀಬರ್ಮನ್ ಎಂಬ 25ರ ಯುವತಿಯೇ ಆ ಎದೆಗಾತಿ. ಈ ಕಿಬ್ಬುಟ್ಜ್ನಲ್ಲಿ 2022ರ ಡಿಸೆಂಬರ್ನಿಂದ ಭದ್ರತಾ ಮುಖ್ಯಸ್ಥೆ ಆಗಿರುವ ಈಕೆ ತನ್ನ ಜವಾಬ್ದಾರಿಯನ್ನು ಸವಾಲಾಗಿ ತೆಗೆದುಕೊಂಡಿದ್ದು, ಅಲ್ಲಿನ ಅಷ್ಟೂ ಮಂದಿಯನ್ನು ರಕ್ಷಿಸಿಕೊಂಡಿದ್ದಲ್ಲದೆ, ತನ್ನ ತಂಡದ ನೆರವಿನೊಂದಿಗೆ ಒಟ್ಟು 25 ಉಗ್ರರನ್ನು ಹೊಡೆದುರುಳಿಸಿದ್ದಾಳೆ.
ಇದನ್ನೂ ಓದಿ: ನಿಧನದ ವಿಚಾರದಲ್ಲಿರಲಿ ನಿಧಾನ: ಸುಳ್ಳೇ ಏಕೆ ಸಾಯಿಸುವರೋ!; ಇನ್ನಿಲ್ಲ ಎಂಬ ಸುದ್ದಿ ಬಂದಾಗ ಇನ್ನೇನು ಮಾಡಬೇಕು?
ಶನಿವಾರ ಬೆಳಗ್ಗೆ ಕಿಬ್ಬುಟ್ಜ್ ಸಮೀಪದಲ್ಲಿ ಸ್ಫೋಟಕ ಸದ್ದು ಕೇಳಿಸುತ್ತಿದ್ದಂತೆ ಇನ್ಬರ್ ಮತ್ತಾಕೆಯ ತಂಡ ಅಲರ್ಟ್ ಆಗಿತ್ತು. ಸಾಮಾನ್ಯ ರಾಕೆಟ್ ದಾಳಿಗಿಂತಲೂ ಈ ಸದ್ದು ವಿಭಿನ್ನವಾಗಿದ್ದರಿಂದ ತಕ್ಷಣ ಕಾರ್ಯಪ್ರವೃತ್ತಗೊಂಡ ಈಕೆ ತನ್ನ ಇತರ 12 ಭದ್ರತಾ ಸಿಬ್ಬಂದಿಗೆ ಗನ್ಗಳನ್ನು ನೀಡಿ, ಎಂಥ ಪರಿಸ್ಥಿತಿಯನ್ನೂ ಎದುರಿಸಲು ತಕ್ಷಣ ಸಜ್ಜಾಗಿರುವಂತೆ ಸೂಚಿಸಿದಳು.
ಇದನ್ನೂ ಓದಿ: ಹಮಾಸ್ ಮಾಸ್ಟರ್ಮೈಂಡ್ ಮನೆ ಮೇಲೆರಗಿದ ಇಸ್ರೇಲ್ ರಾಕೆಟ್; ಆತನ ಮಗ, ಸಹೋದರ, ಸಹೋದರನ ಮೊಮ್ಮಗಳ ಸಾವು..
ಆಕೆ ತನ್ನ ಪ್ರದೇಶದ ಆಯಕಟ್ಟಿನ ಸ್ಥಳಗಳಲ್ಲಿ ತನ್ನವರನ್ನು ನಿಯೋಜಿಸಿ ಹೊಂಚು ಹಾಕಿ ದಾಳಿ ನಡೆಸಲು ನಿರ್ದೇಶನ ನೀಡಿದಳು. ಜೊತೆಗೆ ಕಿಬ್ಬುಟ್ಜ್ನ ಮಕ್ಕಳು ಮಹಿಳೆಯರನ್ನೆಲ್ಲ ಸುರಕ್ಷಿತ ಸ್ಥಳದಲ್ಲಿ ಇರಿಸಿದಳು. ಇತ್ತ ಈಕೆಯ ತಂಡದವರು 20 ಉಗ್ರರನ್ನು ಹೊಡೆದುರುಳಿಸಿದರೆ, ಇವಳು ಸ್ವತಃ ಐವರು ಉಗ್ರರನ್ನು ಸದೆಬಡಿದಳು.
ಹೀಗೆ ತನ್ನ ಭದ್ರತೆಯಲ್ಲಿದ್ದ ಕಿಬ್ಬುಟ್ಜ್ಗೆ ಸೇರಿದವರಲ್ಲಿ ಯಾರೂ ಹತರಾಗದಂತೆ ರಕ್ಷಣೆ ಮಾಡಿದ್ದಕೊಂಡಿದ್ದಲ್ಲದೆ, ಅಲ್ಲಿಗೆ ದಾಳಿಗೆ ಮುಂದಾಗಿ ಬಂದಿದ್ದ ಅಷ್ಟೂ ಹಮಾಸ್ ಉಗ್ರರನ್ನು ಸದೆಬಡಿದಿದ್ದಾಳೆ. ಈ ಮೂಲಕ ಈಕೆಯ ಬಗ್ಗೆ ಇದೀಗ ಭಾರಿ ಮೆಚ್ಚುಗೆ ವ್ಯಕ್ತವಾಗಲಾರಂಭಿಸಿದೆ.
ಏನಿದು ಕಿಬ್ಬುಟ್ಜ್?: ಇಸ್ರೇಲ್ನಲ್ಲಿನ ನಿಗದಿತ ಸಮುದಾಯಗಳನ್ನು ಕಿಬ್ಬುಟ್ಜ್ ಎಂದು ಕರೆಯಲಾಗುತ್ತದೆ. ಹೀಬ್ರೂ ಭಾಷೆಯಲ್ಲಿ ಕಿಬ್ಬುಟ್ಜ್ ಎಂದರೆ ಗುಂಪುಗೂಡುವುದು ಎಂದರ್ಥ. ಸ್ಪರ್ಧಾತ್ಮಕವಲ್ಲ ಸ್ವಯಂಪ್ರೇರಿತ ಜೀವನದ ಆಧಾರದ ಮೇಲೆ ಇಂಥ ಗುಂಪಿನವರು ಜೊತೆಯಾಗಿ ಜೀವಿಸುತ್ತಾರೆ.
This young woman who was the head of Kibbutz Nir-Am security, quickly gathered all the women and children to safe spaces and deployed kibbutz members to defend against Hamas terrorists.
Thanks to Inbal Lieberman, 25 Hamas terrorists were taken out and the entire kibbutz was… pic.twitter.com/hKM7nTCuwn
— Israel ישראל 🇮🇱 (@Israel) October 10, 2023