ಹಮಾಸ್ ಮಾಸ್ಟರ್​ಮೈಂಡ್​ ಮನೆ ಮೇಲೆರಗಿದ ಇಸ್ರೇಲ್ ರಾಕೆಟ್; ಆತನ ಮಗ, ಸಹೋದರ, ಸಹೋದರನ ಮೊಮ್ಮಗಳ ಸಾವು..

ನವದೆಹಲಿ: ಹಮಾಸ್ ಉಗ್ರರ ದಾಳಿ ಆರಂಭವಾಗಿ ನಾಲ್ಕನೇ ದಿನ ತಲುಪಿದ್ದರೂ ಇಸ್ರೇಲ್​ನಲ್ಲಿ ಉಂಟಾಗಿರುವ ರಣಭೀಕರ ಪರಿಸ್ಥಿತಿ ಇನ್ನೂ ಶಮನವಾಗಿಲ್ಲ. ಬದಲಿಗೆ ನಿತ್ಯವೂ ಯುದ್ಧೋನ್ಮಾದ ಉಂಟಾಗುತ್ತಿದ್ದು, ದಾಳಿ-ಪ್ರತಿದಾಳಿಗೆ ಹೆಣಗಳು ಬೀಳಲಾರಂಭಿಸಿವೆ.

ಇಸ್ರೇಲ್​ ಯುದ್ಧವನ್ನು ಘೋಷಿಸಿ ಹಮಾಸ್ ಉಗ್ರರ ಮೇಲೆ ಪ್ರತೀಕಾರಕ್ಕೆ ಮುಂದಾಗಿದ್ದು, ಹಮಾಸ್ ಉಗ್ರರ ಮಾಸ್ಟರ್​ಮೈಂಡ್ ಮನೆಯನ್ನೇ ಗುರಿಯಾಗಿಸಿ ರಾಕೆಟ್ ದಾಳಿ ನಡೆಸಿದೆ ಎಂಬ ಸಂಗತಿ ವರದಿಯಾಗಿದೆ. ಈ ಕುರಿತಂತೆ ಅಲ್ಲಿನ ಸ್ಥಳೀಯ ಮಾಧ್ಯಮಗಳು ಸುದ್ದಿಯನ್ನು ಪ್ರಕಟಿಸಿವೆ.

ಇದನ್ನೂ ಓದಿ: ಪ್ರಧಾನಿ ಮೋದಿಗೆ ಆಪತ್ತಿದೆಯೇ?: ಸಹಾಯಕರ ಸೋಗಿನಲ್ಲಿ ಇರುವವರಿಂದಲೇ ತೊಂದರೆ!; ಏನಿದು ಭವಿಷ್ಯ?

ಹಮಾಸ್​ ಉಗ್ರರ ಈ ದಾಳಿಯ ಮಾಸ್ಟರ್​​ಮೈಂಡ್ ಎನ್ನಲಾದ ಮೊಹಮ್ಮದ್ ಡೈಫ್ ಎಂಬಾತನ ತಂದೆಯ ಮನೆ ಮೇಲೆ ಇಸ್ರೇಲ್ ರಕ್ಷಣಾ ಪಡೆ ಹಾರಿಸಿದ್ದ ರಾಕೆಟ್​ ಬಂದೆರಗಿದೆ. ಗಾಜಾದಲ್ಲಿನ ಈ ಮನೆ ಮೇಲೆ ಬಂದೆರಗಿ ರಾಕೆಟ್​ ಮೂರು ಜೀವಗಳನ್ನು ಬಲಿ ಪಡೆದುಕೊಂಡಿದ್ದಲ್ಲದೆ ಮನೆಯನ್ನು ಧ್ವಂಸಗೊಳಿಸಿದೆ.

ಈ ದಾಳಿಯಲ್ಲಿ ಹಮಾಸ್ ಮಿಲಿಟರಿ ಕಮಾಂಡರ್​ ಮೊಹಮ್ಮದ್ ಡೈಫ್​ನ ಪುತ್ರ, ಸಹೋದರ, ಸಹೋದರನ ಮೊಮ್ಮಗಳು ಸಾವಿಗೀಡಾಗಿದ್ದಾರೆ. ಮಾತ್ರವಲ್ಲ, ಮನೆ ಧ್ವಂಸಗೊಂಡಿದ್ದು, ಮನೆಯ ಇನ್ನೂ ಕೆಲವು ಸದಸ್ಯರು ಅವಶೇಷಗಳಡಿ ಸಿಲುಕಿದ್ದಾರೆ ಎಂದು ಅಲ್ಲಿನ ಮಾಧ್ಯಮಗಳು ವರದಿ ಮಾಡಿವೆ.

https://www.vijayavani.net/they-took-it-to-leave-a-memory-of-love-in-case-they-die

https://www.vijayavani.net/i-said-goodbye-to-my-wife-india-hananya-naftali