ಮಹಾರಾಷ್ಟ್ರ: ಆಧುನಿಕ ಜೀವನ ಶೈಲಿಯಲ್ಲಿ 40ನೇ ವಯಸ್ಸಿಗೆ ಕೈ-ಕಾಲು ನೋವು ಎಂದು ಗೋಳಾಡುವ ಅನೇಕ ಜನರನ್ನು ನೋಡಿದ್ದೇವೆ. ಆದರೆ ಇಲ್ಲೊಬ್ಬ ಅಜ್ಜ ತನ್ನ ಇಳಿವಯಸ್ಸಿನಲ್ಲಿಯೂ ದೇಶ-ವಿದೇಶಗಳಲ್ಲಿ ಆಯೋಜಿಸಲಾದ ವಿವಿಧ ಕ್ರೀಡಾ ಸ್ಪರ್ಧೆಗಳಲ್ಲಿ ಭಾಗವಹಿಸಿ ಈವರೆಗೆ ಒಟ್ಟು 114 ಪದಕಗಳನ್ನು ಗಳಿಸಿದ್ದಾರೆ.
ಮೂಲತಃ ಮಹಾರಾಷ್ಟ್ರ ನಿವಾಸಿಯಾಗಿರುವ ಜನರಾವ್ ಲೋಂಕರ್ ಅವರು ನಿವೃತ್ತ ಪೋಲಿಸ್ ಅಧಿಕಾರಿ. 18ನೇ ವಯಸ್ಸಿನಲ್ಲಿ ಪೊಲೀಸ್ ಸೇವೆಗೆ ಬಂದು ವಿವಿಧ ಪೊಲೀಸ್ ಠಾಣೆಗಳಲ್ಲಿ ಸೇವೆ ಸಲ್ಲಿಸಿ 48ನೇ ವಯಸ್ಸಿನಲ್ಲಿ ನಿವೃತ್ತರಾದರು.
ಇದನ್ನೂ ಓದಿ: ಸೆಪ್ಟಿಕ್ ಟ್ಯಾಂಕ್ ಶುಚಿಗೊಳಿಸುವ ವೇಳೆ ದುರಂತ: 5 ಸಾವು
ಸದ್ಯ, ಲೋಂಕರ್ ಅವರಿಗೆ 84 ವರ್ಷ ವಯಸ್ಸಾಗಿದ್ದರೂ ಸಹ, ಅವರ ಈ ಸಾಧನೆ ಯುವಕರಿಗೆ ಸ್ಪೂರ್ತಿದಾಯಕವಾಗಿದೆ. ಓಟ, ಜಾವೆಲಿನ್ ಎಸೆತ, ಗುಂಡು ಎಸೆತ, ಟೇಬಲ್ ಥ್ರೋ, ಜಂಪಿಂಗ್, ಹರ್ಡಲ್ಸ್ ಹೀಗೆ 26 ರಿಂದ 27 ವಿವಿಧ ಕ್ರೀಡೆಗಳಲ್ಲಿ ಭಾಗವಹಿಸಿ ಪದಕಗಳನ್ನು ಗೆದ್ದಿದ್ದಾರೆ.
ಆರೋಗ್ಯ ಮತ್ತು ದೈಹಿಕ ಕಸರತ್ತಿಗೆ ಮಹತ್ವ ನೀಡುವ ಲೋಂಕಾರ್ ಪ್ರತಿನಿತ್ಯ ತಪ್ಪದೇ ವ್ಯಾಯಮ ಮಾಡಿ, ಸಮಯಕ್ಕೆ ಸರಿಯಾಗಿ ಊಟ ಮಾಡುತ್ತಾರೆ. ಅವರಿಗೆ 81 ವರ್ಷದ ಪತ್ನಿ ಸುಮನ್ ಜನರಾವ್ ಕೂಡ ಸಹಾಯ ಮಾಡುತ್ತಾರೆ. ಇವನ ಬಗ್ಗೆ ಅತ್ಯಂತ ಆಶ್ಚರ್ಯಕರ ಸಂಗತಿಯೆಂದರೆ, ಈಗಾಗಲೇ ಹಲವು ಸ್ಪರ್ಧೆಯಲ್ಲಿ ಗೆದ್ದಿರುವ ಈ ಅಜ್ಜನ ಗೆಲ್ಲುವ ಉತ್ಸಾಹವು ಕಡಿಮೆಯಾಗಿಲ್ಲ.(ಏಜೆನ್ಸೀಸ್)