ಕೊಚ್ಚಿ: ಚಪ್ಪಲಿ ಒಲಿಯುವುದು ಹಾಗೂ ಶೂ ಕ್ಲೀನ್ ಮಾಡುವ ಕೆಲಸ ಎಂದರೆ ಮೂಗು ಮುರಿಯುವವರೇ ಹೆಚ್ಚು. ಈ ಕೆಲಸ ಮಾಡುವರನ್ನು ಸಮಾಜ ನೋಡುವ ದೃಷ್ಟಿಯೇ ಬೇರೆ ರೀತಿ ಇರುತ್ತದೆ. ಆದರೆ, ಯಾವ ಕೆಲಸವೂ ಕೀಳಲ್ಲ ಎಂಬ ಮಾತು ನೆನಪಿರಬೇಕು. ಶೂ ಕ್ಲೀನ್ ಮಾಡಿಯೂ ಲಕ್ಷಾಂತರ ರೂಪಾಯಿ ದುಡಿಯಬಹುದು ಎಂಬುದಕ್ಕೆ ಕೇರಳ ಮೂಲದ ಈ ಯುವತಿ ತಾಜಾ ನಿದರ್ಶನವಾಗಿದ್ದಾರೆ.
ಕೃಷ್ಣ ಎಂಬಾಕೆ ಕೇರಳದ ಫೋರ್ಟ್ ಕೊಚ್ಚಿ ನಿವಾಸಿ. ಕೆಸರು ಹಾಗೂ ಕೊಳಕಿನಿಂದ ಕೂಡಿದ ಶೂಗಳನ್ನು ಒಂದೇ ಒಂದು ಕಲೆ ಇಲ್ಲದಂತೆ ನೀಟಾಗಿ ಕ್ಲೀನ್ ಮಾಡಿ ವಾಪಸ್ ಕೊಡುವುದೇ ಕೃಷ್ಣಳ ಕೆಲಸ. 25 ವರ್ಷದ ಕೃಷ್ಣ ಹಿಧ ದಿ ಶೋ ಶೈನಿ ಹೆಸರಿನ ಕಂಪನಿಯನ್ನು ನಡೆಸುತ್ತಿದ್ದು, ತಿಂಗಳಿಗೆ 1.20 ಲಕ್ಷ ರೂ. ಆದಾಯ ತೆಗೆಯುತ್ತಿದ್ದಾರೆ. ಸಿನಿಮಾ ಕಲಾವಿದರು ಹಾಗೂ ಉದ್ಯಮಿಗಳು ಕೂಡ ಕೃಷ್ಣಳ ಗ್ರಾಹಕರಾಗಿದ್ದಾರೆ.
ಇಂಟಿರಿಯರ್ ಡಿಸೈನ್ನಲ್ಲಿ ಪದವಿ ಪಡೆದ ಕೃಷ್ಣ, ಸಿನಿಮೋಟೋಗ್ರಫಿ ಮತ್ತು ಫೋಟೋಗ್ರಫಿ ಪ್ರಯತ್ನಿಸಿದಳು. ಆದರೆ, ಅಂದುಕೊಂಡಂತಹ ಸಕ್ಸಸ್ ಪಡೆಯಲಿಲ್ಲ. ಈ ವೇಳೆ ಆಕೆಯ ಫ್ರೆಂಡ್ ‘ಶೂ ಲಾಂಡ್ರಿ’ಯ ಐಡಿಯಾ ಕೊಟ್ಟರು. ವಿದೇಶಗಳಲ್ಲಿ ಇದು ತುಂಬಾ ಸಾಮಾನ್ಯ. ಇದಾದ ಬಳಿಕ ಯೂಟ್ಯೂಬ್ ನೋಡಿ ಶೂ ಲಾಂಡ್ರಿ ಬಗ್ಗೆ ಕಲಿತುಕೊಂಡಳು. ಇದಾದ ಬಳಿಕ ತನ್ನ ಇನ್ಸ್ಟಾಗ್ರಾಂ ಖಾತೆಯಲ್ಲಿ ಶೂ ಲಾಂಡ್ರಿಯ ಬಗ್ಗೆ ವಿಡಿಯೋ ಒಂದನ್ನು ಪೋಸ್ಟ್ ಮಾಡಿದರು. ಆಕೆಯ ವಿಡಿಯೋ ವೈರಲ್ ಆದ್ದಂತೆ ಅನೇಕರು ಆಕೆಯನ್ನು ಸಂಪರ್ಕಿಸಲು ಶುರು ಮಾಡಿದರು. ಇದಾದ ಬಳಿಕ ಹಿಧ ದಿ ಶೂ ಶೈನಿ ಹುಟ್ಟಿಕೊಂಡಿತು.
ಬ್ಯಾಂಕ್ನಿಂದ ಸಾಲ ಪಡೆದು ಸುಮಾರು 2 ಲಕ್ಷ ರೂ. ವೆಚ್ಚದಲ್ಲಿ ಕೃಷ್ಣ ಶೂ ಲಾಂಡ್ರಿ ಸೆಟಪ್ ಅಳವಡಿಸಿದರು. ಇದಾದ ಬಳಿಕ ತಾನು ಖರ್ಚು ಮಾಡಿದ ಹಣವನ್ನು ಕೇವಲ ಎರಡೇ ತಿಂಗಳಲ್ಲಿ ಕೃಷ್ಣ ಮರಳಿ ಪಡೆದರು. ಇದೀಗ ಥಿರುವಳ್ಳ, ವೈಪಿನ್ ಮತ್ತು ಇತರೆ ಜಿಲ್ಲೆಗಳಲ್ಲಿ ಶಾಖೆಗಳನ್ನು ತೆರೆಯಲು ಕೃಷ್ಣ ಪ್ಲ್ಯಾನ್ ಮಾಡಿದ್ದಾರೆ. ಇಷ್ಟೇ ಅಲ್ಲದೆ, ನ್ಯೂಜಿಲೆಂಡ್ ಮತ್ತು ಯುಎಇನಲ್ಲೂ ಶಾಖೆ ತೆರೆಯಲು ತಯಾರಿ ಮಾಡಿಕೊಳ್ಳುತ್ತಿದ್ದಾರೆ.
ನಟಿ ನಜ್ರಿಯಾ ಕೂಡ ಗ್ರಾಹಕಿ
ನಟಿಯರಾದ ನಜ್ರಿಯಾ ಮತ್ತು ಮರೀನಾ ಮೈಕೆಲ್, ಕೃಷ್ಣ ಅವರ ಶೂ ಲಾಂಡ್ರಿಯಲ್ಲಿ ಸಾಮಾನ್ಯ ಗ್ರಾಹಕರು. ಆರಂಭದಲ್ಲಿ ಇಲ್ಲಿ ಶೂಗಳನ್ನು ಮಾತ್ರ ಸ್ವಚ್ಛಗೊಳಿಸಲಾಗುತ್ತಿತ್ತು. ಈಗ, ಕ್ರಾಕ್ಸ್, ಲೋಫರ್ಸ್, ಸ್ಲೈಡ್ಸ್, ಐಷಾರಾಮಿ ಬ್ಯಾಗ್ಸ್ ಮತ್ತು ಸೂಟ್‌ಕೇಸ್‌ಗಳನ್ನು ಸಹ ಸ್ವಚ್ಛಗೊಳಿಸಲಾಗುತ್ತಿದೆ. ಪ್ರತಿದಿನ 15ಕ್ಕೂ ಹೆಚ್ಚು ಜೋಡಿ ಶೂಗಳನ್ನು ಕ್ಲೀನ್ಗೆಂದು ತರಲಾಗುತ್ತಿದೆ. (ಏಜೆನ್ಸೀಸ್)
ಮಹೇಶ್ ಬಾಬು ವಿಗ್ ಬಳಸುತ್ತಾರಾ? ಮೇಕಪ್ ಮ್ಯಾನ್ ಬಿಚ್ಚಿಟ್ಟ ಅಸಲಿ ಸಂಗತಿ ಇಲ್ಲಿದೆ ನೋಡಿ…
ಊರ್ವಶಿಗೆ ದುಬಾರಿ ಗಿಫ್ಟ್ ಕೊಟ್ಟ ಹನಿಸಿಂಗ್! ಈ ಚಿನ್ನದ ಕೇಕ್ ಬೆಲೆ ನಿಮ್ಮಿಂದ ಊಹಿಸಲು ಸಾಧ್ಯವಿಲ್ಲ
100 ಕೋಟಿ ರೂ. ಕೊಟ್ಟರು ಈ ಹೀರೋ ಜತೆ ನಟಿಸುವುದಿಲ್ಲವಂತೆ ನಯನತಾರಾ! ಯಾರು ಆ ನಟ?