ಮುಂಬೈ: ಬಾಲಿವುಡ್ ಬ್ಯೂಟಿ ಊರ್ವಶಿ ರೌಟೇಲಾ ಇಂದು (ಫೆ.25) 30ನೇ ವಸಂತಕ್ಕೆ ಕಾಲಿಟ್ಟಿದ್ದಾರೆ. ತಮ್ಮ ಮುಂಬರುವ ಹಾಡು ಲವ್ ಡೋಸ್ 2 ಶೂಟಿಂಗ್ ಸೆಟ್ನಲ್ಲಿ ಕೋ ಸ್ಟಾರ್, ಖ್ಯಾತ ಗಾಯಕ ಹಾಗೂ ರ್ಯಾಪರ್ ಯೋ ಯೋ ಹನಿಸಿಂಗ್ ಜತೆ ಹುಟ್ಟಹಬ್ಬ ಸಂಭ್ರಮಾಚರಣೆ ಮಾಡಿದ್ದಾರೆ. ಇದಕ್ಕೆ ಸಂಬಂಧಿಸಿದ ಫೋಟೋಗಳು ಹರಿದಾಡುತ್ತಿದ್ದು, ಚಿನ್ನದ ಲೇಪಿತ ಕೇಕ್ ಎಲ್ಲರ ಗಮನ ಸೆಳೆಯುವುದರ ಜತೆಗೆ ಚರ್ಚೆಯ ವಿಷಯವೂ ಆಗಿಗಿದೆ.
ಚಿನ್ನದ ಕೇಕ್ ಮೂಲಕ ಹನಿಸಿಂಗ್, ಊರ್ವಶಿಗೆ ದುಬಾರಿ ಉಡುಗೊರೆಯನ್ನೇ ನೀಡಿದ್ದಾರೆ. ಈ ಕೇಕ್ ಬೆಲೆ ಕೇಳಿದರೆ ನೀವು ಬೆರಗಾಗೋದು ಖಂಡಿತ. ಕತ್ತರಿಸಿ ತಿನ್ನುವ ಕೇಕ್ಗೆ ಇಷ್ಟೊಂದು ಹಣ ಕೊಟ್ಟಿದ್ದಾರಾ ಎಂದು ದಂಗಾಗ್ತೀರಾ! ಹೌದು, ಈ ಕೇಕ್ ಬೆಲೆ ಲಕ್ಷವಲ್ಲ, ಕೋಟಿ ಬೆಲೆ ಬಾಳುತ್ತದೆ. ಇತಿಹಾಸದಲ್ಲೇ ಅತಿ ದುಬಾರಿ ಕೇಕ್ ಎಂಬ ಹೆಗ್ಗಳಿಕೆ ಹೊಂದಿದೆ.
ಹಾಗಾದರೆ, ಕೇಕ್ನ ಬೆಲೆ ಎಷ್ಟು ಅಂತೀರಾ? ಕೇಕ್ನ ಬೆಲೆ ತಿಳಿಯುವ ಮುನ್ನ ನಿಮ್ಮ ಉಸಿರು ಬಿಗಿ ಹಿಡಿದುಕೊಳ್ಳಿ. ಏಕೆಂದರೆ, ಕೇಕ್ನ ಬೆಲೆ ಬರೋಬ್ಬರಿ 3 ಕೋಟಿ ರೂಪಾಯಿ. ನಿಮಗಿದು ಅಚ್ಚರಿ ಎನಿಸಿದರೂ ಇದೇ ಸತ್ಯ. ಬರ್ತಡೇ ಬೆಡಗಿ ಊರ್ವಶಿಗಿಂತ 24 ಕ್ಯಾರೆಟ್ ಚಿನ್ನದ ಲೇಪಿತ ಇರುವ ಕೇಕ್ ತುಂಬಾ ಗಮನ ಸೆಳೆದಿದೆ.
ಹುಟ್ಟುಹಬ್ಬದಂದು ಊರ್ವಶಿಗೆ ವಿಶೇಷ ಉಡುಗೊರೆ ನೀಡಿದ್ದರ ಬಗ್ಗೆ ಮಾತನಾಡಿರುವ ಹನಿಸಿಂಗ್, ನನ್ನ ಪ್ರಕಾರ ಊರ್ವಶಿ ನಿಜವಾಗಿಯೂ ವಿಶ್ವದ ಅತ್ಯಂತ ಸುಂದರ ಹುಡುಗಿ. ಇದನ್ನು ಅನೇಕ ಬಾರಿ ನಾನು ಹೇಳಿದ್ದೇನೆ. ಆಕೆ ಅತ್ಯಂತ ಸುಂದರ ಹುಡುಗಿಯಾಗಿರುವುದರಿಂದಲೇ ಲವ್ ಡೋಸ್ 2 ಹಾಡಿಗಾಗಿ ಆಕೆಯನ್ನು ಆಯ್ಕೆ ಮಾಡಿಕೊಂಡೆ. ಈ ಹಿಂದಿನ ಲವ್ ಡೋಸ್ ಹಾಡು ದೊಡ್ಡ ಯಶಸ್ಸನ್ನು ಕಂಡಿತು. ಅಂದಿನಿಂದ, ಅಭಿಮಾನಿಗಳು ಹೆಚ್ಚಿನ ಬೇಡಿಕೆಯನ್ನು ಇಟ್ಟುಕೊಂಡಿದ್ದರು. ಆ ಸಮಯದಿಂದ ಇಂದಿನವರೆಗೆ ಕಲಾವಿದೆಯಾಗಿ ಊರ್ವಶಿ ಅವರ ಬೆಳವಣಿಗೆಯನ್ನು ನಾನು ನೋಡಿದ್ದೇನೆ, ಅವರು ನಿಜಕ್ಕೂ ಜಾಗತಿಕ ಸೂಪರ್ಸ್ಟಾರ್ ಎಂದು ಹನಿಸಿಂಗ್ ಬಣ್ಣಿಸಿದ್ದಾರೆ.
ನನ್ನ ಪ್ರಕಾರ, ಊರ್ವಶಿಯಂತಹ ಜಾಗತಿಕ ಸೂಪರ್ಸ್ಟಾರ್ ರಾಯಲ್ ಗಿಫ್ಟ್ಗೆ ಅರ್ಹರು. ಹೀಗಾಗಿಯೇ 3 ಕೋಟಿ ರೂ. ಮೌಲ್ಯದ ಈ ವಿಶೇಷ ಕೇಕ್ ಖರೀದಿ ಮಾಡಲು ನಿರ್ಧರಿಸಿದೆ. ಈ ಸಹಯೋಗದ ಅವಶ್ಯಕತೆ ನನಗಿದೆ. ಈ ಕೇಕ್ ಕತ್ತರಿಸಿದ ಕ್ಷಣವು ಕೋ-ಸ್ಟಾರ್ಗೆ ಇದುವರೆಗೂ ಯಾರಾದರೂ ಮಾಡಿದಂತಹ ಅತ್ಯಂತ ವಿಶೇಷ ಕ್ಷಣ ಅಥವಾ ಉಡುಗೊರೆಯಾಗಿ ಇತಿಹಾಸದಲ್ಲಿ ಉಳಿಯಬೇಕೆಂದು ನಾನು ಬಯಸುತ್ತೇನೆ. ಕೆಲಸದ ವಿಚಾರದಲ್ಲಿ ಊರ್ವಶಿ ನಿಜಕ್ಕೂ ಅದ್ಭುತ. ಈ ಅದ್ಧೂರಿ ಆಚರಣೆಗೆ ಆಕೆ ಅರ್ಹಳು. ಮುಂದೆಯೂ ಅವಳ ದೊಡ್ಡ ಯಶಸ್ಸನ್ನು ನಾನು ಬಯಸುತ್ತೇನೆ ಎಂದು ಹನಿಸಿಂಗ್ ಹೇಳಿದ್ದಾರೆ. (ಏಜೆನ್ಸೀಸ್)
100 ಕೋಟಿ ರೂ. ಕೊಟ್ಟರು ಈ ಹೀರೋ ಜತೆ ನಟಿಸುವುದಿಲ್ಲವಂತೆ ನಯನತಾರಾ! ಯಾರು ಆ ನಟ?
ಕೇವಲ 2 ಗಂಟೆಗೆ 13 ಲಕ್ಷ ರೂಪಾಯಿ! ನಟಿ ಮೀನಾ ವಿರುದ್ಧ ಗಂಭೀರ ಆರೋಪ ಮಾಡಿದ ಕಾಲಿವುಡ್ ನಟ
ಹುಡುಗಿಯರಿಗೆ ಇದು ಸುಲಭ, ಹುಡುಗರ ಬಗ್ಗೆ ಯೋಚಿಸಿದ್ರೆ ಅಯ್ಯೋ ಪಾಪ ಅನ್ಸುತ್ತೆ ಎಂದ ನಿತ್ಯಾ ಮೆನನ್!