ಲೈಂಗಿಕ ಜೀವನ ಹಾಳಾಗಲು ಈ ಕೆಟ್ಟ ಅಭ್ಯಾಸಗಳೇ ಕಾರಣ: ಬಿಡದಿದ್ರೆ ತೊಂದರೆ ತಪ್ಪಿದ್ದಲ್ಲ | Sex life

Sex life : ಪ್ರತಿಯೊಬ್ಬರ ಜೀವನದಲ್ಲಿ ಸೆಕ್ಸ್​ ಬಹಳ ಮುಖ್ಯ ಪಾತ್ರ ವಹಿಸುತ್ತದೆ. ರೊಮ್ಯಾಂಟಿಕ್ ಲೈಫ್ ಚೆನ್ನಾಗಿದ್ದರೆ ಬೇರೆ ಸಮಸ್ಯೆಗಳು ಅಷ್ಟಾಗಿ ಕಾಣಿಸುವುದಿಲ್ಲ. ಎಷ್ಟೇ ಒತ್ತಡವಿದ್ದರೂ ಲೈಂಗಿಕತೆ ಅದನ್ನು ದೂರ ಮಾಡುತ್ತದೆ. ಆದರೆ, ಇತ್ತೀಚಿನ ದಿನಗಳಲ್ಲಿ ಅನೇಕರು ಲೈಂಗಿಕ ಜೀವನವನ್ನು ಸಂಪೂರ್ಣವಾಗಿ ಆನಂದಿಸಲು ಸಾಧ್ಯವಾಗುತ್ತಿಲ್ಲ. ಅದಕ್ಕೆ ಹಲವು ಕಾರಣಗಳಿರಬಹುದು. ಪತಿ-ಪತ್ನಿಯರ ಸಂಬಂಧದಲ್ಲಿ ಅನ್ಯೋನ್ಯತೆ ಮತ್ತು ಲೈಂಗಿಕತೆ ಇಲ್ಲದೇ ಹೋದರೆ ಅವರ ಜೀವನವು ಸಂತೋಷವಾಗಿರುವುದಿಲ್ಲ. ಉತ್ತಮ ಲೈಂಗಿಕ ಜೀವನವು ನಿಮ್ಮನ್ನು ಸದಾ ಸಂತೋಷವಾಗಿರಿಸುತ್ತದೆ. ಲೈಂಗಿಕ ಜೀವನವನ್ನು ಹಾಳು ಮಾಡುವ ಕೆಲವು ಕೆಟ್ಟ ಅಭ್ಯಾಸಗಳಿವೆ. ಅವು ಯಾವುವು ಎಂಬುದನ್ನು ನಾವೀಗ ತಿಳಿಯೋಣ.

ಲೈಂಗಿಕ ಕ್ರಿಯೆಯು ಆಕ್ಸಿಟೋಸಿನ್ ಮತ್ತು ಡೋಪಮೈನ್‌ನಂತಹ ಹಾರ್ಮೋನುಗಳನ್ನು ಬಿಡುಗಡೆ ಮಾಡುತ್ತದೆ. ಈ ಹಾರ್ಮೋನ್​ಗಳು ಸಂತೋಷದ ಹಾರ್ಮೋನುಗಳಾಗಿವೆ. ಹೀಗಾಗಿ ಲೈಂಗಿಕ ಕ್ರಿಯೆಯು ಯಾವುದೇ ವ್ಯಕ್ತಿಯಲ್ಲಿ ಉತ್ಸಾಹವನ್ನು ತಂದುಕೊಡುತ್ತದೆ.

ಇದನ್ನೂ ಓದಿ: ಮಾಡೆಲ್​ ಆಗಿ ಬದಲಾದ ಪಟಾಕಿ ಮಾರುವ ಮಹಿಳೆ! 50 ಲಕ್ಷಕ್ಕೂ ಅಧಿಕ ವೀಕ್ಷಣೆ ಕಂಡ ಅದ್ಭುತ ವಿಡಿಯೋ | Cracker seller to fashion model

ಧೂಮಪಾನವು ನಿಮ್ಮ ಲೈಂಗಿಕ ಜೀವನದ ಮೇಲೆ ಎರಡು ರೀತಿಯಲ್ಲಿ ಪರಿಣಾಮ ಬೀರುತ್ತದೆ. ಒಂದು ಬಾಯಿ ದುರ್ವಾಸನೆ ಮತ್ತು ಎರಡನೆಯದು ವಸಡುಗಳ ಬಣ್ಣ. ಇದರಿಂದಾಗಿ ನಿಮ್ಮ ಸಂಗಾತಿಗೆ ನಿಮ್ಮೊಂದಿಗೆ ಸಂಭೋಗಿಸಲು ಅನಾನುಕೂಲವಾಗಬಹುದು. ಇನ್ನೊಂದು ಮುಖ್ಯವಾದ ವಿಷಯವೆಂದರೆ ಧೂಮಪಾನ ನಿಮ್ಮ ಸೆಕ್ಸ್ ಡ್ರೈವ್ ಅನ್ನು ತೀವ್ರವಾಗಿ ಕಡಿಮೆ ಮಾಡುತ್ತದೆ.

ಜರ್ನಲ್ ಫ್ರಾಂಟಿಯರ್ಸ್ ಇನ್ ಸೈಕಿಯಾಟ್ರಿಯಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಧೂಮಪಾನವು ಪುರುಷರಲ್ಲಿ ನಿಮಿರುವಿಕೆಯ ಅಪಸಾಮಾನ್ಯ ಕ್ರಿಯೆಗೆ ಕಾರಣವಾಗಬಹುದು. ಮಹಿಳೆಯರಲ್ಲಿ ಧೂಮಪಾನ ಅವರ ಕಾಮದ ಆಸಕ್ತಿಯನ್ನು ಕಡಿಮೆ ಮಾಡುತ್ತದೆ. ಹಾಗಾಗಿ ಈ ಕೆಟ್ಟ ಅಭ್ಯಾಸವನ್ನು ಆದಷ್ಟು ಕಡಿಮೆ ಮಾಡಿ.

ಇನ್ನು ತೃಪ್ತಿಕರವಾದ ಲೈಂಗಿಕ ಜೀವನವನ್ನು ಹೊಂದಲು ಚೈತನ್ಯ ಅಗತ್ಯ. ವ್ಯಾಯಾಮವು ನಿಮ್ಮನ್ನು ಹೆಚ್ಚು ಕ್ರಿಯಾಶೀಲರನ್ನಾಗಿ ಮಾಡುತ್ತದೆ. ಇಂಟರ್ನ್ಯಾಷನಲ್ ಜರ್ನಲ್ ಆಫ್ ಎನ್ವಿರಾನ್ಮೆಂಟಲ್ ರಿಸರ್ಚ್ ಅಂಡ್ ಪಬ್ಲಿಕ್ ಹೆಲ್ತ್‌ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ವ್ಯಾಯಾಮವು ಲೈಂಗಿಕ ಜೀವನವನ್ನು ಹೆಚ್ಚು ಕಾಲ ಸಂತೋಷವಾಗಿರಿಸುತ್ತದೆ. ಲೈಂಗಿಕ ಅಸಮಾಧಾನವನ್ನು ಕಡಿಮೆ ಮಾಡುತ್ತದೆ.

ಇದನ್ನೂ ಓದಿ: ಏಲಿಯನ್​ಗಳು ನಮ್ಮ ಭೂಮಿಯ ಮೇಲೆ ಇಳಿದಿವೆಯೇ? ಇಸ್ರೋ ಅಧ್ಯಕ್ಷರು ಕೊಟ್ಟ ಉತ್ತರ ವೈರಲ್​ | Aliens

ನೀವು ಉತ್ತಮ ಲೈಂಗಿಕ ಜೀವನವನ್ನು ಹೊಂದಲು ಬಯಸಿದರೆ, ನಿಮಗೆ ಉತ್ತಮ ನಿದ್ರೆಯು ಬೇಕು. ನಿದ್ರಾಹೀನತೆಯ ಸಮಸ್ಯೆಗಳು ಕಡಿಮೆ ಲೈಂಗಿಕ ಆಸಕ್ತಿಯೊಂದಿಗೆ ಸಂಬಂಧಿಸಿವೆ. ಉತ್ಸಾಹವಿಲ್ಲದೆ ಪ್ರಾರಂಭವಾಗುವ ಲೈಂಗಿಕತೆಯು ನೀರಸವಾಗಬಹುದು. ಸಮಯಕ್ಕೆ ಸರಿಯಾಗಿ ಮಲಗುವುದು ಉತ್ತಮ. ಸೆಕ್ಸ್​ ಅಂತಾ ನಿಮ್ಮ ಸಂಗಾತಿಯೊಂದಿಗೆ ನಾಚಿಕೆಪಡದೆ ಮಾತನಾಡಬೇಕು.

ನಿಮ್ಮ ಲೈಂಗಿಕ ಜೀವನಕ್ಕೆ ಕಾಫಿ ಕೂಡ ತುಂಬಾ ಕೆಟ್ಟದು. ಕೆಫೀನ್ ನಿಮ್ಮ ದೇಹದಲ್ಲಿನ ರಕ್ತದ ಹರಿವಿನ ಮೇಲೆ ಋಣಾತ್ಮಕವಾಗಿ ಪರಿಣಾಮ ಬೀರುತ್ತದೆ. ಪುರುಷರು ಹೆಚ್ಚು ಕೆಫೀನ್ ಸೇವಿಸಿದರೆ, ಅದು ನಿಮಿರುವಿಕೆಯ ಸಮಸ್ಯೆಗಳಿಗೆ ಕಾರಣವಾಗಬಹುದು ಎಂದು ಅಧ್ಯಯನಗಳು ತೋರಿಸುತ್ತವೆ. ಕೆಫೀನ್ ಹೊಂದಿರುವ ಪಾನೀಯಗಳನ್ನು ತ್ಯಜಿಸುವುದರಿಂದ ಸಮಸ್ಯೆಯನ್ನು ತಪ್ಪಿಸಬಹುದು.

ಆರೋಗ್ಯಕರ ಲೈಂಗಿಕ ಜೀವನಕ್ಕೆ ಆರೋಗ್ಯಕರ ಜನನಾಂಗಳನ್ನು ಹೊಂದಿರುವುದು ಬಹಳ ಮುಖ್ಯ. ಸುರಕ್ಷಿತ ಚಯಾಪಚಯವನ್ನು ಕಾಪಾಡಿಕೊಳ್ಳಲು, ನಿಮ್ಮ ಆಹಾರದಲ್ಲಿ ಹಣ್ಣುಗಳು ಮತ್ತು ತರಕಾರಿಗಳನ್ನು ಸೇರಿಸಿ. ಇದು ನಿಮ್ಮ ಜನನಾಂಗಗಳನ್ನು ಆರೋಗ್ಯವಾಗಿರಿಸುತ್ತದೆ. ಅಲ್ಲದೆ, ಹೆಚ್ಚು ಸಕ್ಕರೆಯು ನಿಮ್ಮ ಜನನಾಂಗಕ್ಕೆ ಒಳ್ಳೆಯದಲ್ಲ. ದೇಹದಲ್ಲಿನ ಹೆಚ್ಚುವರಿ ಸಕ್ಕರೆಯು ಜನನಾಂಗದ ಸೋಂಕುಗಳಿಗೆ ಕಾರಣವಾಗಬಹುದು ಎಂದು ಕೆಲವು ಅಧ್ಯಯನಗಳು ತೋರಿಸಿವೆ. ಹೀಗಾಗಿ ಈ ಕೆಟ್ಟ ಅಭ್ಯಾಸಗಳನ್ನು ಇಂದೇ ನಿಲ್ಲಿಸಿ! ಇದು ನಿಮ್ಮ ಪ್ರೀತಿಯ ಜೀವನವನ್ನು ಮುಂದಿನ ಹಂತಕ್ಕೆ ಕೊಂಡೊಯ್ಯುತ್ತದೆ.

ಇದನ್ನೂ ಓದಿ: ಬಘೀರ 2 ಬರಬೇಕು ಅಂದರೆ…! ಸೂಪರ್​ಹೀರೋ ಸಿನಿಮಾ ಬಗ್ಗೆ ನಟ ಶ್ರೀಮುರಳಿ ಮಾತು

ಗಮನಿಸಿ: ಈ ಮಾಹಿತಿಯನ್ನು ಅಂತರ್ಜಾಲದಲ್ಲಿ ದೊರೆತ ಮಾಹಿತಿ ಆಧಾರದ ಮೇಲೆ ಸಂಗ್ರಹಿಸಲಾಗಿದ್ದು, ಇದು ಕೇವಲ ಜಾಗೃತಿಗಾಗಿ ಮಾತ್ರ. ಇದನ್ನು ವಿಜಯವಾಣಿ.ನೆಟ್​ ದೃಢೀಕರಿಸುವುದಿಲ್ಲ. ಇದನ್ನು ಅನುಸರಿಸುವ ಮೊದಲು ವೈದ್ಯರ ಸಲಹೆಯನ್ನು ತೆಗೆದುಕೊಳ್ಳುವುದು ಯಾವಾಗಲೂ ಉತ್ತಮ.

https://www.vijayavani.net/if-you-eat-sprouts-you-will-not-get-this-disease-must-know

https://www.vijayavani.net/are-you-over-30-you-have-to-make-these-changes-in-lifestyle