ಇತ್ತೀಚಿನ ದಿನಗಳಲ್ಲಿ ಸೀಕ್ವೆಲ್, ಪ್ರಿಕ್ವೆಲ್ಗಳು ಜತೆಗೆ ಸಿನಿಮ್ಯಾಟಿಕ್ ಯೂನಿವರ್ಸ್ಗಳು ಪ್ರಾರಂಭವಾಗಿವೆ. ಅದೇ ರೀತಿ "ಬಘೀರ' ಕಥೆ ಮುಂದುವರಿಯುವ ಬಗ್ಗೆ ಶ್ರೀಮುರಳಿ, ""ಬಘೀರ 2' ಮಾಡಲು ನನಗಂತೂ ಇಷ್ಟವಿದೆ. ಯಾರಿಗೆ ಇಷ್ಟವಿಲ್ಲ ಹೇಳಿ? ಆದರೆ, ಸೀಕ್ವೆಲ್ ಬಗ್ಗೆ ಈಗ ಮಾತನಾಡುವುದು ತುಂಬ ಬೇಗ ಅನ್ನಿಸುತ್ತೆ. ಕಥೆ ಮುಂದುವರಿಯಲು ಅವಕಾಶವಂತೂ ಇದೆ. ಏಕೆಂದರೆ "ಬಘೀರ' ಒಂದು ವಿಭಿನ್ನ ಪ್ರಪಂಚಕ್ಕೆ ಪ್ರೇಕ್ಷಕರನ್ನು ಕರೆದೊಯ್ಯುವಂತಹ ಸಿನಿಮಾ. ಈ ಚಿತ್ರ, ಪಾತ್ರಗಳು, ಇದರ ಆಲೋಚನೆ, ಯೋಚಿಸುವ ರೀತಿ... ಎಲ್ಲವೂ ಜನರಿಗೆ ಕನೆಕ್ಟ್ ಆಗಬೇಕು. ಈ ಸಿನಿಮಾ ಜನರಿಗೆ ಇಷ್ಟವಾದರೆ, ಬಹುಶಃ ಸೀಕ್ವೆಲ್ ಬರಬಹುದು. ಇದು ಒಂದು ಆಲೋಚನೆ ಇಟ್ಟುಕೊಂಡು ಮಾಡಿರುವ ಸಿನಿಮಾ. ನಾವು ಈ ಕಥೆ ಹೇಳಿರುವ ರೀತಿಯನ್ನು ಜನ ಅರ್ಥ ಮಾಡಿಕೊಂಡುಬಿಟ್ಟರೆ ಅಲ್ಲಿಗೆ ಸಿನಿಮಾ ಗೆದ್ದಂತೆ. ಹೀಗಾಗಿಯೇ ಎಲ್ಲವನ್ನೂ ಅಭಿಮಾನಿಗಳಿಗೆ ಬಿಡುತ್ತಿದ್ದೇನೆ' ಎಂದು ಹೇಳಿಕೊಳ್ಳುತ್ತಾರೆ.
