ರಿಪೇರಿಗೆಂದು ಕೊಟ್ಟಿದ್ದ ಮೊಬೈಲ್​ನಲ್ಲಿರುವ ಯುವತಿಯ ಖಾಸಗಿ ದೃಶ್ಯಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟ ಕೆಲಸಗಾರ!| Kolkata

Kolkata : ಯುವತಿಯೊಬ್ಬಳು ತನ್ನ ಮೊಬೈಲ್​ ಫೋನ್​ನ್ನು ರಿಪೇರಿ ಮಾಡಲು ಸ್ಥಳೀಯ ಅಂಗಡಿಗೆ ಕೊಟ್ಟಾಗ ಅಂಗಡಿಯ ಕೆಲಸಗಾರನೊಬ್ಬ ಆಕೆಯ ಖಾಸಗಿ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿರುವ ಘಟನೆ ಕೋಲ್ಕತ್ತಾದಲ್ಲಿ ನಡೆದಿದೆ.

ಇದನ್ನೂ ಓದಿ: ಮನೆಯಲ್ಲಿ ಮಣ್ಣಿನ ಗಣಪತಿ ಮಾಡಿದ ಬ್ರಹ್ಮಾನಂದಂ! ganesh idol ಫೋಟೋ ವೈರಲ್

ಘಟನೆ ಏನು?

ಕೋಲ್ಕತ್ತ ಮೂಲದ ಯುವತಿಯೊಬ್ಬಳು ತಾಂತ್ರಿಕ ಸಹಾಯಕ್ಕಾಗಿ ತನ್ನ ಮೊಬೈಲ್​ ಫೋನ್​ನ್ನು ಸ್ಥಳೀಯ ಅಂಗಡಿಗೆ ನೀಡಿದ್ದಳು. ಆದರೆ, ಅಲ್ಲಿನ ಸಿಬ್ಬಂದಿ ಆಕೆಯ ಮೊಬೈಲ್​ನ್ನು ಸರಿಪಡಿಸುವ ಬದಲು, ಆಕೆಯ ಅನುಮತಿಯಿಲ್ಲದೆ ಖಾಸಗಿ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹರಿಬಿಟ್ಟಿದ್ದಾನೆ ಎಂದು ಆರೋಪಿಸಿದ್ದಾಳೆ.

ಇನ್ನು ವಿಡಿಯೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಸಾರವಾಗುತ್ತಿದ್ದಂತೆಯೇ ಯುವತಿಯು ಅನೇಕ ಕಿರುಕುಳ ಸಂದೇಶಗಳು ಬರುತ್ತಿದ್ದು, ಆಕೆ ಸಂಪೂರ್ಣ ಪ್ರತ್ಯೇಕತೆಯನ್ನು ಒಳಗಾಗಿದ್ದಾಳೆ.

ಇದನ್ನೂ ಓದಿ: ನಾವು ನಿತ್ಯ ಮಾಡುವ ಈ ತಪ್ಪುಗಳಿಂದ ನಮ್ಮ ಕಣ್ಣುಗಳು ದುರ್ಬಲಗೊಳ್ಳುತ್ತಿವೆಯಂತೆ| eyesight

ಯುವತಿ ವ್ಯಕ್ತಪಡಿಸಿರುವುದೇನು?

Reddit ತಾಣದ ಬಳಕೆದಾರಳಾದ ಯುವತಿಯು ಈ ಘಟನೆ ತನ್ನ ಜೀವನದ ಮೇಲೆ ಹೇಗೆ ಪರಿಣಾಮ ಬೀರಿದೆ ಎಂದು ವಿವರಿಸಿದ್ದು, ನಾನು ಈಗ ಸಂಪೂರ್ಣವಾಗಿ ಕುಗ್ಗಿ ಹೋಗಿದ್ದೇನೆ. ವಿಡಿಯೋಗಳು ಜಾಲತಾಣಗಳಲ್ಲಿ ಬಂದ ನಂತರ  ನನ್ನ ಪಾಲಕರು ನನ್ನೊಂದಿಗೆ ಮಾತನಾಡುತ್ತಿಲ್ಲ. ನಾನು ನನ್ನ ಸಾಮಾಜಿಕ ಮಾಧ್ಯಮಲ್ಲಿ ಖಾತೆಗಳನ್ನು ಅಳಿಸಿಹಾಕಿದ್ದೇನೆ. ಈ ತಾಣಗಳಲ್ಲಿ  ಬಹಳ ಕಿರಿ ಅನುಭವಿಸಿದ್ದು, ಈಗ ಎಲ್ಲರಿಂದಲೂ ಸಂಪೂರ್ಣವಾಗಿ ದೂರ ಉಳಿದಿದ್ದೇನೆ ಎಂದು ಬರೆದುಕೊಂಡ ನಂತರ, ಆಕೆಗೆ ಬಂದ ಸಂದೇಶಗಳ ಸ್ಕ್ರೀನ್​ ಶಾಟ್​ಗಳನ್ನು ಹಂಚಿಕೊಂಡಿದ್ದಾರೆ.

ಗೌಪ್ಯತೆ ಹಂಚಿಕೆಯ ಆರೋಪದ ಮೇರೆಗೆ ಯುವತಿಯು ಆ ಮೊಬೈಲ್​ ರಿಪೇರಿ ಅಂಗಡಿಯ ಕೆಲಸಗಾರರ ಮೇಲೆ ದೂರು ಕೋಲ್ಕತ್ತಾ ಪೊಲೀಸರಲ್ಲಿ ದೂರು ದಾಖಲಿಸಿದ್ದಾಳೆ. ಇನ್ನು ಆರೋಪಿಗಳ ವಿಚಾರಣೆಗೆ ಪೊಲಿಸರು ಮುಂದಾಗಿದ್ದಾರೆ. (ಏಜೆನ್ಸೀಸ್​)

https://www.vijayavani.net/are-you-sleepless-when-you-go-to-bed-at-night-if-so-then-follow-these-10-tips