ಹೀರೋಯಿನ್​ ಆಗಲು ಐಐಟಿ ಸೀಟನ್ನೇ ತ್ಯಜಿಸಿದ ಈ ಸ್ಟಾರ್​ ನಟಿ ಇಂದು ಪ್ರತಿಷ್ಠಿತ ಐಟಿ ಕಂಪನಿಯ ಸಿಇಒ! Heroine

Heroine : ಬಾಲಿವುಡ್ ನಾಯಕಿ ಮಯೂರಿ ಕಾಂಗೋ ಕೇವಲ ನಟಿ ಮಾತ್ರವಲ್ಲದೆ ಕಾರ್ಪೊರೇಟ್ ಜಗತ್ತಿನಲ್ಲಿ ತನ್ನದೇ ಆದ ಛಾಪು ಮೂಡಿಸಿದ ವ್ಯಕ್ತಿಯೂ ಹೌದು. 1995 ರಲ್ಲಿ "ನಸೀಮ್" ಚಿತ್ರದ ಮೂಲಕ ಬಾಲಿವುಡ್ ಪ್ರವೇಶಿಸಿದರು. ಆ ಸಮಯದಲ್ಲಿ, ಅವರು ನಟನೆಗಾಗಿ ಕಾನ್ಪುರದಲ್ಲಿ ತಮ್ಮ ಐಐಟಿ ಸೀಟನ್ನು ತ್ಯಜಿಸಿ ಚಿತ್ರರಂಗಕ್ಕೆ ಪ್ರವೇಶಿಸಿದರು. ಬಾಲಿವುಡ್‌ನ ಹಿರಿಯ ನಿರ್ದೇಶಕ ಮಹೇಶ್ ಭಟ್ ನಿರ್ದೇಶನದ 'ಪಾಪಾ ಕೆಹತೆ ಹೈ' (1996) ಚಿತ್ರದಿಂದ ಮಯೂರಿ ಅವರ ಹೆಸರು ಜನಪ್ರಿಯವಾಯಿತು. ಕೇವಲ ಐದು ವರ್ಷಗಳ ಕಾಲ ಉದ್ಯಮದಲ್ಲಿ ಉಳಿದಿದ್ದ ಮಯೂರಿ, ಮಹೇಶ್ ಬಾಬು, ಸಂಜಯ್ ದತ್ ಮತ್ತು ಅಜಯ್ ದೇವಗನ್ ಅವರೊಂದಿಗೆ ನಟಿಸಿದರು.

ಮಹಾರಾಷ್ಟ್ರದ ಛತ್ರಪತಿ ಶಂಭಾಜಿನಗರದ ನಿವಾಸಿಯಾಗಿರುವ ಮಯೂರಿ ಕೊಂಗೊ ತಮ್ಮ ಮನಸ್ಸನ್ನು ಬದಲಾಯಿಸಿಕೊಂಡು ಕೇವಲ ಐದು ವರ್ಷಗಳಲ್ಲಿ ಚಿತ್ರಗಳಿಗೆ ವಿದಾಯ ಹೇಳಿದರು. 2003 ರಲ್ಲಿ, ಅವರು ಆದಿತ್ಯ ಧಿಲ್ಲನ್ ಎಂಬ ಅನಿವಾಸಿ ಭಾರತೀಯನನ್ನು ವಿವಾಹವಾಗಿ ಅಮೆರಿಕಕ್ಕೆ ಹೋಗಿ ನೆಲೆಸಿದರು. ಇದಾದ ನಂತರ, ಅಮೆರಿಕದಲ್ಲಿ ಎಂಬಿಎ (ಮಾರ್ಕೆಟಿಂಗ್ ಮತ್ತು ಹಣಕಾಸು) ಪೂರ್ಣಗೊಳಿಸಿದರು. ತಾಯಿಯ ಕೋರಿಕೆಯ ಮೇರೆಗೆ ಚಲನಚಿತ್ರಗಳಲ್ಲಿ ನಟಿಸಿದ ಈ ಸುಂದರಿ, ನಂತರ ತನ್ನ ಗುರಿಯನ್ನು ಬದಲಾಯಿಸಿಕೊಂಡು ಅಸಾಧಾರಣ ಪ್ರಯಾಣವನ್ನು ಮುಂದುವರೆಸಿದರು.

ಅಮೆರಿಕದಲ್ಲಿ ಶಿಕ್ಷಣ ಮುಗಿಸಿದ ನಂತರ, ಮಯೂರಿ ಕೊಂಗೊ ತನ್ನ ಕುಟುಂಬದೊಂದಿಗೆ ಭಾರತಕ್ಕೆ ಬಂದರು. ಅವರು ಹರಿಯಾಣದ ಗುರಗಾಂವ್‌ನಲ್ಲಿ ನೆಲೆಸಿದರು. ಮಯೂರಿ 2019 ರಲ್ಲಿ ಗೂಗಲ್ ಇಂಡಿಯಾವನ್ನು ಸೇರಿದರು ಮತ್ತು ಅಲ್ಲಿ ಇಂಡಸ್ಟ್ರಿ ಹೆಡ್ ಹುದ್ದೆಯನ್ನು ಅಲಂಕರಿಸಿದರು. ಆದಾಗ್ಯೂ, ಅವರು ಇತ್ತೀಚೆಗೆ ಪಬ್ಲಿಸಿಸ್ ಗ್ರೂಪ್‌ನಲ್ಲಿ ಪ್ರಮುಖ ಹುದ್ದೆಯನ್ನು ಪಡೆದಿದ್ದಾರೆ. ಅವರು ಕಂಪನಿಯ ಜಾಗತಿಕ ವಿತರಣಾ ವಿಭಾಗದ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ (ಸಿಇಒ) ಆಗಿ ಅಧಿಕಾರ ವಹಿಸಿಕೊಂಡಿದ್ದಾರೆ.

ಇದನ್ನೂ ಓದಿ: ಫೋನ್​ ಚಾರ್ಜರ್‌ಗಳಿಗೂ ಇರುತ್ತೆ ಎಕ್ಸ್​ಪೈರಿ ಡೇಟ್​… ತಿಳಿಯುವುದು ಹೇಗೆ? ಇಲ್ಲಿದೆ ಉಪಯುಕ್ತ ಮಾಹಿತಿ…Mobile Chargers

ಮಯೂರಿ ಅವರ ಕಥೆಯನ್ನು ತಿಳಿದ ನೆಟ್ಟಿಗರು ಅವರನ್ನು ಹೊಗಳುತ್ತಿದ್ದಾರೆ. ತಮ್ಮ ತಾಯಿಗಾಗಿ ಚಲನಚಿತ್ರಗಳಲ್ಲಿ ನಟಿಸುವುದರೊಂದಿಗೆ ಪ್ರಾರಂಭವಾಗಿ ನಂತರ ಅವರ ನೆಚ್ಚಿನ ವೃತ್ತಿಜೀವನದಲ್ಲಿ ಅತ್ಯುನ್ನತ ಮಟ್ಟವನ್ನು ತಲುಪಿದ ಮಯೂರಿಯ ಜೀವನವು ಅನೇಕರಿಗೆ ಆದರ್ಶವಾಗಿದೆ ಎಂದು ಹಲವರು ಕಾಮೆಂಟ್ ಮಾಡುತ್ತಿದ್ದಾರೆ. ಗೂಗಲ್‌ನಂತಹ ಉನ್ನತ ಕಂಪನಿಗಳಲ್ಲಿ ಅತ್ಯುನ್ನತ ಸ್ಥಾನದಲ್ಲಿ ಕೆಲಸ ಮಾಡಿ ಈಗ ಮತ್ತೊಂದು ಉನ್ನತ ಕಂಪನಿಯ ಸಿಇಒ ಆಗಿ ಏರಿದ್ದು, ಯಶಸ್ಸು ಎಂದರೆ ಇದೇ ಎಂದು ಅನೇಕ ಪ್ರಶಂಸೆಯ ಸುರಿಮಳೆಗೈಯುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/kichcha-sudeep-the-first-look-poster-of-the-much-awaited-film-brb-is-released-bashas-powerful-look-is-revealed

https://www.vijayavani.net/do-you-know-who-the-3-zodiac-signs-are-who-value-morality-more-than-life