ಮುಂಬೈನಲ್ಲಿ ಟೆಸ್ಲಾ ಸಂಸ್ಥೆಯ ಮೊದಲ ಶೋರೂಮ್​; ಎಲೋನ್ ಮಸ್ಕ್​​ ಕಟ್ಟುವ ಬಾಡಿಗೆ ಎಷ್ಟು? ಹೀಗಿದೆ ವಿವರ​ | Tesla

Tesla Car: ಭಾರತಕ್ಕೆ ಎಲೋನ್​ ಮಸ್ಕ್​ ನೇತೃತ್ವದ ಟೆಸ್ಲಾ ಕಾರುಗಳ ಆಗಮನ ಸನ್ನಿಹಿತ. ಇತ್ತೀಚೆಗಷ್ಟೇ ಅಮೆರಿಕಕ್ಕೆ ಪ್ರಧಾನಿ ನರೇಂದ್ರ ಮೋದಿ ಅವರ ಭೇಟಿಯೇ ಇದಕ್ಕೆ ಜ್ವಲಂತ ಸಾಕ್ಷಿ. ಕೆಲವು ದಿನಗಳ ಹಿಂದೆಯಷ್ಟೇ ಅಮೆರಿಕಾದಲ್ಲಿನ ಶ್ವೇತಭವನಕ್ಕೆ ತೆರಳಿದ ಮೋದಿ, ಅಧ್ಯಕ್ಷೀಯ ಚುನಾವಣೆಯಲ್ಲಿ ಗೆದ್ದು, ಎರಡನೇ ಬಾರಿಗೆ ಯುಸ್​ ಅಧ್ಯಕ್ಷರಾದ ಡೋನಾಲ್ಡ್​ ಟ್ರಂಪ್​ರನ್ನು ಮೂಖತಃ ಭೇಟಿಯಾಗಿ, ಶುಭಕೋರಿದರು. ಈ ವೇಳೆ ಎರಡು ದೇಶಗಳ ಸಂಬಂಧವನ್ನು ಉತ್ತಮ ರೀತಿಯಲ್ಲಿ ಕೊಂಡೊಯ್ಯುವತ್ತ ಗಮನಹರಿಸಿದ ಪ್ರಧಾನಿ, ಎಲೋನ್​ ಮಸ್ಕ್​ ಟೆಸ್ಲಾ ಕಾರುಗಳನ್ನು ಭಾರತಕ್ಕೆ ತರುವ ಯೋಚನೆಯನ್ನು ಪ್ರಸ್ತಾಪಿಸಿದ್ದು ವಿಶೇಷ.

ಇದನ್ನೂ ಓದಿ: ಪರೀಕ್ಷಾ ಕರ್ತವ್ಯದ ಡಿಎ ಮರು ಪರಿಶೀಲಿಸಲಿ: ಮಾಜಿ ಎಂಎಲ್‌ಸಿ ಮರಿತಿಬ್ಬೇಗೌಡ ಆಗ್ರಹ

ಸುಂಕ-ಆಮದು ಗೊಂದಲ

ಈ ಹಿಂದೆ ಸುಂಕ ಮತ್ತು ಆಮದು ವಿಚಾರವಾಗಿ ಒಂದಷ್ಟು ಗೊಂದಲಗಳಿದ್ದವು. ಆದರೆ, ಪ್ರಧಾನಿ ಮೋದಿ ಮತ್ತು ಟ್ರಂಪ್​ ನಡುವಿನ ಭೇಟಿ ಬಳಿಕ ಗೊಂದಲಗಳು ಬಗೆಹರಿದಿವೆ ಎಂದು ವರದಿಗಳು ಉಲ್ಲೇಖಿಸಿವೆ. ಹಾಗಿದ್ರೆ, ಟೆಸ್ಲಾ ಭಾರತಕ್ಕೆ ಬಂದರೆ ಇಲ್ಲಿ ಅದಕ್ಕೆ ನಿಗದಿಪಡಿಸಲಾದ ಬೆಲೆಯೆಷ್ಟು? ಅದಕ್ಕೆ ತಗಲುವ ಆಮದು ಸುಂಕವೆಷ್ಟು? ಎಂಬ ಚರ್ಚೆಗಳು ವ್ಯಾಪಕವಾಗಿ ಸದ್ದು ಮಾಡಿದವು. ಕಡೆಗೂ ಅಮೆರಿಕ ನೆಲದ ಇವಿ ಕಾರುಗಳು ಭಾರತಕ್ಕೆ ಬಂದಿಳಿಯಲಿದ್ದು, ಹೇಗೆ ಕಾರ್ಯನಿರ್ವಹಿಸಲಿವೆ ಎಂಬ ಕುತೂಹಲ ಸದ್ಯ ಎಲ್ಲರಲ್ಲೂ ಮೂಡಿದೆ.

ಅಮೆರಿಕದ ಇವಿ ತಯಾರಕ ಸಂಸ್ಥೆಯಾದ ಟೆಸ್ಲಾ, ಭಾರತದಲ್ಲಿ ತನ್ನ ಮೊದಲ ಶೋರೂಮ್ ಸ್ಥಾಪಿಸಲು ಮುಂಬೈನ ಬಾಂದ್ರಾ ಕುರ್ಲಾ ಕಾಂಪ್ಲೆಕ್ಸ್ ವ್ಯಾಪಾರ ಮಳಿಗೆಯಲ್ಲಿ 4,000 ಚದರ ಅಡಿ ಜಾಗವನ್ನು ಬಾಡಿಗೆಗೆ ಪಡೆದಿದೆ ಎಂದು ವರದಿ ಉಲ್ಲೇಖಿಸಿದೆ. ಬಿಲಿಯನೇರ್ ಎಲಾನ್ ಮಸ್ಕ್ ಪ್ರವರ್ತಿಸಿದ ಕಂಪನಿಯು, ಕೆಲವು ಪಾರ್ಕಿಂಗ್ ಸ್ಥಳಗಳೊಂದಿಗೆ ಬರುವ ಜಾಗಕ್ಕೆ ತಿಂಗಳಿಗೆ 35 ಲಕ್ಷ ರೂ.ಗಳಿಗೂ ಹೆಚ್ಚು ಬಾಡಿಗೆಯನ್ನು ಪಾವತಿಸಲಿದೆ ಎಂದು ಸಿಆರ್‌ಇ ಮ್ಯಾಟ್ರಿಕ್ಸ್ ಹಂಚಿಕೊಂಡ ದಾಖಲೆಗಳ ಮೂಲಕ ಸ್ಪಷ್ಟವಾಗಿದೆ.

ಇದನ್ನೂ ಓದಿ:  45 ದಿನದಲ್ಲಿ 30 ಕೋಟಿ ರೂ. ಸಂಪಾದನೆ; ಮಹಾಕುಂಭ ಮೇಳದಿಂದ ಬದಲಾಯ್ತು ನಾವಿಕನ ಬದುಕು

ಸುಮಾರು 43 ಲಕ್ಷ ರೂ.

ಟೆಸ್ಲಾ ಬಿಡುಗಡೆಯು ಬಹಳ ನಿರೀಕ್ಷೆಯದ್ದಾಗಿದ್ದು, ಭಾರತದಲ್ಲಿ ತಯಾರಿಸಲು ಅಥವಾ ಜೋಡಿಸಲು ಪ್ರವರ್ತಕ ಆಟೋ ಕಂಪನಿಯ ಅಂತಿಮ ಯೋಜನೆಗಳಿಗೆ ಪೂರ್ವಭಾವಿಯಾಗಿರಬಹುದು. ದಾಖಲೆಗಳ ಪ್ರಕಾರ, ಮೇಕರ್ ಮ್ಯಾಕ್ಸಿಟಿಯಲ್ಲಿ ಸ್ಥಳದ ಗುತ್ತಿಗೆ ಐದು ವರ್ಷಗಳ ಅವಧಿಗೆ ಮತ್ತು ಮಾಸಿಕ ಬಾಡಿಗೆ ಸುಮಾರು 43 ಲಕ್ಷ ರೂ.ಗಳಿಗೆ ಏರಿಕೆಯಾಗಲಿದೆ. ವರ್ಷಕ್ಕೆ 5 ಪ್ರತಿಶತದಷ್ಟು ಬಾಡಿಗೆ ಹೆಚ್ಚಳವಾಗುತ್ತದೆ ಎಂದು ತಿಳಿಸಲಾಗಿದೆ.

ನೆಲ ಮಹಡಿಯಲ್ಲಿರುವ ಈ ಜಾಗ ಭಾರತದ ಮೊದಲ ಆ್ಯಪಲ್ ಸ್ಟೋರ್‌ಗೆ ಸಮೀಪದಲ್ಲಿದೆ ಮತ್ತು ಯುನಿವ್ಕೊ ಪ್ರಾಪರ್ಟೀಸ್‌ನಿಂದ ಗುತ್ತಿಗೆಗೆ ಪಡೆಯಲಾಗಿದೆ. ಆರಂಭಿಕ ಬಾಡಿಗೆಯಲ್ಲಿ ಪ್ರತಿ ಚದರ ಅಡಿಗೆ ಮಾಸಿಕ ಬಾಡಿಗೆ 881 ರೂ.ಗಳಾಗಿದ್ದು, 2.11 ಕೋಟಿ ರೂ.ಗಳ ಭದ್ರತಾ ಠೇವಣಿಯನ್ನು ಈಗಾಗಲೇ ಪಾವತಿಸಲಾಗಿದೆ ಎಂದು ದಾಖಲೆಗಳಲ್ಲಿ ಉಲ್ಲೇಖವಾಗಿವೆ,(ಏಜೆನ್ಸೀಸ್).

https://www.vijayavani.net/ranya-rao-gold-smuggling-case