ಎಸಿಪಿ ಕಾನೂನು ಬಾಹಿರವಾಗಿ ಭಾರಿ ಹಣ ಸಂಪಾದನೆ ಮಾಡಿದ್ದಾರೆಂಬ ದೂರ ಬಂದಿತ್ತು. ಹೀಗಾಗಿ ಏಕಕಾಲದಲ್ಲಿ ಹೈದರಾಬಾದ್ ಹಾಗೂ ತೆಲಂಗಾಣದ ಇತರೆ ಪಟ್ಟಣಗಳು ಸೇರಿದಂತೆ ನೆರೆಯ ಆಂಧ್ರ ಪ್ರದೇಶವು ಒಳಗೊಂಡಂತೆ 25 ಸ್ಥಳಗಳಲ್ಲಿ ಎಸಿಬಿ ದಾಳಿ ಮಾಡಿದೆ. ಈ ವೇಳೆ ಆಂಧ್ರದ ಅನಂತಪುರದಲ್ಲಿ ಎಸಿಪಿಗೆ ಸೇರಿದ 55 ಎಕರೆ ಜಮೀನು, ಹೈದರಾಬಾದಿನ ಮಧಪುರದಲ್ಲಿ 1,960 ಸ್ಕ್ವೇರ್ ಯಾರ್ಡ್ ಅಳತೆಯ ನಾಲ್ಕು ನಿವೇಶನಗಳು, ಹೈದರಾಬಾದಿನ ಹಫೀಜ್ಪೇಟ್ನಲ್ಲಿ ಎರಡು ಮನೆ ನಿವೇಶನ ಮತ್ತು ಒಂದು ವಾಣಿಜ್ಯ ಕಟ್ಟಡ ಇರುವುದು ತಿಳಿದುಬಂದಿದೆ. ಇದಲ್ಲದೆ, ಎರಡು ನಿವಾಸಗಳು ಮತ್ತು 15 ಲಕ್ಷ ರೂ. ನಗದು, ಎರಡು ಬ್ಯಾಂಕ್ ಲಾಕರ್ಗಳು ಸೇರಿದಂತೆ ರಿಯಲ್ ಎಸ್ಟೇಟ್ನಲ್ಲಿ ಮತ್ತು ಇನ್ನಿತರ ವ್ಯವಹಾರದಲ್ಲಿ ಅಕ್ರಮ ಹಣ ಹೂಡಿಕೆ ಮಾಡಿರುವುದು ಪತ್ತೆಯಾಗಿದೆ.
