ಆತ ನನ್ನ...Team India ಕೋಚ್​ ಗೌತಿ ಕುರಿತು ಶಾಕಿಂಗ್​ ಹೇಳಿಕೆ ಕೊಟ್ಟ ಪಾಕ್​ ಮಾಜಿ ಕ್ರಿಕೆಟಿಗ

ನವದೆಹಲಿ: ಭಾರತ (Team India) ಹಾಗೂ ಪಾಕಿಸ್ತಾನದ (Pakistan) ನಡುವಿನ ರಾಜತಾಂತ್ರಿಕ ಬಿಕ್ಕಟ್ಟಿನಿಂದ ಉಭಯ ದೇಶಗಳ ನಡುವೆ ದ್ವಿಪಕ್ಷೀಯ ಸರಣಿ ನಡೆದು ಹಲವು ವರ್ಷಗಳಾಗಿವೆ. ಉಭಯ ದೇಶಗಳು ಐಸಿಸಿ ಹಾಗೂ ಏಷ್ಯಾಕಪ್​ನಂತಹ ಟೂರ್ನಿಗಳು ನಡೆದಾಗ ಮಾತ್ರ ಮುಖಾಮುಖಿಯಾಗುತ್ತಿದ್ದು, ಪ್ರತಿಬಾರಿ ಮುಖಾಮುಖಿಯಾದಾಗಲೂ ಆಟಗಾರರ ನಡುವಿನ ಕಿತ್ತಾಟದಿಂದಲೇ ಹೆಚ್ಚು ಸುದ್ದಿಯಾಗಿದೆ. ಇದರಲ್ಲಿ ಪ್ರಮುಖವಾಗಿ ಕೇಳಿ ಬರುವ ಹೆಸರೆಂದರೆ ಗೌತಮ್​ ಗಂಭೀರ್ (Gautam Gambhir)​ ಹಾಗೂ ಪಾಕಿಸ್ತಾನ ಕ್ರಿಕೆಟ್​ ತಂಡದ ಮಾಜಿ ಆಟಗಾರ ಕಮ್ರಾನ್​ ಅಕ್ಮಲ್ (kamran Akmal)​ ಹಲವು ಬಾರಿ ಕಿತ್ತಾಡಿಕೊಂಡಿದ್ದು, ಈ ಬಗ್ಗೆ ಮಾಜಿ ಆಟಗಾರ ಮಾತನಾಡಿದ್ದಾರೆ.

ಕ್ರಿಕ್​​​ಬ್ಲಾಗ್​ಗೆ ನೀಡಿರುವ ಸಂದರ್ಶನದಲ್ಲಿ ಈ ಕುರಿತು ಮಾತನಾಡಿರುವ ಕಮ್ರಾನ್​ ಅಕ್ಮಲ್​, ನಾನು ಹಾಗೂ ಗೌತಮ್​ ಸಹೋದರರಂತಿದ್ದು, ಇಬ್ಬರು ಒಳ್ಳೆಯ ಸ್ನೇಹಿರಾಗಿದ್ದೇವೆ. ನಾನು ಆತನೊಂದಿಗೆ ಉತ್ತಮ ಸಂಬಂಧವನ್ನು ಹೊಂದಿದ್ದು, ಕೋಚ್​ ಆಗಿ ಮೊದಲ ಟೆಸ್ಟ್​ ಸರಣಿ ಗೆದ್ದಿದ್ದಕ್ಕಾಗಿ ನಾನು ಅವರನ್ನು ಅಭಿನಂದಿಸುತ್ತೇನೆ. ಆತನನ್ನು ಕೋಚ್​ ಆಗಿ ನೋಡಲು ನನಗೆ ಖುಷಿಯಾಗುತ್ತದೆ.

ಇದನ್ನೂ ಓದಿ: ಸತ್ಯವೇನೆಂದರೇ ನಾನು… ರಿಷಭ್​ ಪಂತ್​ ಜೊತೆಗಿನ ಅಫೇರ್​ ಕುರಿತು ಮೌನ ಮುರಿದ Urvashi Rautela

ನನ್ನ ಪ್ರಕಾರ ಎಂ.ಎಸ್​. ಧೋನಿ ಸಂಪೂರ್ಣವಾಗಿ ವಿಭಿನ್ನ ಮನಸ್ಥಿತಿಯನ್ನು ಹೊಂದಿರುವವರು ಮತ್ತು ಶಾಂತ ಸ್ವಭಾವದವರು. ಪ್ರತಿಬಾರಿಯೂ ನಾವು ಭೇಟಿಯಾದಾಗಲೂ ವಿಕೆಟ್​ ಕೀಪಿಂಗ್​ ಬಗ್ಗೆ ಹೆಚ್ಚು ಮಾತನಾಡಿದ್ದೇವೆ. ಇಂದಿಗೂ ನಾನು ಅಥವಾ ಯಾವುದೇ ಆಟಗಾರ ಧೋನಿಯನ್ನು ಅಂತರಾಷ್ಟ್ರೀಯವಾಗಿ ಅಥವಾ ಪ್ರವಾಸದ ಸಮಯದಲ್ಲಿ ಭೇಟಿಯಾದಾಗ, ಅವರ ಸಲಹೆಯನ್ನ ಪಡೆಯುತ್ತೇವೆ.

ಕೆಲ ತಿಂಗಳ ಹಿಂದೆ ನಾನು ಇಂಗ್ಲೆಂಡ್​ನಲ್ಲಿ ರಾಬಿನ್​ ಉತ್ತಪ್ಪ, ಯುವರಾಜ್​ ಸಿಂಗ್​ ಅವರನ್ನು ಭೇಟಿ ಮಾಡಿದೆ.ರೈನಾ ಅವರೊಂದಿಗೆ ಮಾತನಾಡುವುದು ನನಗೆ ಖುಷಿ ನೀಡುತ್ತದೆ. ಯುವರಾಜ್​ ಸಿಂಗ್​ ನನ್ನ ಫೇವರಿಟ್​ ಮಿಡಲ್​ ಆರ್ಡರ್​​ ಬ್ಯಾಟರ್​ ಆಗಿದ್ದು, ಅವರನ್ನು ಭೇಟಿಯಾದಾಗ ಹಲವು ವಿಚಾರಗಳ ಕುರಿತು ಚರ್ಚಿಸುತ್ತೇವೆ ಎಂದು ಪಾಕಿಸ್ತಾನ ಕ್ರಿಕೆಟ್​ ತಂಡದ ಮಾಜಿ ಆಟಗಾರ ಕಮ್ರಾನ್​ ಅಕ್ಮಲ್​​ ಹೇಳಿದ್ದಾರೆ.

https://www.vijayavani.net/haryana-assembly-polling-begins-in-90-constituencies-across-state

https://www.vijayavani.net/bigg-boss-contestant-jagadish-controversial-remarks-about-women-dress