ಚೆನ್ನೈ: ಈ ಹಿಂದೆ ಬಂಧನವಾಗಿ ಜಾಮೀನಿನ ಮೇಲೆ ಬಿಡುಗಡೆಯಾಗಿರುವ ಐಟಿ ಉದ್ಯೋಗಿ, ಇದೀಗ ಬೆದರಿಕೆ ಹಾಕುತ್ತಿದ್ದಾನೆ ಎಂದು ಆರೋಪಿಸಿ ತಮಿಳು ನಟಿ ಲುಬ್ನಾ ಆಮೀರ್ ಇತ್ತಿಚೆಗಷ್ಟೇ ದೂರು ನೀಡಿದ್ದರು. ಇದೀಗ ಆಕೆಯ ವಿರುದ್ಧವೇ ಐಟಿ ಉದ್ಯೋಗಿ ಗಂಭೀರ ಆರೋಪ ಮಾಡಿ ಸರಣಿ ದೂರುಗಳನ್ನ ದಾಖಲಿಸಿದ್ದಾನೆ.
ಲುಬ್ನಾ ಆಮೀರ್ ತಮಿಳಿನ ಕೆಕ್ಕರಾನ್ ಮೀಕ್ಕರಾನ್ ಸಿನಿಮಾದಲ್ಲಿ ತನ್ನ ಪಾತ್ರದ ಮೂಲಕವೇ ಪ್ರಸಿದ್ಧಿ ಪಡೆದಿದ್ದಾರೆ. ಅಲ್ಲದೆ, ಅನೇಕ ವೆಬ್ ಸರಣಿಗಳಲ್ಲಿ ನಟಿಸಿದ್ದಾರೆ. ಲುಬ್ನಾ ಅವರು ಈ ಹಿಂದೆ ನೀಡಿದ ದೂರಿನ ಪ್ರಕಾರ, ಮ್ಯಾಟ್ರಿಮೋನಿಯಲ್ ವೆಬ್ಸೈಟ್ ಮೂಲಕ ಲುಬ್ನಾಗೆ ಚೆನ್ನೈನ ವ್ಯಾಸರ್ಪದಿ ಮೂಲದ ಇಂಜಿನಿಯರ್ ಪದವೀಧರ ಮತ್ತು ಐಟಿ ಉದ್ಯೋಗಿ ಮಸಿಉಲ್ಲ ಖಾನ್ ಹೆಸರಿನ ವ್ಯಕ್ತಿಯ ಪರಿಚಯವಾಗಿತ್ತು.
ಇಂಟಿಮೇಟ್ ಫೋಟೋ ತೋರಿಸಿ ಬೆದರಿಕೆ
ಪರಿಚಯ ಪ್ರೇಮಕ್ಕೆ ತಿರುಗಿದ ಬಳಿಕ ಇಬ್ಬರು ಡೇಟಿಂಗ್ ಆರಂಭಿಸಿದರು. ಮಸಿಉಲ್ಲಗೆ ಈಗಾಗಲೇ ಮದುವೆ ಆಗಿರುವ ಸಂಗತಿ ಲುಬ್ನಾಗೆ ತಿಳಿದಾಗ ಸಂಬಂಧಕ್ಕೆ ಕೊನೆಯಾಡಿದ್ದಳು. ಇದಾದ ಬಳಿಕ ಪೊಲೀಸ್ ಠಾಣೆಯ ಮೆಟ್ಟಿಲೇರಿದ್ದ ಲುಬ್ನಾ, ಜತೆಗಿದ್ದ ಸಮಯದಲ್ಲಿ ಸೆರೆಹಿಡಿದಿರುವ ಇಂಟಿಮೇಟ್ ಫೋಟೋಗಳನ್ನು ತೋರಿಸಿ ಬೆದರಿಕೆ ಹಾಕುತ್ತಿದ್ದಾನೆ ಎಂದು ಮುಸಿಉಲ್ಲ ವಿರುದ್ಧ ತಿರುವಲ್ಲಿಕ್ಕೇನಿ ಮಹಿಳಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಳು. ಬಳಿಕ ಮಸಿಉಲ್ಲ ಖಾನ್ನನ್ನು ದೂರಿನ ಆಧಾರದ ಮೇಲೆ ಬಂಧಿಸಲಾಗಿತ್ತು. ಇದಾದ ನಂತರ ಜಾಮೀನಿನ ಮೇಲೆ ಬಿಡುಗಡೆ ಮಾಡಲಾಗಿದೆ.
ಲುಬ್ನಾ ವಿರುದ್ಧ ಸರಣಿ ದೂರು
ಇದೀಗ ಮತ್ತೊಂದು ದೂರು ದಾಖಲಿಸಿರುವ ಲುಬ್ನಾ, ದೂರು ಹಿಂಪಡೆಯುವಂತೆ ಮಸಿಉಲ್ಲನ ಪತ್ನಿ ಬೆದರಿಕೆ ಹಾಕುತ್ತಿದ್ದಾಳೆ ಎಂದು ಚೆನ್ನೈ ಪೊಲೀಸ್ ಕಮಿಷನರ್ಗೆ ದೂರು ನೀಡಿದ್ದಾಳೆ. ಇನ್ನೊಂದೆಡೆ ಮುಸಿಉಲ್ಲ ಕೂಡ ಪೆರವಳ್ಳೂರು, ವೆಲ್ಲೂರು ಮತ್ತು ವಿನಿಯಂಪಾಡಿ ಪೊಲೀಸ್ ಠಾಣೆಗಳಲ್ಲಿ ಲುಬ್ನಾ ವಿರುದ್ಧ ಸರಣಿ ದೂರುಗಳನ್ನು ದಾಖಲಿಸಿದ್ದಾನೆ.
ಅಶ್ಲೀಲ ವಿಡಿಯೋ ಪೋಸ್ಟ್
ಮಸಿಉಲ್ಲನ ಪ್ರಕಾರ 2020ರಲ್ಲಿ ಆತ ತನ್ನ ಮೊದಲ ಪತ್ನಿಯಿಂದ ದೂರವಾಗಿದ್ದಾನೆ. ಇಬ್ಬರ ನಡುವೆ ಡಿವೋರ್ಸ್ ಪ್ರಕರಣ ನಡೆಯುತ್ತಿದೆ. ಇದರ ನಡುವೆ ಮ್ಯಾಟ್ರಿಮೋನಿಯಲ್ ವೆಬ್ಸೈಟ್ ಮೂಲಕ ಲುಬ್ನಾಳ ಪರಿಚಯ ಆಯಿತು ಮತ್ತು ಆಕೆಯನ್ನು ಮದುವೆ ಆಗಲು ಉದ್ದೇಶಿಸಿದ್ದೆ. ಆದಾಗ್ಯೂ, ಆಕೆ ಭಾರತದಲ್ಲಿ ನಿಷೇಧಗೊಂಡಿರುವ ಆನ್ಲೈನ್ ವೇದಿಕೆಗಳಲ್ಲಿ ತನ್ನ ಅಶ್ಲೀಲ ವಿಡಿಯೋಗಳನ್ನು ಪೋಸ್ಟ್ ಮಾಡಿ ಹಣ ಸಂಪಾದಿಸುತ್ತಿರುವುದು ಗೊತ್ತಾಯಿತು. ಇದರಿಂದ ನಾನು ಆಕೆಯಿಂದ ಪ್ರತ್ಯೇಕವಾದೆ. ಇಬ್ಬರು ಸಂಬಂಧದ್ದಲ್ಲಿದ್ದ ಸಮಯದಲ್ಲಿ ನನ್ನ ಸಾಕಷ್ಟು ಹಣವನ್ನು ಆಕೆ ವ್ಯಯಿಸಿದ್ದಾಳೆ ಎಂದು ಮಸಿಉಲ್ಲ ಆರೋಪ ಮಾಡಿದ್ದಾನೆ.
ಇದನ್ನೂ ಓದಿ: VIDEO |ಅಯ್ಯಯ್ಯೋ ಸೆಖೆ ಸೆಖೆ.. ಟ್ರಾಫಿಕ್ ಸಿಗ್ನಲ್ನಲ್ಲೇ ಸ್ನಾನ ಮಾಡಿದ ಯುವಕ, ಯುವತಿ
ಎರಡು ಕಡೆಯ ಸ್ಟೋರಿಯನ್ನು ಕೇಳಿ ಇಬ್ಬರ ಪ್ರಕರಣವನ್ನು ದಾಖಲಿಸಿಕೊಂಡಿರುವ ಪೊಲೀಸರು ಸತ್ಯಾಸತ್ಯತೆ ಏನೆಂದು ತಿಳಿಯಲು ತನಿಖೆ ಆರಂಭಿಸಿದ್ದಾರೆ. (ಏಜೆನ್ಸೀಸ್)
ಜರ್ಸಿ ನಂ. 18, ಮೇ 18 ಮತ್ತು ಶತಕ: 18ನೇ ಸಂಖ್ಯೆ ಹಿಂದಿನ ರಹಸ್ಯ ಬಿಚ್ಚಿಟ್ಟ ಕಿಂಗ್ ಕೊಹ್ಲಿ!
ನಿಮ್ಮ ಹಳೆಯ ಚಿನ್ನಕ್ಕೆ ಕುತ್ತು? ಕೇಂದ್ರದಿಂದ ಹೊಸ ನಿಯಮ, ಕೂಡಲೇ ಈ ಕೆಲಸ ಮಾಡಿ…