ಕ್ಯಾಂಪಸ್​ನಲ್ಲಿ ಸ್ನೇಹಿತೆಗೆ ಗುಂಡು ಹಾರಿಸಿ, ಬಳಿಕ ಹಾಸ್ಟೆಲ್​ನಲ್ಲಿ ತಾನೂ ಗುಂಡು ಹಾರಿಸಿಕೊಂಡ ಸ್ನೇಹಿತ

ನೋಯ್ಡಾ: 21 ವರ್ಷದ ವಿದ್ಯಾರ್ಥಿನಿಯನ್ನು ಕ್ಯಾಂಪಸ್‌ನಲ್ಲೇ ಸಹಪಾಠಿಯೊಬ್ಬ ಗುಂಡಿಕ್ಕಿ ಕೊಂದು, ತಾನು ಗುಂಡು ಹಾರಿಸಿಕೊಂಡು ಆತ್ಮಹತ್ಯೆಕೊಂಡಿರುವ ಘಟನೆ ಗ್ರೇಟರ್ ನೋಯ್ಡಾದಲ್ಲಿ ನಡೆದಿದೆ. ಶಿವನಾಡರ್ ವಿಶ್ವವಿದ್ಯಾನಿಲಯದ ಕ್ಯಾಂಪಸ್​ನಲ್ಲಿ ಈ ಘಟನೆ ನಡೆದಿದ್ದು, ಕಲಾವಿಭಾಗದ ಅಂತಿಮ ವರ್ಷದ ವಿದ್ಯಾರ್ಥಿಗಳಾಗಿದ್ದ ಅನುಜ್​ ಸಿಂಗ್​ ಹಾಗೂ ನೇಹಾ ಚೌರಾಸಿಯಾ ಮೃತ ದುರ್ದೈವಿಗಳಾಗಿದ್ದಾರೆ.

ಇದನ್ನೂ ಓದಿ: ಸಿದ್ದರಾಮಯ್ಯ ಸಿಎಂ ಆಯ್ಕೆ ಹಿನ್ನೆಲೆ ಸಂಭ್ರಮಾಚರಣೆ

ಕೊಲೆಯ ಆಘಾತಕಾರಿ ಸಿಸಿಟಿವಿ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ದೃಶ್ಯದಲ್ಲಿ ಯುವಕ ಮತ್ತು ಯುವತಿ ಕ್ಯಾಂಪಸ್‌ನ ಡೈನಿಂಗ್ ಹಾಲ್‌ನ ಹೊರಗೆ ಪರಸ್ಪರ ಮಾತನಾಡುತ್ತಿದ್ದಾಗ, ಯುವಕ ಬ್ಯಾಗ್‌ನಿಂದ ಪಿಸ್ತೂಲ್ ಅನ್ನು ಹೊರತೆಗೆದು ಅವಳ ಮೇಲೆ ಗುಂಡು ಹಾರಿಸುತ್ತಾನೆ. ಅವಳು ನಂತರ ಕುಸಿದು ಬೀಳುವ ಮೂಲಕ ಅವ​ನನ್ನು ತಡೆಯಲು ಪ್ರಯತ್ನಿಸುತ್ತಾಳೆ. ನಂತರ ಯುವಕ ಮತ್ತೆ, ಅಕೆಯ ಎದೆ ಮತ್ತು ಹೊಟ್ಟೆಗೆ ಕನಿಷ್ಠ ಎರಡು ಬಾರಿ ಗುಂಡು ಹಾರಿಸಿ ತಕ್ಷಣವೇ ಸ್ಥಳದಿಂದ ಹೊರಟು ಹೋಗುತ್ತಾನೆ.

Student shot dead girl student in ShivNadar University #GreaterNoida Anuj, who killed her GF was originally from Amroha and the Girl is from Kanpur. Big Question is How did student get the pistol inside the university campus ? #CCTV footage of the accident. pic.twitter.com/MkhThZH8Jv

— Pranab Jha (@pminu) May 18, 2023

ಪ್ರತ್ಯಕ್ಷದರ್ಶಿಗಳ ಪ್ರಕಾರ, ಅನುಜ್ ಮತ್ತು ನೇಹಾ ಡೈನಿಂಗ್ ಹಾಲ್‌ನ ಹೊರಗೆ ಸಂಭಾಷಣೆ ನಡೆಸುತ್ತಿರುವ ವೇಳೆ ಅವರು ಪರಸ್ಪರ ತಬ್ಬಿಕೊಂಡರು. ಈ ವೇಳೆ ಏನೋ ಮಾತಿನ ಚಕಮಕಿ ಉಂಟಾಗಿ ಆತ ನೇಹಾಳನ್ನು ಕೊಂದು, ತನ್ನ ಹಾಸ್ಟೆಲ್ ಕೋಣೆಯೊಳಗೆ ಹೋಗಿ ತಾನೂ ಗುಂಡು ಹಾರಿಸಿಕೊಂಡಿದ್ದಾನೆ ಎಂದಿದ್ದಾರೆ.(ಏಜೆನ್ಸೀಸ್​)