ಹಾರ್ದಿಕ್ ಪಾಂಡ್ಯ ಮುಂಬೈ ಸೇರುವುದು ಬಹುತೇಕ ಖಚಿತ; ಗುಜರಾತ ಕ್ಯಾಪ್ಟನ್ಸಿ ರೇಸ್​ನಲ್ಲಿ ಈ ಇಬ್ಬರು ಆಟಗಾರರು

ಮುಂಬೈ: ಮುಂಬರುವ ಐಪಿಎಲ್​ ಟೂರ್ನಿಗೆ ಈಗಾಗಲೇ ಸಿದ್ದತೆ ಆರಂಭವಾಗಿದ್ದು, ಮಿನಿ ಹರಾಜಿಗಾಗಿ ತಂಡಗಳು ಭರ್ಜರಿ ಸಿದ್ದತೆ ನಡೆಸುತ್ತಿವೆ. ಇದರ ನಡುವೆ ಕೆಲ ಶಾಕಿಂಗ್ ವಹಿವಾಟು ಕೂಡ ನಡೆಯುತ್ತಿದೆ. ಫ್ರಾಂಚೈಸಿಗಳು ಹರಾಜಿಗು ಮೊದಲು ಟ್ರೇಡ್ ಮೂಲಕ ಆಟಗಾರರನ್ನು ವಿನಿಮಯ ಮಾಡಿಕೊಳ್ಳುವ ಆಯ್ಕೆಯನ್ನು ಹೊಂದಿವೆ. 

ಈ ವಿಚಾರವಾಗಿ ಇದೀಗ ಮುಂಬೈ ಇಂಡಿಯನ್​ ತಂಡವು ಆಲ್​ರೌಂಡರ್​ ಹಾರ್ದಿಕ್​ ಪಾಂಡ್ಯ ಅವರನ್ನು ಮರಳಿ ಕರೆತರಲು ಮುಂದಾಗಿದೆ ಎಂದು ವರದಿಯಾಗಿದೆ. ಗುಜರಾತ್‌ ಟೈಟಾನ್ಸ್​ನೊಂದಿಗೆ ಮುಂಬೈ 15 ಕೋಟಿ ರೂ. ಒಪ್ಪಂದದ ಮೂಲಕ ಪಾಂಡ್ಯ ಮತ್ತೊಮ್ಮೆ ಮುಂಬೈ ಇಂಡಿಯನ್ಸ್​ ತಂಡ ಸೇರಲಿದ್ದಾರ ಎಂಬ ಸುದ್ದಿಗೆ ಈಗ ಪುಷ್ಠಿ ಸಿಕ್ಕಿದೆ.

ಗುಜರಾತ್ ಟೈಟಾನ್ಸ್ ಫ್ರಾಂಚೈಸಿ ತನ್ನ ಸಾಮಾಜಿಕ ಜಾಲತಾಣ ಇನ್​ಸ್ಟಾಗ್ರಾಮ್​ನಲ್ಲಿ ಪೋಸ್ಟ್ ಮಾಡಿದ ಕೊನೆಯ ಕೆಲವು ವೀಡಿಯೊಗಳಲ್ಲಿ ಹಾರ್ದಿಕ್ ಪಾಂಡ್ಯ ಎಲ್ಲಿಯೂ ಕಂಡುಬರುತ್ತಿಲ್ಲ. ಮಿನಿ ಹರಾಜು ಮತ್ತು ಐಪಿಎಲ್ 2024 ಕ್ಕಿಂತ ಮುಂಚಿತವಾಗಿ ಜಿಟಿ ಹಾರ್ದಿಕ್ ಅವರ ವಿಡಿಯೋವನ್ನು ಡಿಲೀಟ್ ಮಾಡಿದೆ.

ಇದನ್ನೂ ಓದಿ: ಮಳೆಯಿಂದಾಗಿ ಕೆರೆಯಂತಾದ ಸ್ಟೇಡಿಯಂ; ಭಾರತ-ಆಸೀಸ್​ ನಡುವಿನ ದ್ವಿತೀಯ ಟಿ-20 ರದ್ದಾಗುವ ಸಾಧ್ಯತೆ?

ಜಿಟಿಯ ಸಾಮಾಜಿಕ ಮಾಧ್ಯಮ ಚಾನೆಲ್‌ನಲ್ಲಿ ಪೋಸ್ಟ್ ಮಾಡಿದ ಇತ್ತೀಚಿನ ವಿಡಿಯೋಗಳು ಶುಭ್​ಮನ್ ಗಿಲ್, ಮ್ಯಾಥ್ಯೂ ವೇಡ್, ರಶೀದ್ ಖಾನ್ ಮತ್ತು ಮುಂತಾದವರನ್ನು ಮಾತ್ರ ಒಳಗೊಂಡಿವೆ. ಆದಾಗ್ಯೂ, ಈ ವೀಡಿಯೊಗಳಲ್ಲಿ ಹಾರ್ದಿಕ್ ಪಾಂಡ್ಯ ಅವರ ಯಾವುದೇ ಕುರುಹು ಇಲ್ಲ. ಈ ಮೂಲಕ ಅವರು ಮುಂಬೈ ಸೇರುವುದು ಬಹುತೇಕ ಖಚಿತವಾಗಿದೆ.

ಯಾರ ಹೆಗಲಿಗೆ ನಾಯಕತ್ವದ ಹೊಣೆ

ಒಂದು ವೇಳೆ ಹಾರ್ದಿಕ್​ ಪಾಂಡ್ಯ ಗುಜರಾತ್​ ಟೈಟಾನ್ಸ್​ ತೊರೆದರೆ ತಂಡದ ನಾಯಕತ್ವವನ್ನು ಶುಭಮನ್​ ಗಿಲ್​ ಅಥವಾ ರಶೀದ್​ ಖಾನ್​ ವಹಿಸಲಿದ್ದಾರೆ ಎಂದು ಹೇಳಲಾಗಿದೆ. ಭವಿಷ್ಯದ ದೃಷ್ಟಿಯಿಂದ ಈ ಇಬ್ಬರ ಪೈಕಿ ಒಬ್ಬರಿಗೆ ತಂಡದ ಸಾರಥ್ಯವನ್ನು ವಹಿಸಬಹುದು ಎಂದು ಅಂದಾಜಿಸಲಾಗಿದೆ.

ಇಂತಹ ಪರಿಸ್ಥಿತಿಯಲ್ಲಿ ಫ್ರಾಂಚೈಸಿ ಕೆಲವು ಆವೃತ್ತಿಗಳಿಗೆ ರಶೀದ್ ಅವರಿಗೆ ನಾಯಕತ್ವ ನೀಡಿ, ಉಪನಾಯಕತ್ವವನ್ನು ಗಿಲ್‌ಗೆ ಹಸ್ತಾಂತರಿಸುವ ಸಾಧ್ಯತೆಯಿದೆ. ಇದರಿಂದ ಗಿಲ್​ಗೆ ತನ್ನನ್ನು ನಾಯಕತ್ವದ ಪಾತ್ರಕ್ಕೆ ಹೊಂದಿಸಿಕೊಳ್ಳಲು ಸಾಕಷ್ಟು ಸಮಯ ಕೂಡ ಸಿಗಲಿದೆ. ನಂತರ ಗಿಲ್ ತಂಡದ ನಾಯಕತ್ವವನ್ನು ವಹಿಸಿಕೊಳ್ಳಬಹುದು. ಈ ಇಬ್ಬರನ್ನು ಹೊರತುಪಡಿಸಿ, ಪ್ರಸ್ತುತ ಸೆಟಪ್‌ನಲ್ಲಿ ತಂಡವು ಬೇರೆ ಯಾವುದೇ ನಾಯಕತ್ವದ ಆಯ್ಕೆಯನ್ನು ಹೊಂದಿಲ್ಲ.

https://www.vijayavani.net/murugesh-nirani-slams-congress-government-over-caste-census

https://www.vijayavani.net/chennai-builder-wears-chappals-to-receive-rs-10-crore-rolls-royce-spectre-swag-says-internet