ದಾಖಲೆಗಳ ಸರದಾರ ಇದೊಂದು ರೆಕಾರ್ಡ್​ ಬ್ರೇಕ್​ ಮಾಡಬೇಕಿದೆ! ಕೊಹ್ಲಿಗೆ ಸವಾಲೆಸೆದ ಸುನಿಲ್ ಗವಾಸ್ಕರ್​

ನವದೆಹಲಿ: ನಾಳೆಯಿಂದ (ಜೂನ್​. 01) ಅಮೆರಿಕಾ ಮತ್ತು ವೆಸ್ಟ್​ ಇಂಡೀಸ್​ ಅತಿಥ್ಯ ವಹಿಸಿರುವ ಐಸಿಸಿ ವಿಶ್ವಕಪ್ 2024ರ ಪಂದ್ಯಾವಳಿಗೆ ಇನ್ನೇನು ಕೆಲವೇ ಸಮಯ ಬಾಕಿ ಉಳಿದಿದ್ದು, ಕ್ಷಣಗಣನೆ ಆರಂಭಗೊಂಡಿದೆ. ಪ್ರಸ್ತುತ ಟೀಂ ಇಂಡಿಯಾದ ಆಟಗಾರರು ಮೈದಾನದಲ್ಲಿ ಭರ್ಜರಿ ತಯಾರಿಗಳನ್ನು ನಡೆಸುತ್ತಿದ್ದಾರೆ. ಇನ್ನು ಇತ್ತೀಚೆಗಷ್ಟೇ ಐಪಿಎಲ್ ಮುಗಿಸಿಕೊಂಡ 'ರನ್​ ಮಷಿನ್' ವಿರಾಟ್ ಕೊಹ್ಲಿ, ಇದೀಗ ಐರ್ಲೆಂಡ್​ ವಿರುದ್ಧದ ಮೊದಲ ಪಂದ್ಯದಲ್ಲಿ ಕಣಕ್ಕಿಳಿಯಲಿದ್ದಾರೆ.

ಇದನ್ನೂ ಓದಿ: ಹಾಸ್ಟೆಲ್ ಪುನರಾರಂಭಕ್ಕೆ ಸಿದ್ಧತೆ ಮಾಡಿಕೊಳ್ಳಿ: ಜಿಪಂ ಸಿಇಒ ಶೇಖ್ ತನ್ವೀರ್ ಆಸಿಫ್ ಸೂಚನೆ

11 ವರ್ಷಗಳ ಬಳಿಕ ಮತ್ತೆ ಐಸಿಸಿ ಟ್ರೋಫಿ ಎತ್ತಲು ಹಸಿವಿನಿಂದ ಕಾಯುತ್ತಿರುವ ಟೀಂ ಇಂಡಿಯಾ, ಮೈದಾನದಲ್ಲಿ ಭರ್ಜರಿ ಅಭ್ಯಾಸ ನಡೆಸುವ ಮೂಲಕ ಅಗತ್ಯ ತಯಾರಿಗಳನ್ನು ಮಾಡಿಕೊಳ್ಳುತ್ತಿದೆ. ಭಾರತ ತಂಡದ ಪರ ಆಕರ್ಷಕ ಮತ್ತು ಅತ್ಯಧಿಕ ರನ್​ ಕಲೆಹಾಕುವ ಸಾಮರ್ಥ್ಯವುಳ್ಳ ಸ್ಟಾರ್​ ಬ್ಯಾಟ್ಸ್​ಮನ್ ಎಂದರೆ ಅದು 'ರನ್ ಮಷಿನ್'. ಇದು ಪ್ರತಿಯೊಬ್ಬ ಕ್ರಿಕೆಟ್ ಅಭಿಮಾನಿಗಳಿಗೂ ತಿಳಿದಿರುವ ಸಂಗತಿಯೇ. ಐಪಿಎಲ್​ನಲ್ಲಿ ಆರ್​ಸಿಬಿ ಪರ ಓಪನಿಂಗ್ ಆಡಿದ ವಿರಾಟ್​, ಸ್ಪೋಟಕ ಬ್ಯಾಟಿಂಗ್ ಕೊಡುಗೆ ನೀಡಿದ್ದಾರೆ.

ಐಪಿಎಲ್ 17ನೇ ಸೀಸನ್​ನಲ್ಲಿ ಅತ್ಯಧಿಕ ರನ್ ಕಲೆಹಾಕುವ ಮೂಲಕ ಆರೆಂಜ್ ಕ್ಯಾಪ್​ ಸ್ವೀಕರಿಸಿದ ವಿರಾಟ್​, ಸದ್ಯ ಐಪಿಎಲ್​ನಿಂದಲೂ ಅತ್ಯುತ್ತಮ ಫಾರ್ಮ್​​ನಲ್ಲಿದ್ದಾರೆ. ಇದು ಕ್ರಿಕೆಟ್ ಅಭಿಮಾನಿಗಳಿಗೆ ಮತ್ತು ಮಾಜಿ ಕ್ರಿಕೆಟ್ ದಿಗ್ಗಜರ ನಿರೀಕ್ಷೆಯನ್ನು ಮತ್ತಷ್ಟು ಹೆಚ್ಚಿಸಿದೆ. ಉತ್ತಮ ಫಾರ್ಮ್​ನಲ್ಲಿರುವ ಕೊಹ್ಲಿ, ಟಿ20 ವಿಶ್ವಕಪ್​ನಲ್ಲಿ ಟೀಂ ಇಂಡಿಯಾ ಪರ ಇದೇ ಫಾರ್ಮ್​ನ ಮುಂದುವರೆಸುವ ವಿಶ್ವಾಸವಿದೆ. ಆದ್ರೆ, ಆರ್​ಸಿಬಿ ತಂಡದಲ್ಲಿ ಓಪನರ್​ ಆಗಿ ಬಂದಂತೆ, ಇಲ್ಲಿಯೂ ಓಪನಿಂಗ್ ಬ್ಯಾಟ್ಸ್​ಮನ್​ ಆಗಿ ಕಣಕ್ಕಿಳಿಯಲಿದ್ದಾರಾ ಎಂಬುದರ ಬಗ್ಗೆ ಸ್ಪಷ್ಟತೆಯಿಲ್ಲ.

ಇದನ್ನೂ ಓದಿ: ಗುದನಾಳದಲ್ಲಿ ಚಿನ್ನ ಬಚ್ಚಿಟ್ಟು ಸಾಗಾಟ: ಗಗನಸಖಿ ಬಂಧನ! ವಿಚಾರಣೆಯಲ್ಲಿ ಸ್ಪೋಟಕ ಮಾಹಿತಿ ಬಯಲು

ಇನ್ನು ವಿರಾಟ್​ ಕೊಹ್ಲಿ ದಾಖಲೆಗಳ ಹೆಸರು ಬಂದರೆ ಅಲ್ಲಿ ಟೀಂ ಇಂಡಿಯಾದ ಮಾಜಿ ಕ್ರಿಕೆಟಿಗ ಸುನಿಲ್ ಗವಾಸ್ಕರ್​ ಅವರ ಹೆಸರು ಸಹ ಮುಂಚೂಣಿಯಲ್ಲಿರುತ್ತದೆ. ಕಾರಣ, ಕೊಹ್ಲಿ ವಿಚಾರವನ್ನು ಮೊದಲು ಪ್ರಸ್ತಾಪ ಮಾಡುವುದೇ ಗವಾಸ್ಕರ್​. ಕಳೆದ ಐಪಿಎಲ್​ ಲೀಗ್​ನಲ್ಲಿ ಅವರ ಸ್ಟ್ರೈಕ್​ ರೇಟ್​ ಬಗ್ಗೆ ಟೀಕೆ ಮಾಡಿದ್ದ ಸುನಿಲ್​, ರನ್​ ಮಷಿನ್ ಅಭಿಮಾನಿಗಳ ಕೆಂಗಣ್ಣಿಗೆ ನೇರವಾಗಿ ಗುರಿಯಾಗಿದ್ದರು. ಇದೀಗ ಮತ್ತೊಮ್ಮೆ ಕೊಹ್ಲಿ ಫ್ಯಾನ್ಸ್​ಗಳ ಕಿಡಿಗೆ ತುತ್ತಾಗಿದ್ದಾರೆ.

ಆಸ್ಟ್ರೇಲಿಯಾದ ಹಲವು ಹೆಸರಾಂತ ಸ್ಟೇಡಿಯಂಗಳಲ್ಲಿ ಆಯೋಜಿಸಲಾದ ಟೆಸ್ಟ್​ ಪಂದ್ಯಗಳಲ್ಲಿ ಸೆಂಚುರಿ ಬಾರಿಸಿ, ದಾಖಲೆ ಬರೆದ ವಿದೇಶಿ ಆಟಗಾರರು ಎಂದರೆ ಅದು ಭಾರತದ ಸುನಿಲ್ ಗವಾಸ್ಕರ್ ಮತ್ತು ಇಂಗ್ಲೆಂಡ್​ನ ಮಾಜಿ ಕ್ಯಾಪ್ಟನ್​ ಅಲೆಸ್ಟರ್ ಕುಕ್ ಮಾತ್ರ. ಇದೇ ಮೈದಾನಗಳಲ್ಲಿ ಕೊಹ್ಲಿ ಕೂಡ ಹೆಚ್ಚುವರಿ ದಾಖಲೆಗಳನ್ನು ನಿರ್ಮಿಸಿದ್ದಾರೆ. ಆದ್ರೆ, ಬ್ರಿಸ್ಬೇನ್‌ನಲ್ಲಿರುವ ಪ್ರತಿಷ್ಠಿತ ಗಬ್ಬಾದಲ್ಲಿ ದಾಖಲೆ ನಿರ್ಮಿಸಲು ಸಾಧ್ಯವಾಗಿಲ್ಲ. ಸದ್ಯ ಇದನ್ನೇ ಮುಂದಿಟ್ಟು ಸವಾಲೆಸೆದ ಗವಾಸ್ಕರ್​, "ಇಲ್ಲಿ ಏನಾದರೂ ವಿರಾಟ್​ ರೆಕಾರ್ಡ್​ ಮಾಡಿದ್ರೆ, ಈ ಮೈಲಿಗಲ್ಲು ಸಾಧಿಸಿದ ಮೂರನೇ ಆಟಗಾರನಾಗಿ ಹೊರಹೊಮ್ಮುತ್ತಾ" ಎಂದಿದ್ದಾರೆ.

ಇದನ್ನೂ ಓದಿ: ಕೇರಳಕ್ಕೆ ಒಂದು ದಿನ ಮುಂಚಿತವಾಗಿ ಆಗಮಿಸಿದ ಮುಂಗಾರು.. ಈಶಾನ್ಯ ಭಾರತದಲ್ಲೂ ಮುಂದುವರಿದ ಮಳೆ!

"ಗಬ್ಬಾದಲ್ಲಿ ವಿರಾಟ್​ ಶತಕ ಬಾರಿಸಿದರೆ, ನನ್ನ ಮತ್ತು ಕುಕ್ ನಂತರದಲ್ಲಿ ಅವರ ಹೆಸರು ಕೂಡ ಈ ವಿಶಿಷ್ಟ ದಾಖಲೆಗೆ ಸೇರಲಿದೆ" ಎಂದು ಇತ್ತೀಚೆಗೆ ನಡೆದ ಈವೆಂಟ್​ನಲ್ಲಿ ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/sunil-gavaskar-suggests-dhoni-not-to-do-this

https://www.vijayavani.net/gautam-gambhir-speaks-about-three-trophies/