ಕೇರಳಕ್ಕೆ ಒಂದು ದಿನ ಮುಂಚಿತವಾಗಿ ಆಗಮಿಸಿದ ಮುಂಗಾರು.. ಈಶಾನ್ಯ ಭಾರತದಲ್ಲೂ ಮುಂದುವರಿದ ಮಳೆ!

ನವದೆಹಲಿ: ನೈರುತ್ಯ ಮುಂಗಾರು ಮುನ್ಸೂಚನೆಗಿಂತ ಒಂದು ದಿನ ಮುಂಚಿತವಾಗಿ ಕೇರಳಕ್ಕೆ ಆಗಮಿಸಿದೆ. ಭಾರತೀಯ ಹವಾಮಾನ ಇಲಾಖೆ ಘೋಷಿಸಲ್ಪಟ್ಟಂತೆ ಜೂ.1ಕ್ಕೆ ಕೇರಳ ಪ್ರವೇಶಿಸಬೇಕಿತ್ತಾದರೂ ಹವಾಮಾನ ಪರಿಸ್ಥಿತಿ ಅನುಕೂಲಕರವಾಗಿರುವುದೇ ಇದಕ್ಕೆ ಕಾರಣ ಎಂದು ಐಎಂಡಿ ತಿಳಿಸಿದೆ.

ಇದನ್ನೂ ಓದಿ: ಬಿತ್ತನೆ ಬೀಜ ದರ ದುಪ್ಪಟ್ಟು, ರೈತರಿಗೆ ಇಕ್ಕಟ್ಟು

ಮುನ್ಸೂಚನೆಗಿಂತ ಒಂದು ದಿನ ಮುಂಚಿತವಾಗಿ ಕೇರಳದ ಕರಾವಳಿಯನ್ನು ಮುಂಗಾರು ಮಾರುತಗಳು ಅಪ್ಪಳಿಸಿರುವುದು ಭಾರಿ ಮಳೆ ನಿರೀಕ್ಷಿಸಲಾಗಿದೆ. ಈಗಾಗಲೇ ಈಶಾನ್ಯ ರಾಜ್ಯಗಳು, ಪಶ್ಚಿಮ ಬಂಗಾಳ ಮತ್ತು ಬಾಂಗ್ಲಾದೇಶವನ್ನು ಅಪ್ಪಳಿಸಿದ ರೆಮಲ್ ಚಂಡಮಾರುತದ ಕಾರಣದಿಂದಾಗಿ ಭಾರಿ ಮಳೆಯಾಗಿದ್ದು, ಅದು ದುರ್ಬಲಗೊಂಡಿರುವುದರಿಂದ ಕೇರಳಕ್ಕೆ ಮುಂಗಾರು ಒಂದು ದಿನ ಮುಂಚಿತವಾಗಿ ಆಗಮಿಸುವಂತಾಗಿದೆ.

ನೈರುತ್ಯ ಮುಂಗಾರು ಕೇರಳಕ್ಕೆ ಜೂನ್​ 1 ರೊಳಗೆ ಕೇರಳಕ್ಕೆ ಬರಲಿದೆ ಎಂದು ಐಎಂಡಿ ಮೇ 15ರಂದು ಘೋಷಿಸಿತ್ತು. ಭಾನುವಾರ ಪಶ್ಚಿಮ ಬಂಗಾಳ ಮತ್ತು ಬಾಂಗ್ಲಾದೇಶವನ್ನು ಅಪ್ಪಳಿಸಿದ ರೆಮಲ್ ಚಂಡಮಾರುತವು ಮಾನ್ಸೂನ್ ಹರಿವನ್ನು ಬಂಗಾಳ ಕೊಲ್ಲಿಗೆ ಎಳೆದಿದ್ದು, ಈಶಾನ್ಯ ರಾಜ್ಯಗಳಲ್ಲೂ ಮುಂಗಾರು ಪ್ರಾರಂಭವಾಗಿದೆ ಎಂದು ಹವಾಮಾನ ವಿಜ್ಞಾನಿಗಳು ಗಮನಿಸಿದ್ದಾರೆ. ಚಂಡಮಾರುತ ಪ್ರಭಾವ ಈಶಾನ್ಯದಲ್ಲಿಯೂ ಮುಂಗಾರು ಆರಂಭಿಕ ಆಕ್ರಮಣಕ್ಕೆ ಸಂಭಾವ್ಯ ಕೊಡುಗೆ ನೀಡಿದೆ ಎಂದು ಅವರು ಅಭಿಪ್ರಾಯಪಡುತ್ತಾರೆ.

ಕಳೆದ ಕೆಲವು ದಿನಗಳಿಂದ ಕೇರಳದಲ್ಲಿ ಭಾರೀ ಮಳೆಯಾಗುತ್ತಿದ್ದು, ಮೇ ಹೆಚ್ಚುವರಿ ಮಳೆಯಾಗಿದೆ ಎಂದು ಹವಾಮಾನ ಇಲಾಖೆ ಅಂಕಿಅಂಶಗಳು ತೋರಿಸಿವೆ.

ಅರುಣಾಚಲ ಪ್ರದೇಶ , ತ್ರಿಪುರಾ, ನಾಗಾಲ್ಯಾಂಡ್, ಮೇಘಾಲಯ, ಮಿಜೋರಾಂ, ಮಣಿಪುರ ಮತ್ತು ಅಸ್ಸಾಂನಲ್ಲಿ ಮಾನ್ಸೂನ್ ಆರಂಭದ ದಿನಾಂಕ ಜೂನ್ 5 ಆಗಿದೆ . ಆದರೆ ನೈಋತ್ಯ ಮಾನ್ಸೂನ್ ದಕ್ಷಿಣ ಅರೇಬಿಯನ್ ಸಮುದ್ರದ ಕೆಲವು ಭಾಗಗಳಿಗೆ, ಉಳಿದ ಭಾಗಗಳಿಗೆ ಮತ್ತಷ್ಟು ಮುನ್ನಡೆಯಲು ಪರಿಸ್ಥಿತಿಗಳು ಅನುಕೂಲಕರವಾಗಿ ಮುಂದುವರಿಯುತ್ತವೆ. ಇದೇ ಅವಧಿಯಲ್ಲಿ ಮಾಲ್ಡೀವ್ಸ್, ಕೊಮೊರಿನ್, ಲಕ್ಷದ್ವೀಪ, ನೈಋತ್ಯ ಮತ್ತು ಮಧ್ಯ ಬಂಗಾಳ ಕೊಲ್ಲಿ, ಈಶಾನ್ಯ ಬಂಗಾಳ ಕೊಲ್ಲಿ ಮತ್ತು ಈಶಾನ್ಯ ರಾಜ್ಯಗಳ ಕೆಲವು ಭಾಗಗಳು ಮುಂಗಾರು ಪ್ರಭಾವಕ್ಕೆ ಒಳಗಾಗುತ್ತವೆ ಎಂದು ಐಎಂಡಿ ಹೇಳಿದೆ.

ಭಾರತದ ಕೃಷಿಗೆ ಮಾನ್ಸೂನ್ ಅತ್ಯಗತ್ಯ. ದೇಶದ ಒಟ್ಟಾರೆ ಕೃಷಿ ಪ್ರದೇಶದ 52 ಪ್ರತಿಶತವು ಮಳೆಯಾಶ್ರಿತವಾಗಿದೆ. ರಾಷ್ಟ್ರವ್ಯಾಪಿ ಕುಡಿಯುವ ನೀರು ಮತ್ತು ವಿದ್ಯುತ್ ಉತ್ಪಾದನೆಗೆ ಅಗತ್ಯವಿರುವ ಜಲಾಶಯಗಳನ್ನು ತುಂಬಿಸುವಲ್ಲಿ ಇದು ಪ್ರಮುಖ ಪಾತ್ರ ವಹಿಸುತ್ತದೆ. ಜೂನ್ ಮತ್ತು ಜುಲೈ ತಿಂಗಳುಗಳು ಕೃಷಿಗೆ ಅತ್ಯಂತ ನಿರ್ಣಾಯಕ ಮಾನ್ಸೂನ್ ತಿಂಗಳುಗಳಾಗಿದ್ದು, ಖಾರಿಫ್ ಬೆಳೆ ಬಿತ್ತನೆಯ ಬಹುಪಾಲು ಈ ಸಮಯದಲ್ಲಿ ನಡೆಯುತ್ತದೆ.

https://www.vijayavani.net/hurricane-effect-in-america-more-than-250-flights-canceled