ತಿಲಕ್ ವರ್ಮಾ ಫಿಫ್ಟಿ; ಚೆಪಾಕ್​ನಲ್ಲಿ ಗೆಲುವಿನ ನಗೆ ಬೀರಿದ Team India

ಚೆನ್ನೈ: ಇಲ್ಲಿನ ಎಂ.ಎ. ಚಿದಂಬರಂ ಕ್ರೀಡಾಂಗಣದಲ್ಲಿ ಭಾರತ (Team India) ಹಾಗೂ ಇಂಗ್ಲೆಂಡ್​ (England) ನಡುವಿನ ಟಿ20 ಸರಣಿಯ ಎರಡನೇ ಪಂದ್ಯದಲ್ಲಿ ಆತಿಥೇಯರು 2 ವಿಕೆಟ್​ಗಳ ಜಯ ಸಾಧಿಸುವ ಮೂಲಕ 2-0 ಮುನ್ನಡೆಯನ್ನು ಕಾಯ್ದುಕೊಂಡಿದ್ದಾರೆ.

ಟಾಸ್​​ ಗೆದ್ದು ಮೊದಲು ಬೌಲಿಂಗ್ ಆಯ್ಕೆ ಮಾಡಿಕೊಂಡ ಭಾರತ ತಂಡವು (Team India) ಎದುರಾಳಿಗಳನ್ನು ನಾಯಕ ಜೋಸ್​ ಬಟ್ಲರ್ (45 ರನ್​, 30 ಎಸೆತ, 2 ಬೌಂಡರಿ, 3 ಸಿಕ್ಸರ್​) ದಿಟ್ಟ ಪ್ರತಿರೋಧದ ಹೊರತಾಗಿಯೂ 20 ಓವರ್​ಗಳಲ್ಲಿ 9 ವಿಕೆಟ್​ಗೆ 165 ರನಗ್​ಗಳಿಗೆ ಕಟ್ಟಿ ಹಾಕುವಲ್ಲಿ ಯಶಸ್ವಿಯಾದರು. ಟೀಮ್​ ಇಂಡಿಯಾ ಪರ ಅಕ್ಷರ್ ಪಟೇಲ್​ (4-0-32-2), ವರುಣ್​ ಚಕ್ರವರ್ತಿ (4-0-38-2), ಅರ್ಷ್​ದೀಪ್ ಸಿಂಗ್​ (4-0-40-1), ಹಾರ್ದಿಕ್​ ಪಾಂಡ್ಯ (2-0-6-1), ವಾಷಿಂಗ್ಟನ್ ಸುಂದರ್​ (1-0-9-1), ಅಭಿಷೇಕ್ ಶರ್ಮ (1-0-12-1) ರನ್​ ನೀಡಿ ವಿಕಟ್ ಪಡೆದಿದ್ದಾರೆ.

ಗುರಿ ಬೆನ್ನತ್ತಿದ್ದ ಟೀಮ್​ ಇಂಡಿಯಾಗೆ (Team India) ಆರಂಭದಲ್ಲೇ ಆಘಾತ ನೀಡುವಲ್ಲಿ ಆಂಗ್ಲರು ಸಫಲರಾದರು. ತಿಲಕ್​ ವರ್ಮಾ (72 ರನ್, 55 ಎಸೆತ, 4 ಬೌಂಡರಿ, 5 ಸಿಕ್ಸರ್​) ಆರ್ಧಶತಕದ ಫಲವಾಗಿ 19.2 ಓವರ್​ಗಳಲ್ಲಿ 8 ವಿಕೆಟ್​ ನಷ್ಟಕ್ಕೆ 166 ರನ್​ಗಳಿಸಿ ಗೆಲುವಿನ ನಗೆ ಬೀರಿತು. ಇಂಗ್ಲೆಂಡ್​ ಪರ ಬ್ರೈಡಾನ್​ ಕಾರ್ಸೆ (4-0-29-3), ಆದಿಲ್​ ರಶೀದ್ (4-0-14-1), ಜೋಫ್ರಾ ಆರ್ಚರ್​ (4-0-60-1), ಮಾರ್ಕ್​ ವುಡ್​ (3-0-28-1), ಲಿಯಾನ್​ ಲಿವಿಂಗ್​ಸ್ಟನ್​ (2-0-14-1), ಜೇಮಿ ಓವರ್​ಟನ್​ (2.2-0-20-1) ರನ್​ ನೀಡಿ ವಿಕೆಟ್ ಪಡೆದಿದ್ದಾರೆ.

https://www.vijayavani.net/senior-actor-awarded-with-padma-bhushan-award

https://www.vijayavani.net/is-it-too-early-to-write-off-virat-kohli-ex-india-star-says-forget-what

https://www.vijayavani.net/biggboss-offiaicl-voting-data-revealed-in-finale-stage