ಟೆನಿಸ್ ಆಟಗಾರರ ನೆರವಿಗೆ 45 ಕೋಟಿ ರೂಪಾಯಿ ನಿಧಿ

ಪ್ಯಾರಿಸ್: ಕರೊನಾ ವೈರಸ್ ಭೀತಿಯಿಂದ ಕ್ರೀಡಾ ಚಟುವಟಿಕೆಗಳು ಸ್ಥಗಿತಗೊಂಡಿರು ವುದರಿಂದಾಗಿ ಆರ್ಥಿಕ ಸಂಕಷ್ಟದಲ್ಲಿರುವ ಟೆನಿಸ್ ಆಟಗಾರರ ನೆರವಿಗಾಗಿ 45.54 ಕೋಟಿ ರೂ. (6 ದಶಲಕ್ಷ ಡಾಲರ್) ಮೊತ್ತವನ್ನು ಸಂಗ್ರಹಿಸಲಾಗಿದೆ.

ಇದನ್ನೂ ಓದಿ: ಭಾರಿ ಪ್ರಮಾಣದ ಲಿಕ್ಕರ್ ಮಿಸ್ಸಿಂಗ್​; ಪೊಲೀಸರ ಮೇಲೆಯೇ ಡೌಟ್​!

ಜಾಗತಿಕ ಪುರುಷರ ಮತ್ತು ಮಹಿಳಾ ಟೆನಿಸ್ ಆಡಳಿತ ಸಂಸ್ಥೆಗಳಾದ ಎಟಿಪಿ, ಡಬ್ಲ್ಯುಟಿಎ, ಅಂತಾರಾಷ್ಟ್ರೀಯ ಟೆನಿಸ್ ಫೆಡರೇಷನ್ (ಐಟಿಎಫ್) ಮತ್ತು 4 ಗ್ರಾಂಡ್ ಸ್ಲಾಂ ಟೂರ್ನಿಗಳ ಸಂಘಟಕರು ಒಗ್ಗೂಡಿ ಈ ವೈರಸ್ ಪರಿಹಾರ ನಿಧಿಯನ್ನು ಸ್ಥಾಪಿಸಿದ್ದಾರೆ. ಇದರಿಂದ ವಿಶ್ವದ ಸುಮಾರು 800 ಎಟಿಪಿ, ಡಬ್ಲ್ಯುಟಿಎ ಸಿಂಗಲ್ಸ್ ಮತ್ತು ಡಬಲ್ಸ್ ಆಟಗಾರರಿಗೆ ಅಗತ್ಯ ನೆರವು ನೀಡಲಾಗುವುದು. ಹಾಲಿ ರ‍್ಯಾಂಕಿಂಗ್ ಮತ್ತು ಈ ಹಿಂದಿನ ಬಹುಮಾನ ಮೊತ್ತ ಗೆಲುವಿನ ಸಾಧನೆಯನ್ನು ಪರಿಗಣಿಸಿ ಆಟಗಾರರಿಗೆ ಧನಸಹಾಯ ನೀಡಲಾಗುವುದು.

ಇದನ್ನೂ ಓದಿ:  ರಾಜ್ಯ ಪೊಲೀಸ್​ ಇಲಾಖೆಯಲ್ಲಿ 2,672 ಕಾನ್​ಸ್ಟೆಬಲ್​, 162 ಎಸ್​ಐ ಹುದ್ದೆಗಳ ಭರ್ತಿಗೆ ಅರ್ಜಿ ಆಹ್ವಾನ

ವೈರಸ್ ಪರಿಹಾರ ನಿಧಿಗೆ ತಾರಾ ಆಟಗಾರರು ಹರಾಜು ಪ್ರಕ್ರಿಯೆ, ದೇಣಿಗೆ ಮತ್ತು ವರ್ಚುವಲ್ ಟೆನಿಸ್ ಪಂದ್ಯಗಳ ಮೂಲಕವೂ ಹಣ ನೀಡಬಹುದಾಗಿದೆ. ಸದ್ಯ ಜುಲೈ 13ರವರೆಗೂ ವಿಶ್ವದೆಲ್ಲೆಡೆ ಸ್ಪರ್ಧಾತ್ಮಕ ಟೆನಿಸ್ ಚಟುವಟಿಕೆಗಳನ್ನು ಸ್ಥಗಿತಗೊಳಿಸಲಾಗಿದೆ. -ಪಿಟಿಐ

https://www.vijayavani.net/detailed-probe-into-covid-19-origin-swadeshi-model-in-post-pandemic-economy-rss-policy/