ಲಾಹೋರ್: ಟಿ20 ವಿಶ್ವಕಪ್ ಟೂರ್ನಿಯ ಮೊಲದ ಹಂತದಲ್ಲೇ ಭಾರೀ ಮುಖಭಂಗ ಅನುಭವಿಸಿ ತವರಿಗೆ ವಾಪಾಸ್ ಆದಗಿನಿಂದಲೂ ಪಾಕಿಸ್ತಾನ ಕ್ರಿಕೆಟ್ ತಂಡದಲ್ಲಿ ಯಾವುದು ಸರಿಯಿಲ್ಲ ಎಂಬುದು ಸ್ಪಷ್ಟವಾಗುತ್ತಿದೆ. ಟೀಮ್ನ ನಾಯಕತ್ವದ ಜವಾಬ್ದಾರಿ ಹೊರಲು ಬಾಬರ್ ಆಜಂ ನಾಲಾಯಕ್ ಎಂದೆಲ್ಲಾ ಟೀಕಿಸಿ ಮಾತನಾಡಿದ್ದ ಪಾಕ್ ಮಾಜಿ ಆಟಗಾರರು, ಬಾಬರ್ರನ್ನು ಕ್ಯಾಪ್ಟನ್ ಸ್ಥಾನದಿಂದ ಕೆಳಗಿಳಿಸಬೇಕು ಎಂದು ಪಿಸಿಬಿಗೆ ಒತ್ತಾಯಿಸಿದ್ದರು. ತದನಂತರ ಪಾಕಿಸ್ತಾನ ಕ್ರಿಕೆಟ್ನ ಹೆಡ್ ಕೋಚ್ ಗ್ಯಾರಿ ಕರ್ಸ್ಟನ್, ತಂಡದಲ್ಲಿ ಆಟಗಾರರ ನಡುವೆ ಒಗ್ಗಟ್ಟಿಲ್ಲ, ಗೆಲುವಿನತ್ತ ಒಂದೇ ಮನಸ್ಥಿತಿ ಇಲ್ಲ ಎಂದು ದೂರಿದ್ದರು. ಆದ್ರೆ, ಅದ್ಯಾಕೋ ತಂಡದಲ್ಲಿನ ಆಂತರಿಕ ಸಮಸ್ಯೆಗಳು ದಿನೇ ದಿನೇ ಭುಗಿಲೇಳುತ್ತಿವೆಯೇ ಹೊರತು ಬಗೆಹರಿಯುವ ಯಾವ ಲಕ್ಷಣಗಳು ಕಂಡುಬರುತ್ತಿಲ್ಲ.
