ಜೂನ್ 6 ರಿಂದ ನಾಟಿಂಗ್ಹ್ಯಾಂ ಓಪನ್, ಜೂನ್ 14 ರಿಂದ ರ್ಬಮಿಂಗ್ಹ್ಯಾಂ ಓಪನ್, ಜೂನ್ 20 ರಿಂದ ಈಸ್ಟ್ಬೌರ್ನೆ ಓಪನ್ ಹಾಗೂ ಜೂನ್ 28 ರಿಂದ ವಿಂಬಲ್ಡನ್ ಗ್ರಾಂಡ್ ಸ್ಲಾಂ ಟೆನಿಸ್ ಟೂರ್ನಿಗಳಲ್ಲಿ ಸಾನಿಯಾ ಮಿರ್ಜಾ ಸ್ಪರ್ಧಿಸಲಿದ್ದಾರೆ. ಸಾನಿಯಾ ಮಿರ್ಜಾಗೆ ನಾಟಿಂಗ್ಹ್ಯಾಂಗೆ ತೆರಳಲು ವೀಸಾ ಲಭಿಸಿದೆ. ಅದರೆ, ಸಾನಿಯಾ ಪುತ್ರ ಹಾಗೂ ಅವನ ಉಸ್ತುವಾರಿ ವಹಿಸಿಕೊಳ್ಳುವವರಿಗೆ ವೀಸಾ ದಕ್ಕಿಲ್ಲ. ಭಾರತದ ಪ್ರವಾಸಿಗರಿಗೆ ಇಂಗ್ಲೆಂಡ್ನಲ್ಲಿ ನಿರ್ಬಂಧ ವಿಧಿಸಿರುವುದೇ ಇದಕ್ಕೆ ಕಾರಣ ಎಂದು ಭಾರತೀಯ ಕ್ರೀಡಾ ಪ್ರಾಧಿಕಾರ (ಸಾಯ್) ತಿಳಿಸಿದೆ. ಸಾನಿಯಾ ಮಿರ್ಜಾ ಕೂಡ ಕ್ರೀಡಾ ಸಚಿವಾಲಯದ ಟಾರ್ಗೆಟ್ ಒಲಿಂಪಿಕ್ ಪೋಡಿಯಂ ಯೋಜನೆಯ (ಟಾಪ್ಸ್) ಭಾಗವಾಗಿದ್ದಾರೆ. ಮಗ ಹಾಗೂ ಮಗನ ಉಸ್ತುವಾರಿ ವಹಿಸುವವರಿಗೆ ವೀಸಾ ನೀಡುವಂತೆ ಮನವಿ ಮಾಡಿದ್ದಾರೆ.
