14-15 ವರ್ಷಗಳ ಆಟ, 5 ಐಪಿಎಲ್​ ಪಟ್ಟ! ​ರಿಷಭ್ ಪಂತ್ ಮೇಲೆ ಹೆಚ್ಚಿದ ಭರವಸೆ, ಭವಿಷ್ಯ ನುಡಿದ LSG ಮಾಲೀಕ | Rishabh Pant

Rishabh Pant: ಕಳೆದ ವರ್ಷ ನವೆಂಬರ್​ನಲ್ಲಿ ನಡೆದ ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ 10 ಬಲಿಷ್ಠ ತಂಡಗಳ ನಡುವೆ ಭರ್ಜರಿ ಬಿಡ್ಡಿಂಗ್ ನಡೆಯಿತು. ಸ್ಟಾರ್ ಹಾಗೂ ಯುವ ಆಟಗಾರರನ್ನೇ ತಮ್ಮ ತಂಡಕ್ಕೆ ಖರೀದಿ ಮಾಡುವಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್​ ಮತ್ತು ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡಗಳು ಮಿಂಚಿದವು. ಇನ್ನು ಉಳಿದ ಫ್ರಾಂಚೈಸಿಗಳು ಕೂಡ ಉತ್ತಮ ಖರೀದಿ ಮಾಡಿತು. ಬರೋಬ್ಬರಿ 27 ಕೋಟಿ ರೂ.ಗೆ ಡೆಲ್ಲಿ ಡ್ಯಾಶರ್​ ರಿಷಭ್ ಪಂತ್​ರನ್ನು ಖರೀದಿಸಿದ ಲಖನೌ ಸೂಪರ್ ಜೈಂಟ್ಸ್​ ಮಾಲೀಕ, ಇದೀಗ ಪಂತ್​ಗೆ ತಂಡದ ನಾಯಕನ ಜವಾಬ್ದಾರಿಯನ್ನು ಹಸ್ತಾಂತರಿಸಿದ್ದಾರೆ.

ಇದನ್ನೂ ಓದಿ: ಸವಾಲುಗಳಿಗೆ ಹಿಂದು ಧರ್ಮ ದಿಟ್ಟ ಉತ್ತರ: ದೇವಿಪ್ರಸಾದ್ ಶೆಟ್ಟಿ ಕೊಡ್ಮಾಣ್ ಹೇಳಿಕೆ

ಹೆಚ್ಚಾಯ್ತು  ನಿರೀಕ್ಷೆ

ಎಲ್​ಎಸ್​ಜಿ ತಂಡದ ಜೆರ್ಸಿಯನ್ನು ರಿವೀಲ್ ಮಾಡಿದ ಮಾಲೀಕರು, ರಿಷಭ್ ಪಂತ್​ಗೆ ಲಖನೌ ಸೂಪರ್ ಜೈಂಟ್ಸ್​ ಜವಾಬ್ದಾರಿಯನ್ನು ಹೊರಿಸಿದ್ದಾರೆ. ಐಪಿಎಲ್ 2025ರಲ್ಲಿ ಎಲ್​ಎಸ್​ಜಿ ಕ್ಯಾಪ್ಟನ್ ಆಗಿ ಕಣಕ್ಕಿಳಿಯಲಿರುವ ರಿಷಭ್​ ಮೇಲೆ ಮಾಲೀಕರು ಭಾರೀ ನಿರೀಕ್ಷೆ ಹಾಗೂ ಭರವಸೆಗಳನ್ನು ಹೇರಿದ್ದಾರೆ. ಮೆಗಾ ಹರಾಜಿನಲ್ಲಿ ಅತ್ಯಂತ ದುಬಾರಿ ಆಟಗಾರನಾಗಿ ಹೊರಹೊಮ್ಮಿದ ಪಂತ್​, ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್​ ಸರಣಿಯಲ್ಲಿ ಉತ್ತಮ ಪ್ರದರ್ಶನ ತೋರಿದ್ದಾರೆ. ಟಿ20 ಲೀಗ್​ಗಳಲ್ಲಿಯೂ ಅವರ ಅಬ್ಬರ ಜೋರಾಗಿರಲಿದೆ. ರಿಷಭ್ ಎಲ್​ಎಸ್​ಜಿ ಮಾಡಿಕೊಂಡ ಅತ್ಯುತ್ತಮ ಆಯ್ಕೆ ಎಂದು ಆಸ್ಟ್ರೇಲಿಯಾದ ಮಾಜಿ ಹೆಡ್​ ಕೋಚ್ ಜಸ್ಟಿನ್ ಲ್ಯಾಂಗರ್ ಅಭಿಪ್ರಾಯಿಸಿದ್ದಾರೆ.

14-15 ವರ್ಷ

ಇನ್ನು ಕ್ಯಾಪ್ಟನ್ ಪಂತ್​ ಬಗ್ಗೆ ಮನಬಿಚ್ಚಿ ಮಾತನಾಡಿದ ಎಲ್​ಎಸ್​ಜಿ ಮಾಲೀಕ ಸಂಜೀವ್ ಗೋಯೆಂಕಾ, "ಲಖನೌ ಸೂಪರ್ ಜೈಂಟ್ಸ್​ನ ಕ್ಯಾಪ್ಟನ್​ ರಿಷಭ್​ಗೆ ಅಭಿನಂದನೆಗಳು. ಮುಂದಿನ 14ರಿಂದ 15 ವರ್ಷಗಳು ನೀವು ನಮ್ಮ ತಂಡದಲ್ಲಿಯೇ ಆಡಲಿದ್ದೀರಾ ಎಂಬ ಭರವಸೆ ನನಗಿದೆ. ಇದರೊಟ್ಟಿಗೆ ಐದು ಐಪಿಎಲ್​ ಟ್ರೋಫಿಯನ್ನು ಗೆಲ್ಲಲಿದ್ದೀರಿ ಎನ್ನುವುದು ನನ್ನ ಆಶಯ. 15 ವರ್ಷಗಳಲ್ಲಿ ನಮ್ಮ ತಂಡದ ಪರವಾಗಿ ನೀವು ಮಹೇಂದ್ರ ಸಿಂಗ್ ಧೋನಿ ಮತ್ತು ರೋಹಿತ್ ಶರ್ಮರಂತೆ ಐದು ಐಪಿಎಲ್​ ಪಟ್ಟವನ್ನು ಪಡೆಯಬೇಕು" ಎಂದು ಹೇಳಿದರು. ಸದ್ಯ ಈ ವಿಚಾರ ಜಾಲತಾಣಗಳಲ್ಲಿ ಹರಿದಾಡಿದ್ದು, ಕ್ರಿಕೆಟ್​ ಪ್ರಿಯರಿಗಿಂದ ರಿಷಭ್​ಗೆ 'ಆಲ್​ ದಿ ಬೆಸ್ಟ್'​ ಎಂಬ ಮಾತುಗಳು ಕೇಳಿಬಂದಿವೆ,(ಏಜೆನ್ಸೀಸ್).

https://www.vijayavani.net/parents-talked-about-daughter-b-chaitra-achivement

https://www.vijayavani.net/this-chemical-agent-used-as-gas-leakage-detector