IPL 2024, RCBvsKKR: ಕೆಕೆಆರ್​ ಬೌಲರ್​ಗಳ ಬೆವರಿಳಿಸಿದ 'ರನ್ ಮಷಿನ್'​! ಶ್ರೇಯಸ್​​ ಪಡೆಗೆ 183 ರನ್​ ಟಾರ್ಗೆಟ್​

ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್​ 2024ರ ಆವೃತ್ತಿಗೆ ಅದ್ದೂರಿ ಚಾಲನೆ ಸಿಕ್ಕಿದ್ದೇ ತಡ ಪ್ರತಿಯೊಂದು ಪಂದ್ಯವು ರೋಚಕವಾಗಿ ಸಾಗುತ್ತಿವೆ. ಇನ್ನು ಇಂದು ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಐಪಿಎಲ್​ನ 10ನೇ ಪಂದ್ಯದಲ್ಲಿ ಫಾಫ್ ಡುಪ್ಲೆಸಿಸ್​ ನಾಯಕತ್ವದ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (RCB) ಮತ್ತು ಶ್ರೇಯಸ್​ ಅಯ್ಯರ್​ ಕ್ಯಾಪ್ಟನ್ಸಿಯ ಕೊಲ್ಕತ್ತಾ ನೈಟ್​ ರೈಡರ್ಸ್ ತಂಡಗಳು ಮುಖಾಮುಖಿಯಾಗಿದ್ದು, ಟಾಸ್​ ಗೆದ್ದ ಕೆಕೆಆರ್​​ ಮೊದಲು ಬೌಲಿಂಗ್ ಆಯ್ದುಕೊಂಡಿತು.

ಇದನ್ನೂ ಓದಿ: ​ಪಿಸ್ತೂಲ್ ಹಿಡಿದು ರೀಲ್ಸ್​ ಮಾಡಿದ ಯುವಕರು: ನನ್ನ ನೆಕ್ಸ್ಟ್ ಟಾರ್ಗೆಟ್‌ ನಿಂದು ಇದೆಲೇ… ಎಂದೆಲ್ಲ ಡೈಲಾಗ್​ ಹೊಡೆದವರು ಪೊಲೀಸರ ಅತಿಥಿ

ಟಾಸ್​ ಸೋತ ಆರ್​ಸಿಬಿ ಮೊದಲು ಬ್ಯಾಟಿಂಗ್ ಮಾಡಿದ್ದು, ವಿರಾಟ್ ಕೊಹ್ಲಿ ಬ್ಯಾಟಿಂಗ್ ಅಬ್ಬರದಿಂದ 20 ಓವರ್​ಗಳಲ್ಲಿ 182 ರನ್​ ಕಲೆಹಾಕುವಲ್ಲಿ ಯಶಸ್ವಿಯಾಯಿತು. ಸದ್ಯ ಈ ಗುರಿಯನ್ನು ಇದೀಗ ಕೆಕೆಆರ್​ ತಲುಪಲು ಹೆಚ್ಚು ಶ್ರಮಿಸಬೇಕಿದೆ. ಎಂದಿನಂತೆ ಓಪನಿಂಗ್​ ಮಾಡಿದ ನಾಯಕ ಫಾಫ್​ ಡು ಪ್ಲೆಸಿಸ್​ ಹೆಚ್ಚಿನ ಸಮಯ ಕ್ರೀಸ್​ನಲ್ಲಿ ನಿಲ್ಲದೆ 08 ರನ್​ಗೆ ಔಟ್​ ಆಗಿ ಪೆವಿಲಿಯನ್ ಹಾದಿ ಹಿಡಿದರು. ಅವರ ಬೆನ್ನಲ್ಲೇ ಬಂದ ಕ್ಯಾಮರಾನ್​ ಗ್ರೀನ್ ಮಿಂಚಿನ​ ಸಿಕ್ಸರ್​ಗಳ ಸಿಡಿಸಿ ಆ್ಯಂಡ್ರೆ ರಸ್ಸಲ್​ಗೆ ವಿಕೆಟ್​ ಒಪ್ಪಿಸಿದರು.

ಒಂಟಿಯಾಗಿ ಕೆಕೆಆರ್​ ಬೌಲರ್​ಗಳ ಬೆವರಿಳಿಸಿದ ರನ್​ ಮಷಿನ್​ ವಿರಾಟ್​ ಕೊಹ್ಲಿ ಏಕಾಂಗಿಯಾಗಿ ಹೋರಾಟ ನಡೆಸಿದರು. ಸ್ಪೋಟಕ ಬ್ಯಾಟಿಂಗ್​ನಿಂದ ಅಬ್ಬರಿಸಿದ ವಿರಾಟ್​ 83 ರನ್​ಗಳನ್ನು ಸಿಡಿಸಿ ತಂಡಕ್ಕೆ ಆಸರೆಯಾದರು. ಇದರಿಂದ 20 ಓವರ್​ಗಳಲ್ಲಿ ಆರ್​ಸಿಬಿ 6 ವಿಕೆಟ್​ ನಷ್ಟಕ್ಕೆ 182 ರನ್​ ಗಳಿಸುವಲ್ಲಿ ಶಕ್ತವಾಯಿತು. ಇದೀಗ ಈ ಗುರಿಯನ್ನು ಕೆಕೆಆರ್​ ಬ್ಯಾಟ್ಸ್​ಮನ್​ಗಳನ್ನು ತಲುಪುತ್ತಾರಾ? ಅಥವಾ ಆರ್​ಸಿಬಿ ವೇಗಿಗಳ ಆರ್ಭಟಕ್ಕೆ ತತ್ತರಿಸುತ್ತಾರಾ? ಎಂಬುದನ್ನು ಕಾದು ನೋಡಬೇಕಿದೆ.

https://www.vijayavani.net/this-player-was-in-both-record-times-guess-who

https://www.vijayavani.net/my-career-as-a-leading-actress-ended-with-that-film-says-archana