ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್ 2024ರ ಆವೃತ್ತಿ ಪ್ರಾರಂಭವಾದ ಮೊದಲ ಪಂದ್ಯದಿಂದ ನಿನ್ನೆ (ಮಾ.27) ನಡೆದ ಸನ್ರೈಸರ್ಸ್ ಹೈದರಾಬಾದ್ ಮತ್ತು ಮುಂಬೈ ಇಂಡಿಯನ್ಸ್ ತಂಡಗಳ ನಡುವಿನ ಪಂದ್ಯದವರೆಗೆ ಎಲ್ಲಾ ಮ್ಯಾಚ್ಗಳೂ ಸಿಕ್ಕಾಪಟ್ಟೆ ರೋಚಕವಾಗಿ ಮೂಡಿಬರುತ್ತಿವೆ. ಸ್ಟೇಡಿಯಂನಲ್ಲಿ ಪಂದ್ಯ ಶುರುವಾಗುವ ಒಂದೆರೆಡು ಗಂಟೆಯ ಮುನ್ನವೇ ವೀಕ್ಷಣೆಗೆ ಕಾದು ಕೂರುವ ಕ್ರಿಕೆಟ್ ಅಭಿಮಾನಿಗಳು ಬಹಳ ಕುತೂಹಲದಿಂದ ತಮ್ಮ ತಂಡದ ಗೆಲುವಿಗಾಗಿ ಕಾಯುತ್ತಿರುತ್ತಾರೆ.
ಇದನ್ನೂ ಓದಿ: ಟಾಟಾ, ಅದಾನಿ, ಅಂಬಾನಿ ಸಮೂಹವಲ್ಲ; ದಲಾಲ್ ಸ್ಟ್ರೀಟ್ನಲ್ಲಿ ಹೂಡಿಕೆದಾರರಿಗೆ ಈ ಗ್ರೂಪ್ನ ಕಂಪನಿಗಳು ಅಚ್ಚುಮೆಚ್ಚು…
ಅದರಲ್ಲೂ ವಿಶೇಷವಾಗಿ ನಿನ್ನೆ ಹೈದರಾಬಾದ್ನ ರಾಜೀವ್ ಗಾಂಧಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಮುಂಬೈ ಇಂಡಿಯನ್ಸ್ ಮತ್ತು ಸನ್ ರೈಸರ್ಸ್ ಹೈದರಾಬಾದ್ ತಂಡಗಳ ನಡುವೆ ನಡೆದ ಪಂದ್ಯ ಮಾತ್ರ ನೋಡುಗರ ಹುಬ್ಬೇರುವಂತೆ ಮಾಡಿತು. ಮೊದಲು ಬ್ಯಾಟಿಂಗ್ ಮಾಡಿದ ಸನ್ ರೈಸರ್ಸ್ ಬೃಹತ್ ಮೊತ್ತ ಕಲೆಹಾಕುವಲ್ಲಿ ಯಶಸ್ವಿಯಾಯಿತು. ಮೊದಲು ಬ್ಯಾಟಿಂಗ್ಗೆ ಇಳಿದ ಸನ್ ರೈಸರ್ಸ್ ಬ್ಯಾಟ್ಸ್ಮನ್ಗಳು ಆರಂಭದಿಂದಲೇ ಸಿಕ್ಸರ್, ಫೋರ್ಸ್ಗಳ ಸುರಿಮಳೆಗೈದರು. ಸ್ಪೋಟಕ ಬ್ಯಾಟ್ ಮಾಡಿದ ಟ್ರಾವಿಸ್ ಹೆಡ್ 62, ಅಭಿಷೇಕ್ 63, ಕ್ಲಾಸೆನ್ ಅಜೇಯ 80 ರನ್ ಗಳಿಸಿ ಬೌಂಡರಿಗಳನ್ನು ಸಿಡಿಸಿದರು.
ಇದರೊಂದಿಗೆ 20 ಓವರ್ಗಳಲ್ಲಿ ಸನ್ ರೈಸರ್ಸ್ ತಂಡ ಬೃಹತ್ 277 ರನ್ ಮೂಲಕ 2013ರ ಐಪಿಎಲ್ನಲ್ಲಿ ಆರ್ಸಿಬಿ ನಿರ್ಮಿಸಿದ್ದ 263 ಗರಿಷ್ಠ ರನ್ ದಾಖಲೆಯನ್ನು ಪುಡಿ ಪುಡಿ ಮಾಡುವಲ್ಲಿ ಯಶಸ್ವಿಯಾಯಿತು. ಇದೀಗ ಹೊಸ ರೆಕಾರ್ಡ್ ಬರೆದಿರುವ ಎಸ್ಆರ್ಎಚ್ ಕ್ರಿಕೆಟ್ ಅಭಿಮಾನಿಗಳ ಅಪಾರ ಮೆಚ್ಚುಗೆಗೆ ಪಾತ್ರವಾಗಿದೆ. ಇನ್ನು ವಿಶೇಷ ಅಂದ್ರೆ ಅಂದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮಾಡಿದ ದಾಖಲೆಯ ಸಮಯದಲ್ಲೂ ಈ ಆಟಗಾರ ತಂಡದಲ್ಲಿದ್ದರು. ನಿನ್ನೆ ನಡೆದ ರೆಕಾರ್ಡ್ ಬ್ರೇಕಿಂಗ್ ಪಂದ್ಯದಲ್ಲಿಯೂ ಇವರು ಇದ್ದರು.
ಇದನ್ನೂ ಓದಿ: ಹಣಕಾಸು ಸಚಿವರ ಬಳಿಯೇ ದುಡ್ಡಿಲ್ಲವಂತೆ! ಬಿಜೆಪಿ ಆಫರ್ ತಿರಸ್ಕರಿಸಿದ ನಿರ್ಮಲಾ ಸೀತಾರಾಮನ್
ಒಟ್ಟಾರೆ ಅಂದು ಮತ್ತು ಇಂದು ಎರಡು ಸಮಯದಲ್ಲಿಯೂ ಈ ಆಟಗಾರ ತಂಡದಲ್ಲಿದ್ದರು ಎಂಬುದೇ ಮತ್ತಷ್ಟು ವಿಶೇಷ! ಅಂದು ಚಿನ್ನಸ್ವಾಮಿಯಲ್ಲಿ ನಡೆದ ಆರ್ಸಿಬಿ ಮತ್ತು ಪುಣೆ ವಾರಿಯರ್ಸ್ ನಡುವಿನ ಪಂದ್ಯದಲ್ಲಿ ಬೆಂಗಳೂರು ಪಡೆ 263 ರನ್ ದಾಖಲಿಸುವ ಮೂಲಕ ಐಪಿಎಲ್ ಇತಿಹಾಸದಲ್ಲೇ ಬೃಹತ್ ರನ್ ಕಲೆಹಾಕಿದ ತಂಡ ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿತ್ತು. ಈ ಪಂದ್ಯದಲ್ಲಿ ಆಡಿದ್ದ ಆಟಗಾರ ನಿನ್ನೆ ಸನ್ರೈಸರ್ಸ್ ದಾಖಲೆ ನಿರ್ಮಿಸುವ ಸಮಯದಲ್ಲಿಯೂ ಇದ್ದರು. ಅದು ಬೇರಾರೂ ಅಲ್ಲ ವೇಗಿ ಜಯದೇವ ಉನಾದ್ಕಟ್!
2013ರಲ್ಲಿ ಆರ್ಸಿಬಿ 263 ರನ್ ದಾಖಲಿಸುವಾಗಲೂ ಜಯದೇವ್ ಉನಾದ್ಕಟ್ ತಂಡದ ಪ್ಲೇಯಿಂಗ್ ಇಲೆವನ್ನ ಭಾಗವಾಗಿದ್ದರು. ನಿನ್ನೆ ಹೈದಾರಾಬಾದ್ನಲ್ಲಿ ನಡೆದ ಪಂದ್ಯದಲ್ಲಿ ಎಸ್ಆರ್ಎಚ್ ತಂಡದ ಪರವಾಗಿಯೂ ಆಡಿದರು. ಈ ಮೂಲಕ ದಾಖಲೆ ನಿರ್ಮಿಸಿದ ಹಾಗೂ ದಾಖಲೆ ಬ್ರೇಕ್ ಮಾಡಿದ ಎರಡು ತಂಡಗಳಲ್ಲಿ ಕಾಣಿಸಿಕೊಳ್ಳುವ ಮೂಲಕ ಇದೀಗ ಉನಾದ್ಕಟ್ ಎಲ್ಲರ ಗಮನಸೆಳೆದಿದ್ದಾರೆ.
‘ಇದೆಲ್ಲವೂ ನನ್ನ ಕುಟುಂಬದ ಮೇಲೆ ಪರಿಣಾಮ ಬೀರಿದೆ’; ಕಡೆಗೂ ಮೌನ ಮುರಿದ ಚಹಲ್ ಪತ್ನಿ!
ಶ್ರೀಲೀಲಾ ಜತೆ ನಟಿಸಲು ಸ್ಟಾರ್ ನಟರಿಗೆ ಚಿಂತೆ! ಇದು ಮುಂದುವರಿದ್ರೆ ‘ಕಿಸ್’ ಬೆಡಗಿಗೆ ಸಂಕಷ್ಟ
ಬಾಳೆಹಣ್ಣಿನ ವಿಷಯದಲ್ಲಿ ಈ ತಪ್ಪನ್ನು ಮಾಡಲೇಬೇಡಿ! ಇಲ್ಲಿದೆ ಉಪಯುಕ್ತ ಮಾಹಿತಿ