ಈ ತಂಡದಲ್ಲಿ ಅವಕಾಶ ಸಿಕ್ಕಿದ್ದೇ ಆಶ್ಚರ್ಯ… ಭಾವುಕರಾದ ಆರ್​ಸಿಬಿ ಪಾಲಿನ 'ಲಕ್ಕಿ ಚಾರ್ಮ್'​ ಸ್ವಪ್ನಿಲ್ ಸಿಂಗ್!

ಬೆಂಗಳೂರು: ಐಪಿಎಲ್ 17ನೇ ಆವತ್ತಿಯ ಆರಂಭಿಕ ಪಂದ್ಯದಲ್ಲೇ ಸಿಎಸ್​ಕೆ ವಿರುದ್ಧ ಹೀನಾಯ ಸೋಲನ್ನು ಕಂಡ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಪಡೆ ನಂತರದಲ್ಲಿ ಎರಡನೇ ಮ್ಯಾಚ್ ಬಿಟ್ಟರೇ ಉಳಿದ ಪಂದ್ಯಗಳಲ್ಲಿ ಸತತ ಸೋಲುಗಳನ್ನು ಅನುಭವಿಸಿ, ಅಂಕಪಟ್ಟಿಯಲ್ಲಿ 10ನೇ ಸ್ಥಾನದಲ್ಲಿತ್ತು. ಇದರಿಂದ ತೀವ್ರ ಕಂಗೆಟ್ಟಿದ್ದ ಚಾಲೆಂಜರ್ಸ್​​ ತಂಡಕ್ಕೆ ಲಕ್ಕಿ ಚಾರ್ಮ್​ ಆಗಿ ಎಂಟ್ರಿ ಕೊಟ್ಟ ಸ್ವಪ್ನಿಲ್ ಸಿಂಗ್, ತಮ್ಮ ಉಪಸ್ಥಿತಿಯಲ್ಲಿ ತಂಡಕ್ಕೆ ಬ್ಯಾಕ್ ಟು ಬ್ಯಾಕ್​ ಗೆಲುವನ್ನು ತಂದುಕೊಟ್ಟರು ವಿನಃ ಸೋಲನ್ನು ನೋಡಲು ಬಿಡಲೇ ಇಲ್ಲ. ಇದೊಂದು ರೀತಿ ಆಶ್ಚರ್ಯ ಅನಿಸಿದರೂ ಅಕ್ಷರಶಃ ಸತ್ಯ.

ಇದನ್ನೂ ಓದಿ: ಜೂನ್​ 4ರ ಫಲಿತಾಂಶದ ನಂತರ ಷೇರುಪೇಟೆ ಉತ್ತುಂಗಕ್ಕೆ: ದಲಾಲ್​ ಸ್ಟ್ರೀಟ್​ ಆತಂಕ ನಿವಾರಿಸಲು ಮುಂದಾದ ಪ್ರಧಾನಿ ಮೋದಿ ಹೇಳಿದ್ದೇನು?

ಕಳೆದ ಆರು ಪಂದ್ಯಗಳಿಂದಲೂ ಸತತ ಗೆಲುವು ನೋಡಿರುವ ಆರ್​ಸಿಬಿಗೆ ಸದ್ಯ ಸ್ವಪ್ನಿಲ್ ಸಿಂಗ್ ಅದೃಷ್ಟದ ಉಂಗುರದಂತೆ ಆಗಿದ್ದಾರೆ. ಸ್ವಪ್ನಿಲ್ ತಂಡಕ್ಕೆ ಸೇರ್ಪಡೆಯಾದ ಬಳಿಕ ಆರ್​ಸಿಬಿ ಆಡಿದ ಪ್ರತಿ ಪಂದ್ಯವು ಗೆಲುವಿನಲ್ಲೇ ಅಂತ್ಯವಾಗಿದೆ. ಅದೃಷ್ಟವಂತ ಬಂದಿದ್ದೋ ಬಂದಿದ್ದು, ಮತ್ತೆ ಆರ್​ಸಿಬಿ ಸೋಲಿನತ್ತ ಮುಖ ಮಾಡಿಲ್ಲ. ಸದ್ಯ ಈ ವಿಷಯ ಕೇವಲ ಅಭಿಮಾನಿಗಳಿಗೆ ಮಾತ್ರವಲ್ಲ, ಫ್ರಾಂಚೈಸಿಗೂ ಸಹ ಅತೀವ ಸಂತಸ ತಂದೊಡ್ಡಿದೆ.

ಇನ್ನು ಈ ಬಗ್ಗೆ ಮಾತನಾಡಿದ ಸ್ವಪ್ನಿಲ್ ಸಿಂಗ್, ತನ್ನನ್ನು ಮಿನಿ ಆ್ಯಕ್ಷನ್​ನಲ್ಲಿ ಆರ್​ಸಿಬಿ ಆಯ್ಕೆ ಮಾಡಿಕೊಂಡಿದ್ದನ್ನು ನೆನೆದು ಭಾವುಕರಾಗಿದ್ದಾರೆ. 33 ವರ್ಷದ ಎಡಗೈ ಸ್ಪಿನ್ನರ್​ ಆದ ಸ್ವಪ್ನಿಲ್ ತಂಡದಲ್ಲಿ ಅವಕಾಶ ಗಿಟ್ಟಿಸಿಕೊಂಡಿದ್ದೇ ರೋಚಕವಂತೆ. "ಐಪಿಎಲ್ ಆಕ್ಷನ್​ ವೇಳೆ ನಾನು ರಣಜಿ ಪಂದ್ಯಕ್ಕಾಗಿ ಡೆಹ್ರಾಡೂನ್​ಗೆ ಪ್ರಯಾಣಿಸುತ್ತಿದ್ದೆ. ಆಗ ಸಮಯ ಸಂಜೆ ಸುಮಾರು 7 ಅಥವಾ 8 ಗಂಟೆ ಇರಬಹುದು. ಐಪಿಎಲ್​ನ ಅಂತಿಮ ಆಕ್ಷನ್​ ಪ್ರಕ್ರಿಯೆ ನಡೆಯುತ್ತಿತ್ತು" ಎಂದರು.

ಇದನ್ನೂ ಓದಿ: ದೇವೇಗೌಡರ ಮೇಲೆ ಅಭಿಮಾನ ಇದ್ದರೆ 48 ಗಂಟೆಯೊಳಗೆ ಶರಣಾಗು: ಎಚ್.ಡಿ. ಕುಮಾರಸ್ವಾಮಿ

"ಆಗ ನಿರೀಕ್ಷಿಸಿದ್ದು ಏನೇನೂ ಆಗಲಿಲ್ಲ. ಅಂದೇ ನಿರ್ಧರಿಸಿದೆ, ನಾನು ಸುಮ್ಮನೆ ರಣಜಿ ಆಡುವುದು ಒಳ್ಳೆಯದು. ಜೀವನದಲ್ಲಿ ಯಶಸ್ಸು ಸಾಧಿಸಲು ಹಲವಾರು ಮಾರ್ಗಗಳಿವೆ, ಅದರಲ್ಲಿ ಯಾವುದಾದರೂ ಒಂದನ್ನು ಮಾಡೋಣ ಎಂದು ಚಿಂತಿಸಿದ್ದೆ. ಆ ಸಮಯದಲ್ಲಿ ಬಹಳ ಕುಸಿದಿದ್ದೆ. ಆದರೆ, ಯಾವಾಗ ನನಗೆ ಆರ್​ಸಿಬಿ ತಂಡದಲ್ಲಿ ಸ್ಥಾನ ಸಿಕ್ಕಿದೆ ಎಂದು ತಿಳಿಯಿತೋ, ಆ ಕೂಡಲೇ ನಾನು ಮತ್ತು ಕುಟುಂಬದವರು ಭಾವುಕರಾದೆವು. ಎಷ್ಟೋ ಜನಕ್ಕೆ ಗೊತ್ತಿಲ್ಲ ನನಗಿದು ನಿಜಕ್ಕೂ ಭಾವುಕ ಪಯಣ ಎಂಬುದು" ಎಂದು ವಿಡಿಯೋ ಸಂದರ್ಶನದಲ್ಲಿ ಹೇಳಿಕೊಂಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/nita-ambani-talks-to-mumbai-indians-team-in-dressing-room

https://www.vijayavani.net/ruturaj-gaikwad-feels-sad-after-losing-to-rcb