ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಅವಮಾನ! ಮೊದಲು ಈ ದಡೂತಿ ದೇಹ ಇಳಿಸು… ಆಜಂ ಖಾನ್ ವಿರುದ್ಧ ನೆಟ್ಟಿಗರು ಕಿಡಿ

ಲಂಡನ್​​​: ನಿನ್ನೆ (ಮೇ.30) ಕೆನ್ನಿಂಗ್ಟನ್ ಓವಲ್‌ನಲ್ಲಿ ನಡೆದ ಇಂಗ್ಲೆಂಡ್ ಮತ್ತು ಪಾಕಿಸ್ತಾನ ವಿರುದ್ಧದ 4ನೇ T20I ಪಂದ್ಯದಲ್ಲಿ ಪಾಕ್ ಪರ ವಿಕೆಟ್ ಕೀಪರ್ ಆಗಿ ಮೈದಾನಕ್ಕಿಳಿದಿದ್ದ ಆಜಂ ಖಾನ್, ವಿಲ್​​ ಜ್ಯಾಕ್ಸ್​ ಕೊಟ್ಟ ಕೀಪರ್ ಕ್ಯಾಚ್ ಹಿಡಿಯುವಲ್ಲಿ ಮುಗ್ಗರಿಸಿದರು. ಇದು ಕ್ರಿಕೆಟ್ ಅಭಿಮಾನಿಗಳನ್ನು ಕೆರಳಿಸಿದ್ದು, ಹಿಗ್ಗಾಮುಗ್ಗಾ ಟ್ರೋಲ್ ಮಾಡಿ, ಟೀಕಿಸುವಂತೆ ಮಾಡಿದೆ.

ಇದನ್ನೂ ಓದಿ: ಈ 6 ಸ್ಟಾರ್​ ಆಟಗಾರರು ಟಿ20 ವಿಶ್ವಕಪ್​ನಲ್ಲಿ ಡಬಲ್ ಸೆಂಚುರಿ ಸಿಡಿಸುವ ನಿರೀಕ್ಷೆಯಿದೆ!

ಪಾಕಿಸ್ತಾನ ತಂಡದಲ್ಲಿ ಕೀಪರ್​-ಬ್ಯಾಟ್ಸ್​ಮನ್​ ಆಗಿರುವ ಆಜಂ ಖಾನ್, ನಿನ್ನೆಯ ಪಂದ್ಯದಲ್ಲಿ ಕ್ರೀಸ್​ನಲ್ಲಿ ಇಂಗ್ಲೆಂಡ್ ಪರ ಆಕರ್ಷಕ ಬ್ಯಾಟಿಂಗ್ ಕೊಡುಗೆ ನೀಡಲು ನಿಂತಿದ್ದ ವಿಲ್​ ಜ್ಯಾಕ್ಸ್​ ವಿಕೆಟ್ ತೆಗೆಯಲು ಹ್ಯಾರಿಸ್ ರೌಫ್‌ ಹರಸಾಹಸ ಪಡುತ್ತಿದ್ದರು. ಈ ವೇಳೆ ಉತ್ತಮ ಬೌಲಿಂಗ್ ದಾಳಿ ಮಾಡಿದ ರೌಫ್​, ಕೀಪಿಂಗ್​ನಲ್ಲಿ ನಿಂತಿದ್ದ ಆಜಂಗೆ ಕ್ಯಾಚ್ ಹಿಡಿಯುವಂತೆ ಕಿರುಚಿದರು. ಆದ್ರೆ, ಕ್ಯಾಚ್ ಹಿಡಿಯುವಲ್ಲಿ ಖಾನ್​ ವಿಫಲರಾಗಿದ್ದನ್ನು ಕಂಡು ರೌಫ್ ಮತ್ತು ತಂಡದ ಸಹ ಆಟಗಾರರು ಭಾರೀ ಅಸಮಾಧಾನ ಹೊರಹಾಕಿದರು.

ವಿಲ್ ಜಾಕ್ಸ್‌ ಅವರ ನೇರ ಕ್ಯಾಚ್ ಕೈಬಿಟ್ಟ ಆಜಂ ಖಾನ್​ರನ್ನು ಟೀಕಿಸಿದ ಕ್ರಿಕೆಟ್ ಅಭಿಮಾನಿಗಳು, ಇದು ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಅವಮಾನ. ತಂಡಕ್ಕೆ ಭಾರೀ ಮುಖಭಂಗ ಉಂಟುಮಾಡಿದ ನೀನು, ಮೊದಲು ದಡೂತಿ ದೇಹವನ್ನು ಇಳಿಸುವತ್ತ ಹೆಚ್ಚು ಶ್ರಮಿಸು. ಕ್ರಿಕೆಟ್​ ಅಥವಾ ಯಾವುದೇ ಕ್ರೀಡೆಯಾಗಲಿ ಉತ್ತಮ ಫಿಟ್ನೆಸ್​ ಅತೀ ಮುಖ್ಯ. ಫಿಟ್​​ನೆಸ್​ ಕಾಪಾಡಿಕೊಳ್ಳುವುದು ಕೂಡ ಅಷ್ಟೇ ಮುಖ್ಯ. ಅಂತದ್ದರಲ್ಲಿ ನೀವ್ಯಾಕೆ ಹಿಂಗೆ? ಎಂದು ನೆಟ್ಟಿಗರು ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಟೀಕಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/gautam-gambhir-speaks-about-three-trophies/

https://www.vijayavani.net/sunil-gavaskar-suggests-dhoni-not-to-do-this