ಎನ್ಎಚ್ಎಸ್ನ ಐಸಿಯುವಿನಲ್ಲಿ ಕಾರ್ಯನಿರ್ವಹಿಸುತ್ತಿರುವ ಡಾ.ವಿಕಾಸ್ ಕುಮಾರ್ ಶಾಲಾದಿನಗಳಿಂದಲೂ ಉತ್ತಮ ಕ್ರಿಕೆಟಿಗನಾಗಬೇಕು ಎಂದು ಕನಸು ಕಂಡಿದ್ದರು. ಮೂಲತಃ ದೆಹಲಿಯವರಾದ ವಿಕಾಸ್ ಕುಮಾರ್, 3 ವರ್ಷಗಳ ಹಿಂದೆ ದೆಹಲಿಯಲ್ಲಿ ನಡೆದ ಭಾರತ-ಶ್ರೀಲಂಕಾ ನಡುವಿನ ಟೆಸ್ಟ್ ಪಂದ್ಯಕ್ಕೆ ವೈದ್ಯಕೀಯ ಸಿಬ್ಬಂದಿಯಾಗಿ ಕಾರ್ಯನಿರ್ವಹಿಸಿದ್ದರು. ಅನಾಸ್ತೇಷಿಯಾ ತಜ್ಞರಾಗಿರುವ ವಿಕಾಸ್ ಪತ್ನಿ ಹಾಗೂ 2 ವರ್ಷದ ಮಗನೊಂದಿಗೆ ಇಂಗ್ಲೆಂಡ್ನಲ್ಲಿ ನೆಲೆಸಿದ್ದಾರೆ. ಕರೊನಾ ವಿರುದ್ಧ ಹೋರಾಡುತ್ತಿರುವ ವೈದ್ಯಕೀಯ ಸಿಬ್ಬಂದಿಗಾಗಿ ಇಂಗ್ಲೆಂಡ್ನ ಕ್ರಿಕೆಟ್ ಕ್ಲಬ್ಗಳು ರೈಸ್ ದ ಬ್ಯಾಟ್ ಕ್ಯಾಂಪೇನ್ ಆರಂಭಿಸಿದ್ದಾರೆ. ಇದರ ಅಂಗವಾಗಿ ಪ್ರತಿಯೊಬ್ಬರ ಕ್ರಿಕೆಟಿಗರು ಅಭ್ಯಾಸದ ಜೆರ್ಸಿಯಲ್ಲಿ ಕೆಲ ವೈದ್ಯಕೀಯ ಸಿಬ್ಬಂದಿ ಹೆಸರು ಬರೆಸಿಕೊಂಡಿದ್ದಾರೆ. 2019ರ ಏಕದಿನ ವಿಶ್ವಕಪ್ನ ಸ್ಟಾರ್ ಆಟಗಾರ, ಸೌಥಾಂಪ್ಟನ್ನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡ ಮುನ್ನಡೆಸುತ್ತಿರುವ ಸ್ಟೋಕ್ಸ್ ವಿಕಾಸ್ ಹೆಸರು ಬರೆಸಿಕೊಂಡಿದ್ದಾರೆ.
