VIDEO | ಧೋನಿ ಕ್ರಿಕೆಟ್​ ಆಡದೆ ಭರ್ತಿ ಒಂದು ವರ್ಷ, ಕೊನೆಯ ಇನಿಂಗ್ಸ್​ ಹೇಗಿತ್ತು ಗೊತ್ತೇ?

ಬೆಂಗಳೂರು: ಐಪಿಎಲ್​ ಅನಿದಿರ್ಷ್ಟಾವಧಿಗೆ ಮುಂದೂಡಿಕೆಯಾಗಿರುವುದರಿಂದ ಟೀಮ್​ ಇಂಡಿಯಾ ಮಾಜಿ ನಾಯಕ ಎಂಎಸ್​ ಧೋನಿ ಮರಳಿ ಕಣಕ್ಕಿಳಿಯುವುದನ್ನು ನೋಡಲು ಅಭಿಮಾನಿಗಳು ಅನಿದಿರ್ಷ್ಟಾವಧಿಯವರೆಗೆ ಕಾಯಬೇಕಾಗಿದೆ. ಈ ನಡುವೆ ಧೋನಿ ಬ್ಯಾಟ್​ ಹಿಡಿಯದೆ ಒಂದು ವರ್ಷವೇ ಕಳೆದುಹೋಗಿದೆ. ಶುಕ್ರವಾರಕ್ಕೆ ಭರ್ತಿ ಒಂದು ವರ್ಷದ ಹಿಂದೆ ಧೋನಿ ಕೊನೆಯ ಬಾರಿ ವಿಕೆಟ್​ ಕೀಪಿಂಗ್​ ಗ್ಲೌಸ್​ ತೊಟ್ಟಿದ್ದರು ಮತ್ತು ಬ್ಯಾಟ್​ ಹಿಡಿದಿದ್ದರು. ಅದು 2019ರ ಏಕದಿನ ವಿಶ್ವಕಪ್​ ಸೆಮಿಫೈನಲ್​ ಪಂದ್ಯದಲ್ಲಿ ನ್ಯೂಜಿಲೆಂಡ್​ ವಿರುದ್ಧ ಭಾರತೀಯ ಕ್ರಿಕೆಟ್​ ಪ್ರೇಮಿಗಳ ಹೃದಯ ಭಗ್ನವಾದ ದಿನವೂ ಆಗಿತ್ತು.

ಕಳೆದ ವರ್ಷದ ಏಕದಿನ ವಿಶ್ವಕಪ್​ ಸೆಮಿಫೈನಲ್​ ಪಂದ್ಯ ಧೋನಿ ಮತ್ತು ಭಾರತದ ಅಭಿಮಾನಿಗಳಿಗೆ ಕೆಟ್ಟ ದಿನವಾಗಿತ್ತು. ಜುಲೈ 9ರಂದು ಆರಂಭಗೊಂಡ ಪಂದ್ಯ ಮಳೆಯಿಂದಾಗಿ ಮುಂದೂಡಲ್ಪಟ್ಟು ಜುಲೈ 10ರಂದು ಕೊನೆಗೊಂಡಿತ್ತು. ಮೊದಲ ದಿನ ನ್ಯೂಜಿಲೆಂಡ್​ ತಂಡ 46.1 ಓವರ್​ಗಳಲ್ಲಿ 5 ವಿಕೆಟ್​ಗೆ 209 ರನ್​ ಗಳಿಸಿದ್ದಾಗ ಮಳೆಯಿಂದಾಗಿ ಪಂದ್ಯ ಸ್ಥಗಿತಗೊಂಡಿತ್ತು ಮತ್ತು ಆ ದಿನ ಮತ್ತೆ ಆಟ ಮುಂದುವರಿಸುವುದು ಸಾಧ್ಯವಾಗಿರಲಿಲ್ಲ. ಐಸಿಸಿ ನಿಯಮದ ಅನ್ವಯ ಆಗ ಪಂದ್ಯವನ್ನು ಮರುದಿನಕ್ಕೆ ಮುಂದೂಡಲಾಗಿತ್ತು. ಇನಿಂಗ್ಸ್​ ಮುಂದುವರಿಸಿದ್ದ ನ್ಯೂಜಿಲೆಂಡ್​ ತಂಡ, ರಾಸ್​ ಟೇಲರ್​ ಬಿರುಸಿನ ಆಟದಿಂದ 50 ಓವರ್​ಗಳಲ್ಲಿ 8 ವಿಕೆಟ್​ಗೆ 239 ರನ್​ ಕೂಡಿಹಾಕಿತ್ತು.

ಇದನ್ನೂ ಓದಿ: PHOTOS | ಸುನೀಲ್​ ಗಾವಸ್ಕರ್​ ಬರ್ತ್​​ಡೇಗೆ ಕ್ರಿಕೆಟ್​ ಜಗತ್ತಿನಿಂದ ಶುಭಾಶಯಗಳ ಸುರಿಮಳೆ

ಸಾಧಾರಣ ಮೊತ್ತದ ಚೇಸಿಂಗ್​ ಆರಂಭಿಸಿದ ಭಾರತ ತಂಡ ದೊಡ್ಡ ಆಘಾತವನ್ನೇ ಎದುರಿಸಿತ್ತು. ಆರಂಭಿಕರಾದ ಕೆಎಲ್​ ರಾಹುಲ್​, ರೋಹಿತ್​ ಶರ್ಮ ಜತೆಗೆ ನಾಯಕ ವಿರಾಟ್​ ಕೊಹ್ಲಿ ತಲಾ 1 ರನ್​ ಗಳಿಸಿ ತಂಡದ ಮೊತ್ತ 5 ರನ್​ ಆಗುವಷ್ಟರಲ್ಲೇ ಪೆವಿಲಿಯನ್​ಗೆ ಮರಳಿದ್ದರು. ಬಳಿಕ ರಿಷಭ್​ (32) ಮತ್ತು ಹಾದಿರ್ಕ್​ ಪಾಂಡ್ಯ (32) ತಂಡಕ್ಕೆ ತುಸು ಚೇತರಿಕೆ ನೀಡಿದರು. ಆದರೂ ಮೂರಂಕಿ ಮೊತ್ತ ತಲುಪುವ ಮೊದಲೇ ಭಾರತ ತಂಡ 6 ವಿಕೆಟ್​ ಕಳೆದುಕೊಂಡು ಸೋಲಿನ ಅಂಚಿಗೆ ತಲುಪಿತ್ತು. ಆಗ ತಂಡಕ್ಕೆ ಮತ್ತೆ ಗೆಲುವಿನ ಆಸೆ ತುಂಬಿದವರೇ ಧೋನಿ ಮತ್ತು ರವೀಂದ್ರ ಜಡೇಜಾ. ಇವರಿಬ್ಬರು 7ನೇ ವಿಕೆಟ್​ಗೆ 116 ರನ್​ ಕೂಡಿ ಹಾಕಿ ತಂಡವನ್ನು ಮತ್ತೆ ಗೆಲುವಿಗೆ ಹಾದಿಗೆ ತಂದರು.

ಎಂದಿಗಿಂತ ಭಿನ್ನವಾಗಿ ಬಿರುಸಿನ ಬ್ಯಾಟಿಂಗ್​ ಮೂಲಕ ರವೀಂದ್ರ ಜಡೇಜಾ (77 ರನ್​, 59 ಎಸೆತ, 4 ಬೌಂಡರಿ, 4 ಸಿಕ್ಸರ್​) ಗಮನ ಸೆಳೆದರು. ಆದರೆ ಗೆಲುವಿನಿಂದ 32 ರನ್​ ದೂರವಿದ್ದಾಗ ಅವರು ಔಟಾದರು. ಆದರೆ ಧೋನಿ ಇನ್ನೂ ಕ್ರೀಸ್​ನಲ್ಲಿದ್ದ ಕಾರಣ ಭಾರತೀಯರಿಗೆ ಗೆಲುವಿನ ಆಸೆ ಉಳಿದಿತ್ತು. ಆಗಲೇ ಭಾರತೀಯ ಕ್ರಿಕೆಟ್​ ಪ್ರೇಮಿಗಳ ಹೃದಯ ಭಗ್ನಗೊಳ್ಳುವಂಥ ಎಡವಟ್ಟು ನಡೆದುಹೋಯಿತು. 72 ಎಸೆತಗಳಲ್ಲಿ ತಲಾ ಒಂದು ಬೌಂಡರಿ, ಸಿಕ್ಸರ್​ ಒಳಗೊಂಡ 50 ರನ್​ ಗಳಿಸಿದ್ದ ಧೋನಿ ರನೌಟ್​ ಬಲೆಗೆ ಬಿದ್ದರು. ಮಾಟಿರ್ನ್​ ಗುಪ್ಟಿಲ್​ರ ಡೈರೆಕ್ಟ್​ ಹಿಟ್​ನಿಂದಾಗಿ ಧೋನಿ ಕ್ರೀಸ್​ನಿಂದ ಕೇವಲ 2 ಇಂಚಿನಷ್ಟು ಹಿಂದುಳಿದುಬಿಟ್ಟರು. ಆಗ ಭಾರತಕ್ಕೆ 9 ಎಸೆತಗಳಲ್ಲಿ 24 ರನ್​ ಗಳಿಸುವ ಕಠಿಣ ಸವಾಲು ಎದುರಾಯಿತು. ಕೊನೆಗೆ ಭಾರತ 49.3 ಓವರ್​ಗಳಲ್ಲಿ 221 ರನ್​ಗೆ ಸರ್ವಪತನ ಕಂಡು 18 ರನ್​ಗಳಿಂದ ಸೋಲೊಪ್ಪಿಕೊಂಡಿತು ಮತ್ತು ವಿಶ್ವಕಪ್​ನಲ್ಲಿ ಸತತ 2ನೇ ಬಾರಿ ಸೆಮಿಫೈನಲ್​ನಲ್ಲೇ ನಿರಾಸೆ ಅನುಭವಿಸಿತು. ನ್ಯೂಜಿಲೆಂಡ್​ ಸತತ 2ನೇ ಬಾರಿ ವಿಶ್ವಕಪ್ ಫೈನಲ್​ಗೇರಿತು.

ಇದನ್ನೂ ಓದಿ: 71ನೇ ಜನ್ಮದಿನಕ್ಕೆ ‘ಹೃದಯ’ ಗೆದ್ದ ಸುನೀಲ್​ ಗಾವಸ್ಕರ್ ವಿಶೇಷ​ ಸೇವೆ!

ಧೋನಿ ಆ ರನೌಟ್​ ಬಳಿಕ ಎಂದೂ ಮರಳಿ ಮೈದಾನಕ್ಕೆ ಇಳಿದೇ ಇಲ್ಲ. ಗ್ಯುರ್ಸನ್​ ಎಸೆತದಲ್ಲಿ ಬಾಲಂಗೋಚಿ ಭುವನೇಶ್ವರ್​ ಕುಮಾರ್​ಗೆ ಸ್ಟ್ರೆ$ಕ್​ ಬಿಟ್ಟುಕೊಡುವುದನ್ನು ತಪ್ಪಿಸುವ ಸಲುವಾಗಿ ಧೋನಿ 2ನೇ ರನ್​ ಕಸಿದುಕೊಳ್ಳಲು ಪ್ರಯತ್ನಿಸಿದ್ದರು. ವಿಕೆಟ್​ ನಡುವಿನ ಓಟದಲ್ಲಿ ಧೋನಿ ಪ್ರಗತಿ ಹೊಂದಿದ್ದರೂ, ಗುಪ್ಟಿಲ್​ ಅವರ ಚುರುಕಿನ ಫೀಲ್ಡಿಂಗ್​ ಮತ್ತು ಡೈರೆಕ್ಟ್​ ಹಿಟ್​ ಧೋನಿ ಅವರ ಲೆಕ್ಕಾಚಾರವನ್ನು ತಲೆಕೆಳಗೆ ಮಾಡಿತ್ತು. 2004ರಲ್ಲಿ ಆಡಿದ ಚೊಚ್ಚಲ ಅಂತಾರಾಷ್ಟ್ರೀಯ ಪಂದ್ಯದಲ್ಲೂ ರನೌಟ್​ ಬಲೆಗೆ ಬಿದ್ದಿದ್ದ ಧೋನಿ 2019ರ ಐಪಿಎಲ್ ಫೈನಲ್​ ಪಂದ್ಯದಲ್ಲೂ ಮುಂಬೈ ಇಂಡಿಯನ್ಸ್​ ವಿರುದ್ಧ ರನೌಟ್​ ಬಲೆಗೆ ಬಿದ್ದ ಕಾರಣ ಚೆನ್ನೆ$ ಸೂಪರ್​ ಕಿಂಗ್ಸ್​ ತಂಡದ 1 ರನ್​ ಸೋಲನ್ನು ಕಂಡಿದ್ದರು. ಹೀಗೆ ಧೋನಿ ಬದುಕಿನಲ್ಲಿ ರನೌಟ್​ ಕಾಡುತ್ತಲೇ ಬಂದಿದ್ದು, ಐಪಿಎಲ್​ ಮುಂದೂಡಿಕೆಯಿಂದಾಗಿ ಅವರ ಕ್ರಿಕೆಟ್​ ಭವಿಷ್ಯವೂ ಈಗ ಅತಂತ್ರ ಸ್ಥಿತಿಯಲ್ಲಿ ನಿಲ್ಲುವಂತಾಗಿದೆ.