ನವದೆಹಲಿ: ಮೊಹಾಲಿ ನಡೆದ ಪಂದ್ಯವೊಂದನ್ನು ಶ್ರೀಲಂಕಾದಲ್ಲಿನ ಉವಾ ಟಿ20 ಲೀಗ್ ಪಂದ್ಯದಂತೆ ಆನ್ಲೈನ್ನಲ್ಲಿ ನೇರಪ್ರಸಾರ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ), ಜನಪ್ರಿಯ ಮೊಬೈಲ್ ಫ್ಯಾಂಟಸಿ ಸ್ಪೋರ್ಟ್ಸ್ ಆ್ಯಪ್ ಡ್ರೀಮ್ ಇಲೆವೆನ್ ವಿರುದ್ಧ ದೂರು ನೀಡಿದೆ. ನಕಲಿ ಟಿ20 ಲೀಗ್ ಪ್ರಕರಣದಲ್ಲಿ ಡ್ರೀಮ್ ಇಲೆವೆನ್ ಯಾವ ರೀತಿಯ ಸಂಬಂಧ ಹೊಂದಿದೆ ಎಂದು ತನಿಖೆ ನಡೆಸುವಂತೆ ಬಿಸಿಸಿಐ, ಪಂಜಾಬ್ ಪೊಲೀಸರಿಗೆ ಮನವಿ ಸಲ್ಲಿಸಿದೆ. ಬಿಸಿಸಿಐ ಪ್ರಮುಖ ಪ್ರಾಯೋಜಕ ಕಂಪನಿಗಳಲ್ಲಿ ಡ್ರೀಮ್ ಇಲೆವೆನ್ ಕೂಡ ಒಂದಾಗಿರುವ ನಡುವೆಯೂ ಅದರ ವಿರುದ್ಧ ದೂರು ಸಲ್ಲಿಸಿರುವುದು ಅಚ್ಚರಿ ಸೃಷ್ಟಿಸಿದೆ.
