ಮುಂಬೈ: ಭಾರತೀಯ ಕ್ರಿಕೆಟ್ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ನಾಯಕರಲ್ಲಿ ಒಬ್ಬರು ಎಂಎಸ್ ಧೋನಿ. ಎರಡು ವಿಶ್ವಕಪ್ (ತಲಾ ಒಂದು ಟಿ20, ಏಕದಿನ) ಟ್ರೋಫಿ ಜಯಿಸಿರುವ ಭಾರತದ ಏಕೈಕ ನಾಯಕನಾಗಿರುವ ಧೋನಿ, ಬೆಸ್ಟ್ ಫಿನಿಷರ್ ಎನಿಸಿಕೊಂಡಿದ್ದರು. ಮಧ್ಯಮ ಕ್ರಮಾಂಕದಲ್ಲಿ ತಂಡದ ಪಾಲಿಗೆ ಆಪತ್ಪಾಂಧವ ಎನ್ನುವುದರಲ್ಲಿ ಅನುಮಾನವಿಲ್ಲ. ಆದರೆ, ಮೂರನೇ ಕ್ರಮಾಂಕದಲ್ಲಿ ಧೋನಿ ಬ್ಯಾಟಿಂಗ್ ಮಾಡಿದ್ದರೆ ಮತ್ತಷ್ಟು ದಾಖಲೆ ನಿರ್ಮಿಸುತ್ತಿದ್ದರು ಎನ್ನುತ್ತಾರೆ ಧೋನಿ ಸಹಪಾಠಿ ಬಿಜೆಪಿ ಸಂಸದರೂ ಆಗಿರುವ ಗೌತಮ್ ಗಂಭೀರ್. ಆದರೆ, ರಾಷ್ಟ್ರೀಯ ತಂಡದ ಹಾಲಿ ನಾಯಕ ವಿರಾಟ್ ಕೊಹ್ಲಿ ಹಾಗೂ ಎಂಎಸ್ ಧೋನಿ ನಡುವೆ ಹೋಲಿಕೆ ಮಾಡಲಾಗುವುದಿಲ್ಲ ಎಂದಿದ್ದಾರೆ.
