ಮತ್ತೊಂದು ದಾಖಲೆ ಬರೆದ ಧೋನಿ! ನಿಮಗೆ ಸರಿಸಾಟಿ ಯಾರು? ಜಗಮೆಚ್ಚಿದ ಕ್ಯಾಪ್ಟನ್​ಗೆ ಫ್ಯಾನ್ಸ್ ಫಿದಾ

ಚೆನ್ನೈ: ಕ್ರಿಕೆಟ್ ಲೋಕದ ಮಾಂತ್ರಿಕ, ದಿಗ್ಗಜ, ಜಗತ್ತು ಕಂಡ ಶ್ರೇಷ್ಠ ನಾಯಕ ಎಂ.ಎಸ್​. ಧೋನಿ ಇದೀಗ ಐಪಿಎಲ್​ನ 17ನೇ ಆವೃತ್ತಿಯಲ್ಲಿ ತಮ್ಮ ತಂಡ ಚೆನ್ನೈ ಸೂಪರ್​ ಕಿಂಗ್ಸ್​ ಪರವಾಗಿ ಆಡುತ್ತಿದ್ದು, ನಾಯಕನ ಸ್ಥಾನವನ್ನು ರುತುರಾಜ್ ಗಾಯಕ್ವಾಡ್​ಗೆ ಕೊಟ್ಟು, ಎಲ್ಲರಂತೆ ನಾನು ಕೂಡ ತಂಡದ ಒಬ್ಬ ಸದಸ್ಯನಷ್ಟೇ ಎಂದು ಸರಳತೆ ಮೆರೆಯುತ್ತಿರುವ ಧೋನಿ, ಇದೀಗ ಐಪಿಎಲ್ ಇತಿಹಾಸದಲ್ಲಿ ಹೊಸ ದಾಖಲೆಯೊಂದನ್ನು ಬರೆದಿದ್ದಾರೆ. ಈ ಮೂಲಕ ದಾಖಲೆಗಳ ಸರದಾರ ಎಂಬುದನ್ನು ಮತ್ತೊಮ್ಮೆ ಸಾಬೀತುಪಡಿಸಿದ್ದಾರೆ.

ಇದನ್ನೂ ಓದಿ: ಭಾರತ ಮಾತೆಯ ಮುಖದಲ್ಲಿ ಮಂದಹಾಸ ಮೂಡಿಸಿದ ಮೋದಿ, ಚಿಂತಕ ಚಕ್ರವರ್ತಿ ಸೂಲಿಬೆಲೆ

ನಿನ್ನೆ (ಏ.28) ಚೆನ್ನೈನ ಎಂ.ಎ. ಚಿದಂಬರಂ ಕ್ರೀಡಾಂಗಣದಲ್ಲಿ ನಡೆದ ಸನ್​ರೈಸರ್ಸ್​ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ಎಸ್​ಆರ್​ಎಚ್​ ವಿರುದ್ಧ 78 ರನ್​ಗಳ ಅಂತರದಿಂದ ಸಿಎಸ್​ಕೆ ಭರ್ಜರಿ ಜಯ ಸಾಧಿಸಿತು. ಬಹಳ ರೋಚಕವಾಗಿ ಮೂಡಿಬಂದ ಈ ಮ್ಯಾಚ್​ನಲ್ಲಿ, ಚೆನ್ನೈ ತಂಡದ ಬೌಲಿಂಗ್ ದಾಳಿಗೆ ಸನ್​ರೈಸರ್ಸ್​ ಸಂಪೂರ್ಣ ತತ್ತರಿಸಿ ಹೋಯಿತು. ಭಾರೀ ಅಂತರದಿಂದ ಗೆಲುವು ದಾಖಲಿಸಿದ ಸಿಎಸ್​ಕೆ ಅಂಕಪಟ್ಟಿಯಲ್ಲಿ 6ನೇ ಸ್ಥಾನದಿಂದ ನೇರವಾಗಿ ಮೂರನೇ ಸ್ಥಾನಕ್ಕೆ ಜಿಗಿದಿದೆ. ಇದು ತಂಡಕ್ಕೆ ಮತ್ತಷ್ಟು ಬಲ ತುಂಬಿದೆ.

ಇನ್ನು ಈ ಪಂದ್ಯದಲ್ಲಿನ ಗೆಲುವು ಎಂ.ಎಸ್​. ಧೋನಿ ಅವರ 150ನೇ ಜಯವಾಗಿದ್ದು, ಒಂದೇ ಫ್ರಾಂಚೈಸಿಯಡಿ ಆಡಿದ ಪಂದ್ಯಗಳಲ್ಲಿ ಸಾಧಿಸಿದ 150ನೇ ವಿಕ್ಟರಿ ಇದಾಗಿದೆ. ಈ ಮೂಲಕ ಐಪಿಎಲ್ ಇತಿಹಾಸದಲ್ಲೇ ಹೊಸ ದಾಖಲೆ ಬರೆದ ಕ್ಯಾಪ್ಟನ್ ಕೂಲ್, ಟಿ-20 ಟೂರ್ನಿಯಲ್ಲಿ ಈ ವಿನೂತನ ರೆಕಾರ್ಡ್​ ಸೆಟ್​ ಮಾಡಿದ ಮೊದಲ ಆಟಗಾರ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಈ ಸಂಗತಿ ತಿಳಿಯುತ್ತಿದ್ದಂತೆ ಸಾಮಾಜಿಕ ಜಾಲತಾಣಗಳಲ್ಲಿ ಅಭಿಮಾನಿಗಳು ಅತೀವ ಸಂತಸ ವ್ಯಕ್ತಪಡಿಸಿದ್ದು, ಧೋನಿಗೆ ಅಭಿನಂದನೆಗಳ ಮಹಾಪೂರವನ್ನೇ ಹರಿಸಿದ್ದಾರೆ.

ಇದನ್ನೂ ಓದಿ: IPL 2024: ಈಡನ್​ನಲ್ಲಿ ಇಂದು ನೈಟ್​ರೈಡರ್ಸ್-ಕ್ಯಾಪಿಟಲ್ಸ್​ ಮರುಮುಖಾಮುಖಿ

2008ರಲ್ಲಿ ಪ್ರಾರಂಭವಾದ ಐಪಿಎಲ್​ ಲೀಗ್​ನಿಂದ ಇಲ್ಲಿಯವರೆಗೆ 259 ಪಂದ್ಯಗಳನ್ನು ಆಡಿರುವ ಎಂ.ಎಸ್​. ಧೋನಿ, ಐದು ಬಾರಿ ತಮ್ಮ ತಂಡಕ್ಕೆ ಟ್ರೋಫಿ ಗೆಲ್ಲಿಸಿಕೊಟ್ಟ ಯಶಸ್ವಿ ಕ್ಯಾಪ್ಟನ್ ಎಂಬ ಪಟ್ಟ ಸ್ವೀಕರಿಸಿದ್ದು, ಇದೇ ಮೊದಲ ಸೀಸನ್​ನಲ್ಲಿ ನಾಯಕನ ಸ್ಥಾನದಿಂದ ಸಂಪೂರ್ಣವಾಗಿ ದೂರ ಉಳಿದಿರುವ 'ಮಿಸ್ಟರ್​ ಕೂಲ್', ತಂಡದ ಆರಂಭಿಕ ಆಟಗಾರ ರುತುರಾಜ್ ಗಾಯಕ್ವಾಡ್​ಗೆ ನಾಯಕನ ಸ್ಥಾನವನ್ನು ಹಸ್ತಾಂತರಿಸಿದರು,(ಏಜೆನ್ಸೀಸ್).

https://www.vijayavani.net/bride-refuses-to-marry-groom-on-her-wedding-day

https://www.vijayavani.net/no-one-has-right-to-interfere-between-two-people-lives