ಇವರ ಬೌಲಿಂಗ್​ನಲ್ಲಿ ಬ್ಯಾಟ್​ ಮಾಡೋದು ಅಷ್ಟು ಸುಲಭವಲ್ಲ; ಅಭಿಷೇಕ್ ಶರ್ಮಾ ಹೆಸರಿಸಿದ ಸ್ಟಾರ್ ಬೌಲರ್ ಯಾರು?

ಮುಂಬೈ: ಪ್ರಸಕ್ತ ಐಪಿಎಲ್​ ಸೀಸನ್​ನಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿರುವ ಸನ್​ರೈಸರ್ಸ್​ ಹೈದರಾಬಾದ್ ತಂಡವು ಇದೀಗ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನ ಗಳಿಸಿದ್ದು, ಇಂದು (ಮೇ.21) ನಡೆಯುವ ಕ್ವಾಲಿಫೈರ್ 1ರಲ್ಲಿ ಕೆಕೆಆರ್​ ವಿರುದ್ಧ ಫೈನಲ್ ಪ್ರವೇಶಕ್ಕಾಗಿ ಭಾರೀ ಪೈಪೋಟಿ ನಡೆಸಲಿದೆ. ಸದ್ಯ ಈ ವಿಷಯವು ಎಸ್​ಆರ್​ಎಚ್ ಅಭಿಮಾನಿಗಳಿಗೆ ಭಾರೀ ಸಂಸತ ನೀಡಿದ್ದು, ತಮ್ಮ ನೆಚ್ಚಿನ ತಂಡ ಪ್ಲೇಆಫ್ ಗೆದ್ದು ಬರಲಿ ಎಂದು ಆಶಿಸಿದ್ದಾರೆ.

ಇದನ್ನೂ ಓದಿ: ಕನ್ನಡಿಯಲ್ಲಿ ತನ್ನ ಮುಖವನ್ನೇ ನೋಡಿಕೊಂಡು ನಾಚಿದ ಕೋತಿ; ವಿಡಿಯೋ ನೋಡಿ

ಇನ್ನು ಈ ಸೀಸನ್​ನಲ್ಲಿ ಟ್ರಾವಿಸ್​ ಹೆಡ್​ ಜತೆಗೆ ತಂಡದ ಪರ ಓಪನಿಂಗ್ ಬ್ಯಾಟ್ಸ್​ಮನ್ ಆಗಿ ಕಣಕ್ಕಿಳಿದ ಅಭಿಷೇಕ್ ಶರ್ಮಾ, ತಮ್ಮ ಸ್ಪೋಟಕ ಬ್ಯಾಟಿಂಗ್ ಮೂಲಕ ಎದುರಾಳಿ ತಂಡಗಳಲ್ಲಿ ನಡುಕ ಹುಟ್ಟಿಸುವಲ್ಲಿ ಯಶಸ್ವಿಯಾಗಿದ್ದು, ಇಲ್ಲಿಯವರೆಗೆ ಆಡಿದ 13 ಪಂದ್ಯಗಳಲ್ಲಿ 467 ರನ್​ ಕಲೆಹಾಕಿದ್ದಾರೆ. ಐಪಿಎಲ್​ನ 10 ಬಲಿಷ್ಠ ತಂಡಗಳ ಸ್ಟಾರ್​ ಬೌಲರ್​ಗಳನ್ನು ಎದುರಿಸಿರುವ ಶರ್ಮಾ, 17ನೇ ಆವೃತ್ತಿಯಲ್ಲಿ ನಾನು ಎದುರಿಸಿದ ಕಠಿಣ ಬೌಲರ್​ ಮುಂಬೈ ಇಂಡಿಯನ್ಸ್ ತಂಡದವರು ಎಂದಿದ್ದಾರೆ.

ತಮಗೆ ಕೇಳಲಾದ ಪ್ರಶ್ನೆಯೊಂದಕ್ಕೆ ಉತ್ತರಿಸಿದ ಅಭಿಷೇಕ್ ಮತ್ತು ಹೆನ್ರಿಚ್ ಕ್ಲಾಸೆನ್​, ಮುಂಬೈ ಇಂಡಿಯನ್ಸ್ ತಂಡದ ಸ್ಟಾರ್ ವೇಗಿ ಜಸ್ಪ್ರೀತ್ ಬುಮ್ರಾ ಅವರು ನಾವು ಕಂಡಂತಹ ಅತ್ಯಂತ ಕಠಿಣ ಬೌಲರ್. ಅವರ ಓವರ್​ನಲ್ಲಿ ಹೆಚ್ಚು ರನ್ ಗಳಿಸಲು ಬಹಳ ಕಷ್ಟವಾಗುತ್ತಿತ್ತು. ಬುಮ್ರಾ ಬೌಲಿಂಗ್ ದಾಳಿಗೆ ಬ್ಯಾಟ್ ಮಾಡುವುದು ಅಷ್ಟು ಸುಲಭವಲ್ಲ. ಖಂಡಿತ ಅದೊಂದು ರೀತಿ ಚಾಲೆಂಜ್ ಎಂದರು.

ಇದನ್ನೂ ಓದಿ: ಬೈಕ್ ಸವಾರರ ಮೇಲೆ ಕಾರು ಹತ್ತಿಸಿದ ಅಪ್ರಾಪ್ತ ಬಾಲಕನಿಗೆ ಸಿಕ್ತು 14 ಗಂಟೆಯೊಳಗೆ ಜಾಮೀನು! ವ್ಯಾಪಕ ಆಕ್ರೋಶ

ಇನ್ನು ಕ್ಲಾಸೆನ್ ಹೇಳಿಕೆಗೆ ಸಮ್ಮತಿ ಸೂಚಿಸಿದ ಅಭಿಷೇಕ್, “ಬುಮ್ರಾ ಅದ್ಭುತವಾಗಿ ಬೌಲಿಂಗ್ ಮಾಡುತ್ತಿದ್ದಾರೆ ಎಂಬುದನ್ನು ನಾನು ಸಹ ಒಪ್ಪಿಕೊಳ್ಳುತ್ತೇನೆ. ಬಾಲ್​ನ ಬೌನ್ಸ್ ಮಾಡುವುದರ ಜತೆಗೆ ಯಾರ್ಕರ್ ಕೂಡ ಮಾಡುತ್ತಾರೆ. ಇವರು ಹೇಗೆ ಬೌಲ್ ಮಾಡುತ್ತಾರೆ ಅನ್ನೋದನ್ನು ಊಹಿಸಲು ಬ್ಯಾಟ್ಸ್‌ಮನ್‌ಗೆ ಸವಾಲಿನ ಸಂಗತಿಯೇ ನಿಜ. ಆದ್ದರಿಂದ ಜಸ್ಪ್ರೀತ್ ಬುಮ್ರಾ ನನ್ನ ಆಯ್ಕೆಯೂ ಹೌದು" ಎಂದಿದ್ದಾರೆ,(ಏಜೆನ್ಸೀಸ್).

https://www.vijayavani.net/rcb-win-against-rr-is-now-much-easier

https://www.vijayavani.net/csk-management-responds-to-dhoni-ipl-retirement