ನಿವೃತ್ತಿ ಬಗ್ಗೆ ನಮಗೆ ಸ್ಪಷ್ಟನೆ ಇಲ್ಲ! ಆದ್ರೆ, ಹೋಗುವ ಮುನ್ನ ಧೋನಿ ಹೇಳಿದ್ದು ಇದೊಂದು ಮಾತು…

ಚೆನ್ನೈ: ಮೇ.18ರಂದು ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆದ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ಮತ್ತು ಚೆನ್ನೈ ಸೂಪರ್ ಕಿಂಗ್ಸ್​ ನಡುವಿನ ನಾಕೌಟ್ ಪಂದ್ಯದಲ್ಲಿ 27 ರನ್​ಗಳಿಂದ ಆರ್​ಸಿಬಿ ಭರ್ಜರಿ ಜಯ ಗಳಿಸಿ, ಅಧಿಕೃತವಾಗಿ ಪ್ಲೇಆಫ್​ಗೆ ಎಂಟ್ರಿ ಕೊಟ್ಟಿತು. ತಮ್ಮ ತಂಡವನ್ನು ಗೆಲುವಿನೆಡೆಗೆ ಕೊಂಡೊಯ್ಯಲು ಮಾಜಿ ಕ್ಯಾಪ್ಟನ್ ಮಹೇಂದ್ರ ಸಿಂಗ್ ಧೋನಿ ಪಟ್ಟ ಶ್ರಮ ಕಡೆಗೂ ಫಲಿಸಲಿಲ್ಲ. ಇದು ಸಿಎಸ್​ಕೆ ತಂಡಕ್ಕೆ ಮತ್ತು ಅಪಾರ ಸಂಖ್ಯೆಯ ಅಭಿಮಾನಿಗಳಿಗೆ ಭಾರೀ ಬೇಸರ ತಂದೊಡ್ಡಿತು

ಇದನ್ನೂ ಓದಿ: ಐಪಿಎಲ್ ಕ್ವಾಲಿಫೈಯರ್-1ರಲ್ಲಿ ಗೆದ್ದವರಿಗೆ ಫೈನಲ್ ಟಿಕೆಟ್: ಪಂದ್ಯಕ್ಕೆ ಮಳೆ ಅಡ್ಡಿಪಡಿಸಿದರೆ…

ಈ ರೋಚಕ ಪಂದ್ಯ ಮುಗಿಯುತ್ತಿದ್ದಂತೆ ಎಲ್ಲರಲ್ಲಿಯೂ ಮೂಡಿದ್ದು ಒಂದೇ ಪ್ರಶ್ನೆ, ಧೋನಿ ಐಪಿಎಲ್ ನಿವೃತ್ತಿ ಯಾವಾಗ? ಕ್ಯಾಪ್ಟನ್ ಕೂಲ್ ಆಟ ಇಲ್ಲಿಗೆ ಮುಕ್ತಾಯವೇ? ಅಥವಾ ಮತ್ತೊಂದು ವರ್ಷ ಸಿಎಸ್​ಕೆ ಪರ ಆಡಲಿದ್ದಾರೆಯೇ ಎಂಬ ಹತ್ತಾರು ಪ್ರಶ್ನೆಗಳು ಸಾಮಾಜಿಕ ಜಾಲತಾಣದಿಂದ ಹಿಡಿದು ಎಲ್ಲೆಡೆಯಿಂದ ವ್ಯಾಪಕವಾಗಿ ಕೇಳಿಬಂದಿತು. ಇನ್ನು ಈ ಬಗ್ಗೆ ಸ್ವತಃ ಧೋನಿ ಯಾವ ರೀತಿಯೂ ಪ್ರತಿಕ್ರಿಯೆ ನೀಡದೆ ಹೋಗಿದ್ದು, ಮೊದಲಿಗೆ ಅಭಿಮಾನಿಗಳಲ್ಲಿ ಭಾರೀ ಆಶ್ಚರ್ಯ ಮೂಡಿದ್ದೇ ಆದರೂ ಇದು ಮುಂದಿನ ಸೀಸನ್​ ಆಡುವ ಮುನ್ಸೂಚನೆ ಇರಬಹುದು ಎಂದು ಅರಿಯುವಂತೆ ಮಾಡಿತು.

ಸದ್ಯ ಕ್ರಿಕೆಟ್ ಲೋಕದಲ್ಲಿ ಮಹೇಂದ್ರ ಸಿಂಗ್ ಧೋನಿ ನಿವೃತ್ತಿ ಬಗ್ಗೆ ದೊಡ್ಡ ಮಟ್ಟದ ಚರ್ಚೆಗಳು ತೀವ್ರವಾಗುತ್ತಿದ್ದಂತೆ ಪ್ರತಿಕ್ರಿಯಿಸಿದ ಸಿಎಸ್​ಕೆ ಮ್ಯಾನೇಜ್​ಮೆಂಟ್​, "ಐಪಿಎಲ್ ನಿವೃತ್ತಿ ಬಗ್ಗೆ 'ಮಾಹಿ' ನಮಗೆ ಯಾವುದೇ ಅಧಿಕೃತ ಮಾಹಿತಿ ಹಂಚಿಕೊಂಡಿಲ್ಲ. ನಾವು ಸಹ ಅವರನ್ನು ಹೆಚ್ಚೇನು ಕೇಳಲಿಲ್ಲ. ಆದರೆ, ಹೋಗುವ ಮುನ್ನ ಅವರೇಳಿದ್ದು ಮಾತ್ರ, 'ನಾನು ಐಪಿಎಲ್​ನಲ್ಲಿ ಆಡಬೇಕೋ, ಬೇಡವೋ ಎಂಬುದನ್ನು ಮುಂಬರುವ ಕೆಲವು ತಿಂಗಳುಗಳಲ್ಲಿ ನಿರ್ಧರಿಸಿ, ಹೇಳ್ತೀನಿ ಎಂದು ಹೇಳಿದ್ದಾರೆ'. ಅಂತಿಮವಾಗಿ ಅದು ಧೋನಿ ಕರೆ ಎಂದು" ಮ್ಯಾನೇಜ್​ಮೆಂಟ್ ತಿಳಿಸಿದೆ,(ಏಜೆನ್ಸೀಸ್).

https://www.vijayavani.net/nita-ambani-talks-to-mumbai-indians-team-in-dressing-room

https://www.vijayavani.net/ruturaj-gaikwad-feels-sad-after-losing-to-rcb