ದಾಖಲೆ ಮೊತ್ತಕ್ಕೆ ಓಟಿಟಿಗೆ ಸೇಲ್​ ಆಯ್ತಾ ತಮಿಳಿನ ಮಾಸ್ಟರ್​?; ದಕ್ಷಿಣ ಭಾರತದಲ್ಲಿಯೇ ಇದು ಹೊಸ ರೆಕಾರ್ಡ್

ಕಾಲಿವುಡ್​ನ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾದ ದಳಪತಿ ವಿಜಯ್​ ಅವರ ಮಾಸ್ಟರ್ ಚಿತ್ರ ಲಾಕ್​ಡೌನ್​ನಲ್ಲಿಯೂ ಅತಿ ಹೆಚ್ಚು ಸದ್ದು ಮಾಡಿದೆ. ಸಿನಿಮಾ ಪ್ರದರ್ಶನ ಸ್ಥಗಿತವಾದರೂ, ಬಿಡುಗಡೆ ಯಾವಾಗ ಎಂಬುದರ ಬಗ್ಗೆ ಸಾಕಷ್ಟು ಚರ್ಚೆಯಾಗಿದೆ. ಇದೀಗ ಇದೇ ಸಿನಿಮಾ ಓಟಿಟಿ ವೇದಿಕೆಯಲ್ಲಿ ಬಿಡುಗಡೆ ಆಗಲಿದೆ ಎಂಬ ಮಾತುಗಳು ಕೇಳಿಬರುತ್ತಿವೆ.

ಇದನ್ನೂ ಓದಿ: 2017ರಿಂದಲೇ ನಾನು ಗರ್ಭಿಣಿ!; ಶಾಕಿಂಗ್​ ಹೇಳಿಕೆ ಕೊಟ್ಟ ಸಮಂತಾ

ಓಟಿಟಿಯಲ್ಲಿ ರಿಲೀಸ್ ಆಗಲು ಈ ಚಿತ್ರ ಎಷ್ಟು ಮೊತ್ತಕ್ಕೆ ಬಿಕರಿಯಾಗಿದೆ ಎಂಬ ವಿಚಾರ ಅಭಿಮಾನಿಗಳ ನಿದ್ದೆಗೆಡಿಸಿದೆ. ಅಂದುಕೊಂಡಂತೆ ಆಗಿದ್ದರೆ ಇಷ್ಟೊತ್ತಿಗಾಗಲೇ ಈ ಸಿನಿಮಾ ತೆರೆಕಂಡಿರಬೇಕಿತ್ತು. ಕರೊನಾ ಹಿನ್ನೆಲೆಯಲ್ಲಿ ಬಿಡುಗಡೆಗೆ ಕೊಕ್ಕೆ ಬಿತ್ತು. ಅದರಂತೆ ದೀಪಾವಳಿ ಪ್ರಯುಕ್ತ ನವೆಂಬರ್​ 12ಕ್ಕೆ ಸಿನಿಮಾ ಬಿಡುಗಡೆ ಮಾಡಿಕೊಳ್ಳಲು ತಂಡ ಪ್ಲ್ಯಾನ್​ ಮಾಡಿದೆ ಎಂಬ ಸುದ್ದಿಯೂ ಹರಿದಾಡಿತ್ತು. ಇದೀಗ ಓಟಿಟಿ ಕುರಿತ ಸುದ್ದಿ ಸದ್ದು ಮಾಡುತ್ತಿದೆ.

ಈ ಮೊದಲು ಬರೋಬ್ಬರಿ 80 ಕೋಟಿ ರೂ ಮೊತ್ತಕ್ಕೆ ಮಾಸ್ಟರ್ ಸಿನಿಮಾವನ್ನು ಖರೀದಿ ಮಾಡಲು ದೊಡ್ಡ ಓಟಿಟಿ ಸಂಸ್ಥೆಯೊಂದು ಮುಂದೆ ಬಂದಿತ್ತು. ಇದೀಗ ಮಾಸ್ಟರ್ ಚಿತ್ರದ ನಿರ್ಮಾಪಕರು ಬರೋಬ್ಬರಿ 100 ಕೋಟಿಗೆ ಆಫರ್​ ನೀಡಿದ್ದಾರೆ ಎನ್ನಲಾಗುತ್ತಿದೆ. ಒಂದು ವೇಳೆ ಈ ಸಿನಿಮಾ 100 ಕೋಟಿಗೆ ಓಟಿಟಿಯಲ್ಲಿ ಬಿಡುಗಡೆ ಆಗಿದ್ದೇ ಆದರೆ, ದಕ್ಷಿಣ ಭಾರತ ಸಿನಿಮಾ ರಂಗದಲ್ಲಿಯೇ ಅತಿ ಹೆಚ್ಚು ಮೊತ್ತಕ್ಕೆ ಓಟಿಟಿಗೆ ಸೇಲ್​ ಆದ ಸಿನಿಮಾ ಆಗಲಿದೆ.

ಇದನ್ನೂ ಓದಿ: ನಟಿ ಜೆನಿಲಿಯಾಗೆ ಕರೊನಾ ಬಂದೇ ಮೂರು ವಾರಗಳಾದವಂತೆ!

ಸದ್ಯ ಇನ್ನಷ್ಟೇ ಈ ಬಗ್ಗೆ ಅಧಿಕೃತ ಮಾಹಿತಿ ಹೊರಬರಬೇಕಿದೆ. ಲೋಕೇಶ್ ಕನಗರಾಜ್​ ನಿರ್ದೇಶನದಲ್ಲಿ ಸಿದ್ಧವಾಗಿರುವ ಗ್ಯಾಂಗ್​ಸ್ಟರ್​ ಡ್ರಾಮಾ ಶೈಲಿಯ ಸಿನಿಮಾದಲ್ಲಿ ವಿಜಯ್​ ಸೇತುಪತಿ ಖಳನಟನಾಗಿ ನಟಿಸಿದ್ದಾರೆ. ಕ್ಸೇವಿಯರ್ ಬಿಟ್ಟೋ ನಿರ್ಮಾಣ ಮಾಡಿದ್ದು, ಅನಿರುದ್ಧ ರವಿಚಂದ್ರನ್​ ಸಂಗೀತ ನೀಡಿದ್ದಾರೆ. ಮಾಳವಿಕಾ ಮೋಹನನ್​ ನಾಯಕಿಯಾಗಿದ್ದಾರೆ. (ಏಜೆನ್ಸೀಸ್​)

https://www.vijayavani.net/kartik-aryan-in-talks-for-dear-comrades-hindi-remake/