ತನ್ನ ವೈಯಕ್ತಿಕ ವಿಷಯಗಳನ್ನು ಬಹಿರಂಗಗೊಳಿಸುವುದರಲ್ಲಿ ಶ್ರುತಿ ಹಾಸನ್ ಯಾವತ್ತೂ ಹಿಂದ ಬಿದ್ದಿಲ್ಲ. ಕುಡಿತದ ಚಟವಾಗಲೀ, ಬಾಯ್ಫ್ರೆಂಡ್ ಜತೆಗಿನ ಬ್ರೇಕ್ಅಪ್ ಆಗಲೀ … ಅವೆಲ್ಲವನ್ನೂ ಅವರು ತಮ್ಮ ಅಭಿಮಾನಿಗಳ ಜತೆಗೆ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ರಿಯಾನಂಥವರು ನಮ್ಮ ನಡುವೆ ಬಹಳಷ್ಟು ಜನರಿದ್ದಾರೆ; ವಂಚಿಸುವುದೇ ಅವರ ಕೆಲಸ; ಸಿದ್ಧೀಕಿ ಸಹೋದರ
ಈಗ ಶ್ರುತಿ ತಾವು ಹಿಂದೊಮ್ಮೆ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡಿದ್ದಾಗಿ ಬಹಿರಂಗಪಡಿಸಿದ್ದಾರೆ. ವೈಯಕ್ತಿಕವಾಗಿ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಳ್ಳುವುದಕ್ಕೆ ಇಷ್ಟವಿಲ್ಲದಿದ್ದರೂ, ಅನಿವಾರ್ಯವಾಗಿ ಅದಕ್ಕೆ ಮೊರೆಹೋಗಬೇಕಾಯಿತು ಎಂದು ಸ್ವತಃ ಅವರೇ ಹೇಳಿಕೊಂಡಿದ್ದಾರೆ.
ಈ ಕುರಿತು ಮಾತನಾಡಿರುವ ಅವರು, ‘ಹಿಂದೊಮ್ಮೆ ಕೆಲವರು ನನಗೆ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಳ್ಳುವುದಕ್ಕೆ ಸಲಹೆ ನೀಡಿದ್ದರು. ನಿನ್ನ ಮುಖ ಚೂಪಾಗಿದೆ, ನೀನು ವಿದೇಶಿಯಳ ತರಹ ಕಾಣುತ್ತೀಯ ಎಂದೆಲ್ಲಾ ಹೇಳಿದ್ದರು. ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಳ್ಳುವುದಕ್ಕೂ ಸಲಹೆ ನೀಡಿದ್ದರು. ಆದರೆ, ನನಗೆ ಅದು ಇಷ್ಟ ಇರಲಿಲ್ಲ. ಆದರೂ ನಾನು ಒಮ್ಮೆ ಪ್ಲಾಸ್ಟಿಕ್ ಸರ್ಜರಿ ಮೊರೆ ಹೋದೆ’ ಎಂದು ಅವರು ಹೇಳಿಕೊಂಡಿದ್ದಾರೆ.
‘ಆದರೂ ನಾನು ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡೆ. ಅದಕ್ಕೆ ಕಾರಣ, ಒಮ್ಮೆ ನನ್ನ ಮೂಗು ಮುರಿದಿತ್ತು. ಅದು ಯಾಕೋ ಸರಿ ಎನ್ನುಸುತ್ತಿರಲಿಲ್ಲ. ಹಾಗಾಗಿ ಪ್ಲಾಸ್ಟಿಕ್ ಸರ್ಜರಿ ಮೂಲಕ ಸರಿ ಮಾಡಿಸಿಕೊಂಡೆ’ ಎಂದು ಅವರು ಹೇಳಿದ್ದಾರೆ.
ಇದನ್ನೂ ಓದಿ: ಮಾಜಿ ಮ್ಯಾನೇಜರ್ ದಿಶಾ ಆತ್ಮಹತ್ಯೆ ಬೆನ್ನಲ್ಲೇ ಪದೇಪದೆ ಗೂಗಲ್ ನೋಡ್ತಿದ್ರಂತೆ ಸುಶಾಂತ್?!
ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡವರು, ಆ ಬಗ್ಗೆ ಹೇಳಿಕೊಳ್ಳುವುದಿಲ್ಲ. ಬಹಳಷ್ಟು ಜನ ಆ ವಿಷಯವನ್ನು ಮುಚ್ಚಿಡುತ್ತಾರಂತೆ. ಆದರೆ, ಶ್ರುತಿಗೆ ಅದು ಇಷ್ಟವಿಲ್ಲವಂತೆ. ‘ಇಷ್ಟಕ್ಕೂ ಅದರಲ್ಲಿ ತಪ್ಪೇನಿದೆ. ಇದು ನನ್ನ ಮುಖ, ನನ್ನ ಜೀವನ. ನಾನ್ಯಾಕೆ ಆ ವಿಷಯವನ್ನು ಮುಚ್ಚಿಡಬೇಕು. ಹಾಗಂತ ನಾನು ಅದನ್ನು ಪ್ರಮೋಟ್ ಮಾಡುತ್ತಿಲ್ಲ. ಅನಿವಾರ್ಯವಿದ್ದವರು ಬೇಕಾದರೆ ಮಾಡಿಸಿಕೊಳ್ಳಿ’ ಎಂದು ಅವರು ಹೇಳಿದ್ದಾರೆ.
ನನ್ನನ್ನು ಕಂಡರೆ ತ್ರಿಷಾಗೆ ಭಯ … ಮೀರಾ ಮಿಥುನ್ ಹೀಗೆ ಹೇಳಿದ್ದು ಯಾಕೆ?