ಮುಂಬೈ: ನಟ ಸುಶಾಂತ್ ಸಿಂಗ್ ಆತ್ಮಹತ್ಯೆ ಮಾಡಿಕೊಂಡು ಹಲವು ವಾರಗಳೇ ಕಳೆದರೂ, ಅವರ ಸಾವಿಗೆ ನಿಖರ ಕಾರಣ ಇನ್ನು ತಿಳಿದಿಲ್ಲ. ಇದರ ನಡುವೆ ವಿವಿಧ ಆಯಾಮಗಳಿಂದ ತನಿಖೆ ನಡೆಯುತ್ತಿದ್ದು, ಹಲವರ ವಿಚಾರಣೆಯೂ ಮುಗಿದಿದೆ. ಇದರ ಮಧ್ಯೆ ಫ್ಯಾಮಿಲಿ ಲಾಯರ್, ಸುಶಾಂತ್ ಮಾಜಿ ಮ್ಯಾನೇಜರ್ ದಿಶಾ ಸಾಲಿಯಾನ ಬಗ್ಗೆ ಮಾತನಾಡಿರುವುದು ಕುತೂಹಲ ಮೂಡಿಸಿದೆ.
ಅಂದಹಾಗೆ ಸುಶಾಂತ್ ಆತ್ಮಹತ್ಯೆ ಮಾಡಿಕೊಳ್ಳುವುದಕ್ಕೂ ಕೆಲ ದಿನಗಳ ಹಿಂದೆ ದಿಶಾ ಕಟ್ಟದಿಂದ ಜಿಗಿದು ಪ್ರಾಣ ಬಿಟ್ಟಿದ್ದರು. ಇದು ಸಾಕಷ್ಟು ಅನುಮಾನಗಳಿಗೆ ಎಡೆಮಾಡಿ ಕೊಟ್ಟಿತ್ತು. ಆದರೆ, ಕೌಟುಂಬಿಕ ಕಲಹದಿಂದ ದಿಶಾ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ ಎನ್ನಲಾಗಿತ್ತು.
ಇದನ್ನೂ ಓದಿ: ಸುಶಾಂತ್ ಮಾಜಿ ಮ್ಯಾನೇಜರ್ ದಿಶಾ ಗರ್ಭಿಣಿಯಾಗಿದ್ರಾ? ಇದೇ ವಿಚಾರಕ್ಕೆ ನಡೆದಿತ್ತಾ ಜಗಳ?
ಈ ಬಗ್ಗೆ ಮಾತನಾಡಿರುವ ಸುಶಾಂತ್ ಫ್ಯಾಮಿಲಿ ಲಾಯರ್, ಸುಶಾಂತ್ ತನ್ನ ಇಮೇಜ್ ಬಗ್ಗೆ ತುಂಬಾ ಎಚ್ಚರಿಕೆ ವಹಿಸುತ್ತಿದ್ದರು. ಎಲ್ಲ ಧಕ್ಕೆಯಾಗದಂತೆ ನೋಡಿಕೊಳ್ಳುತ್ತಿದ್ದರು. ಅದರಲ್ಲೂ ದಿಶಾ ಆತ್ಮಹತ್ಯೆ ಮಾಡಿಕೊಂಡ ಬಳಿಕ ದಿಶಾ ಸಾವಿನ ಜತೆಗೆ ತನ್ನ ಹೆಸರು ತಪ್ಪಾಗಿ ತಳುಕು ಹಾಕಿಕೊಳ್ಳಬಾರದು ಹಾಗೂ ವದಂತಿಗಳು ಹರಡಬಾರದು ಎಂಬ ಕಾರಣಕ್ಕೆ ನಿರಂತರವಾಗಿ ಗೂಗಲ್ ಪರಿಶೀಲಿಸುತ್ತಿದ್ದರು ಎಂದು ಹೇಳಿದ್ದಾರೆ. ಅಲ್ಲದೆ, ದಿಶಾಳನ್ನು ನೇಮಕ ಮಾಡಿದ್ದು ಸುಶಾಂತ್ ಅಲ್ಲ, ಗರ್ಲ್ಫ್ರೆಂಡ್ ರಿಯಾ ಚಕ್ರವರ್ತಿ ಎಂದು ತಿಳಿಸಿದ್ದಾರೆ.
ಆದಾಗ್ಯೂ ದಿಶಾ ಕುರಿತು ವದಂತಿಯೊಂದ ಹರಿದಾಡಿತ್ತು. ದಿಶಾ, ಈ ಮುಂಚೆ ಗರ್ಭಿಣಿಯಾಗಿದ್ದರು. ಅದಕ್ಕೆ ಕಾರಣ ನಟ ಸೂರಜ್ ಪಾಂಚೋಲಿ. ಹೀಗಾಗಿ ಇದೇ ವಿಚಾರವಾಗಿ ಬಹು ವರ್ಷಗಳಿಂದ ಸುಶಾಂತ್ ಮತ್ತು ಸೂರಜ್ ನಡುವೆ ಆಗಾಗ ಜಗಳ ನಡೆಯುತ್ತಿತ್ತು. ಆದರೆ, ಸೂರಜ್ ಬೆನ್ನಿಗೆ ನಟ ಸಲ್ಮಾನ್ ಖಾನ್ ನಿಂತಿದ್ದರು ಎಂಬ ವದಂತಿ ಬಾಲಿವುಡ್ ಗಲ್ಲಿಯಲ್ಲಿ ಹರಿದಾಡಿತ್ತು.
ಈ ಬಗ್ಗೆ ಮಾಧ್ಯಮ ಸಂದರ್ಶನವೊಂದರಲ್ಲಿ ಸ್ಪಷ್ಟನೆ ನೀಡಿದ್ದ ಸೂರಜ್, ಸುಶಾಂತ್ರೊಂಗಿಗೆ ಯಾವಾಗ ಗಲಾಟೆ ನಡೆದಿತ್ತು? ನಾನು ಎಂದಿಗೂ ಅವರೊಂದಿಗೆ ವಾಗ್ವಾದ ಮಾಡಿಯೇ ಇಲ್ಲ. ಈ ಮುಂಚೆಯೂ ನಾನಿದರ ಬಗ್ಗೆ ಸ್ಪಷ್ಟನೆ ನೀಡಿದ್ದೇನೆ. ಇನ್ನು ಸಲ್ಮಾನ್ ಖಾನ್ ಅವರು ನನ್ನ ಜೀವನದಲ್ಲೇಕೆ ಮಧ್ಯಸ್ಥಿಕೆ ವಹಿಸಬೇಕು? ಅವರಿಗೆ ಮಾಡಲು ಬೇರೆ ಕೆಲಸವಿಲ್ಲವೇ? ನಿಜ ಹೇಳಬೇಕೆಂದರೆ ದಿಶಾ ಯಾರೆಂದು ನನಗೆ ಗೊತ್ತೇ ಇಲ್ಲ. ನನ್ನ ಜೀವನದಲ್ಲಿ ನಾನೆಂದು ಅವರನ್ನು ಭೇಟಿ ಮಾಡಿಯೇ ಇಲ್ಲ ಎಂದು ವಂದತಿಗೆ ತೆರೆ ಎಳೆದಿದ್ದರು.
ಇದನ್ನೂ ಓದಿ: ಒಂಬತ್ತನೇ ಗಂಡನಿಂದ ಕೊಲೆಯಾದ ಮಹಿಳೆಯ ಹಿನ್ನೆಲೆ ಕೇಳಿದ್ರೆ ಶಾಕ್ ಆಗೋದು ಗ್ಯಾರೆಂಟಿ!
ಅಂದಹಾಗೆ ಫ್ಯಾಮಿಲಿ ಲಾಯರ್, ಸುಶಾಂತ್ ಗರ್ಲ್ಫ್ರೆಂಟ್ ರಿಯಾ ಚಕ್ರವರ್ತಿಯ ವಿರುದ್ಧವೂ ಗಂಭೀರ ಆರೋಪಗಳನ್ನು ಮಾಡಿದ್ದಾರೆ. ಬೇರೆಯವರನ್ನು ಬಂಧಿಸುವ ಅಗತ್ಯವಿಲ್ಲ. ರಿಯಾ ಬಂಧಿಸಿ. ಆಕೆಯೇ ಸುಶಾಂತ್ ಆತ್ಮಹತ್ಯೆಗೆ ಪ್ರಚೋದನೆ ನೀಡಿದ್ದಾಳೆ ಎಂದು ಆರೋಪಿಸಿದ್ದಾರೆ. ಈ ಬಗ್ಗೆ ಇನ್ನು ಹೆಚ್ಚಿಗೆ ತಿಳಿಯಲು ಈ ಕೆಳಗಿನ ಲಿಂಕ್ ಮೇಲೆ ಕ್ಲಿಕ್ಕಿಸಿ…(ಏಜೆನ್ಸೀಸ್)
ರಿಯಾ ಕಂಟ್ರೋಲ್ನಲ್ಲಿ ಸುಶಾಂತ್, 15 ಕೋಟಿ ರೂ. ರಹಸ್ಯ ಜತೆಗೆ ಸ್ಪೋಟಕ ಮಾಹಿತಿ ಬಿಚ್ಚಿಟ್ಟ ಫ್ಯಾಮಿಲಿ ಲಾಯರ್!