ಮುಂಬೈ: ಶಾರೂಖ್ ಅಭಿನಯದ ದೇವದಾಸ್ ಸಿನಿಮಾ ಯಾರಿಗೆ ತಿಳಿದಿಲ್ಲ. ಈ ಸಿನಿಮಾ ಸೂಪರ್ ಹಿಟ್ ಆಗುವುದರ ಜತೆಗೆ ಕ್ಲಾಸಿಕ್ ಕಲ್ಟ್ ಎಂದು ಎನ್ನಿಸಿಕೊಂಡಿತ್ತು. ದೇವದಾಸ್ ಚಿತ್ರವೂ ಬಿಡುಗಡೆಯಾಗಿ ಎರಡು ದಶಕಗಳಾಗಿದ್ದರೂ ಇಂದಿಗೂ ಜನರಲ್ಲಿ ನೆನಪಿದೆ. ಈ ರೊಮ್ಯಾಂಟಿಕ್ ಡ್ರಾಮಾದಲ್ಲಿ ದೇವದಾಸ್ ಪಾತ್ರದಲ್ಲಿ ನಟಿಸಿದ್ದ ಶಾರೂಖ್ ಖಾನ್ ತಮ್ಮ ನಟನೆಯ ಮೂಲಕ ಅಭಿಮಾನಿಗಳ ಮನಗೆದ್ದರು. ಆದರೆ ದೇವದಾಸ್ ಪಾತ್ರದಲ್ಲಿ ನಟಿಸುವ ಆಫರ್ ಬಂದಾಗ ಶಾರೂಖ್ ಮೊದಲಿಗೆ ತಿರಸ್ಕರಿಸಿದ್ದರಂತೆ.
ಇದನ್ನು ಓದಿ: ರಾಹುಲ್ಗಾಂಧಿ ಅತ್ಯಂತ ಅಪಾಯಕಾರಿ ವ್ಯಕ್ತಿ; ಕಂಗನಾ ರಣಾವತ್ ಹೀಗೆನ್ನಲು ಕಾರಣವೇನು?
ದೇವದಾಸ್ ಪಾತ್ರದಲ್ಲಿ ನಟಿಸಲು ಮೊದಲು ನಿರಾಕರಿಸಿದ್ದಾಗಿ ಸ್ವತಃ ಶಾರೂಖ್ ಅವರೆ ತಿಳಿಸಿದ್ದಾರೆ. ಇತ್ತೀಚೆಗೆ ಲೊಕಾರ್ನೊ ಫಿಲ್ಮ್ ಫೆಸ್ಟಿವಲ್ 2024ರಲ್ಲಿ ಚಿತ್ರರಂಗಕ್ಕೆ ನೀಡಿದ ಕೊಡುಗೆಗಾಗಿ ಶಾರೂಖ್ ಅವರಿಗೆ ಪಾರ್ಡೊ ಅಲ್ಲಾ ಕ್ಯಾರಿಯರಾ ಎಂದು ಕರೆಯಲ್ಪಡುವ ಜೀವಮಾನ ಸಾಧನೆ ಪ್ರಶಸ್ತಿ ನೀಡಿ ಗೌರವಿಸಲಾಯಿತು.
ಶಾರೂಖ್ ಗೌರವಾರ್ಥವಾಗಿ ದೇವದಾಸ್ ಚಲನಚಿತ್ರವನ್ನು ಚಲನಚಿತ್ರೋತ್ಸವದಲ್ಲಿ ಪ್ರದರ್ಶಿಸಲಾಯಿತು. ಆ ಸಂದರ್ಭದಲ್ಲಿ ದೇವದಾಸ್ ಕುರಿತು ಮಾತನಾಡಿದ ಶಾರೂಖ್, ನನಗೆ ಮೊದಲು ದೇವದಾಸ್ ಆಗಿ ನಟಿಸುವ ಇಚ್ಛಿಸಿರಲಿಲ್ಲ. ಏಕೆಂದರೆ ಇದಕ್ಕೆ ಮುಖ್ಯು ಕಾರಣ ಆ ಪಾತ್ರ. ರೊಮ್ಯಾಂಟಿಕ್ ಚಿತ್ರಗಳನ್ನು ಮಾಡಿರುವ ನಾನು, ಹುಡುಗಿಗೆ ಕಮಿಟ್ಮೆಂಟ್ ಕೊಡದ ಕುಡುಕನ ಪಾತ್ರದಲ್ಲಿ ನಟಿಸಬೇಕಿತ್ತು. ಅಲ್ಲದೆ ಇದು ದೇಶದಲ್ಲಿ ಹಲವು ಬಾರಿ ರೀಮೇಕ್ ಆಗಿತ್ತು ಎಂದು ಹೇಳಿದರು.
ನಿರಾಕರಿಸಿದ ಬಳಿಕ ಪಾತ್ರದಲ್ಲಿ ನಟಿಸಲು ಕಾರಣ ಏನೆಂಬುದನ್ನು ಅವರು ತಿಳಿಸಿದರು. ನಾನು ಆ ಪಾತ್ರ ಮಾಡುವುದಿಲ್ಲ ಎಂದು ಶಾರೂಖ್ ಹೇಳಿದ ಬಳಿಕ ಸಂಜಯ್ ಲೀಲಾ ಬನ್ಸಾಲಿ ಅವರು, ನಾನು ಈ ಸಿನಿಮಾವನ್ನು ಯಾರೊಂದಿಗೂ ಮಾಡುವುದಿಲ್ಲ ಎಂದು ಸ್ಪಷ್ಟವಾಗಿ ಹೇಳಿದರು. ಈ ಸಿನಿಮಾ ಮಾಡಿದರೆ ನಿಮ್ಮೊಂದಿಗೆ ಮಾತ್ರ ಎಂದು ತಿಳಿಸಿದರು. ಏಕೆಂದರೆ ನಿಮ್ಮ ಕಣ್ಣುಗಳು ದೇವದಾಸ್ನಂತಿವೆ. ಆದ್ದರಿಂದ ದೇವದಾಸ್ ಸಿನಿಮಾ ಮಾಡಿದರೆ ನಿಮ್ಮೊಂದಿಗೆ ಮಾತ್ರ ಎಂದು ಹೇಳಿದರು. ಬಳಿಕ ನಾವು ಮತ್ತೆ ಭೇಟಿಯಾಗಿ ದೇವದಾಸ್ ಮಾಡಲು ಸಿದ್ಧರಿಲ್ಲದಿದ್ದರೂ ಈ ಸಿನಿಮಾ ಮಾಡಲು ಒಪ್ಪಿಕೊಂಡೆ ಎಂದು ಹೇಲಿದ್ದಾರೆ.
ಶರತ್ ಚಂದ್ರ ಚಟ್ಟೋಪಾಧ್ಯಾಯ ಅವರ ಕಾದಂಬರಿ ಆಧಾರಿತ ಸಂಜಯ್ ಲೀಲಾ ಬನ್ಸಾಲಿ ನಿರ್ದೇಶನ ದೇವದಾಸ್ ಸಿನಿಮಾದಲ್ಲಿ ಶಾರೂಖ್ ಖಾನ್ ಜತೆಗೆ ಐಶ್ವರ್ಯ ರೈ ಬಚ್ಚನ್ ಮತ್ತು ಮಾಧುರಿ ದೀಕ್ಷಿತ್ ನಟಿಸಿದ್ದಾರೆ. ಜಾಕಿ ಶ್ರಾಫ್ ಮತ್ತು ಕಿರಣ್ ಖೇರ್ ಕೂಡ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ.(ಏಜೆನ್ಸೀಸ್)
ಲೊಕಾರ್ನೊ ಫಿಲ್ಮ್ ಫೆಸ್ಟಿವಲ್; ಪಾರ್ಡೊ ಅಲ್ಲಾ ಕ್ಯಾರಿಯರಾ ಪ್ರಶಸ್ತಿ ಪಡೆದ ಮೊದಲ ಭಾರತೀಯ ಶಾರೂಖ್
