'ಸಪ್ತಸಾಗರದಾಚೆ ಎಲ್ಲೋ ಸೈಡ್​ ಬಿ' ಟ್ರೇಲರ್​ ರಿಲೀಸ್​: ನಿನ್ನ ಕಥೆ ಮುಗೀತು!; ಇನ್ಯಾವತ್ತೂ ಅವಳು ನಿನಗೆ ಸಿಗಲ್ಲ!

ಬೆಂಗಳೂರು: ಹೇಮಂತ್ ರಾವ್ ನಿರ್ದೇಶನದ ರಕ್ಷಿತ್ ಶೆಟ್ಟಿ ನಾಯಕನಾಗಿ ನಟಿಸಿದ ‘ಸಪ್ತ ಸಾಗರದಾಚೆ ಎಲ್ಲೋ : ಸೈಡ್ ಎ’ ಕಳೆದ ಸೆ. 1ರಂದು ರಾಜ್ಯಾದ್ಯಂತ ಬಿಡುಗಡೆಯಾಗಿತ್ತು. ಅದಾಗಿ ಮೂರು ವಾರಗಳ ನಂತರ ತೆಲುಗುನಲ್ಲಿ ‘ಸಪ್ತ ಸಾಗರಲು ದಾಟಿ’ ಶೀರ್ಷಿಕೆಯಲ್ಲಿ ಸೆ. 22ರಂದು ತೆರೆಗೆ ಬಂದಿತ್ತು.

ಇದನ್ನೂ ಓದಿ: ಶುಶ್ರೂಷಕರಿಂದಲೇ ರೋಗಿಗಳು ಗುಣಮುಖ: ಜಿಲ್ಲಾಧಿಕಾರಿ ಡಾ.ಕೆ.ವಿ.ರಾಜೇಂದ್ರ ಅಭಿಪ್ರಾಯ

ಇದೊಂದು ರೊಮ್ಯಾಂಟಿಕ್ ಡ್ರಾಮಾ ಆದ ಕಾರಣ ಕೊಂಚ ಮಂದಗತಿಯ ಚಿತ್ರ ಎಂಬುದನ್ನು ಬಿಟ್ಟರೆ, ಉಳಿದೆಲ್ಲ ವಿಷಯಗಳಲ್ಲಿ ಚಿತ್ರಕ್ಕೆ ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿತ್ತು. ಇದೀಗ ಇದರ ಸೈಡ್​ ಬಿ ಟ್ರೇಲರ್ ಇಂದು​ ಅಧಿಕೃತವಾಗಿ ಬಿಡುಗಡೆಗೊಂಡಿದ್ದು, ರಕ್ಷಿತ್​ ಅಭಿಮಾನಿಗಳಿಂದ ಉತ್ತಮ ಪ್ರತಿಕ್ರಿಯೆಗಳನ್ನು ಪಡೆದುಕೊಳ್ಳುತ್ತಿದೆ.

ಕಳೆದ ಹಲವು ದಿನಗಳಿಂದ 'ಸಪ್ತಸಾಗರದಾಚೆ ಎಲ್ಲೋ ಸೈಡ್​ ಬಿ' ರಿಲೀಸ್​ ದಿನಾಂಕದಲ್ಲಿ ಸಾಕಷ್ಟು ಗೊಂದಲಗಳು ಮೂಡಿತ್ತು. ಎರಡು ಬಾರಿ ಚಿತ್ರದ ಬಿಡುಗಡೆ ದಿನಾಂಕ ಬದಲಾವಣೆಯಾಗುವ ಮುಖೇನ ಅಂತಿಮವಾಗಿ ನವೆಂಬರ್​ 17 ರಂದು ಸಿನಿಪ್ರೇಕ್ಷಕರ ಎದುರು ಹಾಜರಾಗಲು ಸಿದ್ಧವಾಗಿದೆ. ಸದ್ಯ ಸೈಡ್​ ಬಿ ಟ್ರೇಲರ್​ಗಾಗಿ ಭಾರೀ ನಿರೀಕ್ಷೆಯಿಂದ ಕಾಯುತ್ತಿದ್ದ ರಕ್ಷಿತ್​ ಅಭಿಮಾನಿಗಳಿಗೆ ಇಂದು ಟ್ರೇಲರ್​ ನೋಡುವ ಭಾಗ್ಯ ಸಿಕ್ಕಿತು.

ಇದನ್ನೂ ಓದಿ: ಚುನಾವಣೆಯ ಹೊಸ್ತಿಲಲ್ಲಿ ನಿವೃತ್ತಿಯ ಮಾತುಗಳನ್ನಾಡಿದ ವಸುಂಧರಾ ರಾಜೇ; ಕಾರಣ ಹೀಗಿದೆ

ಕಡೆಗೂ ಮನುಗೆ ಜೈಲಿನಿಂದ ಬಿಡುಗಡೆ ಸಿಕ್ತಾ? ಪ್ರಿಯಾ-ಮನು ಕಥೆ ಮುಂದುವರೆಯಲಿದ್ಯಾ? ಚಿತ್ರದ ಎರಡನೇ ನಾಯಕಿ ಚೈತ್ರಾ ಪಾತ್ರ ಮಾಡುವ ಮೋಡಿಯೇನು? ಈ ಎಲ್ಲಾ ಪ್ರಶ್ನೆಗಳಿಗೆ ಟ್ರೇಲರ್​ ಮೊದಲ ಹಂತದ ಉತ್ತರವನ್ನು ನೀಡಿದೆ. ಆದರೂ ಸಂಪೂರ್ಣ ಸಿನಿಮಾವನ್ನು ನೋಡುವವರೆಗೂ ಈ ಪ್ರಶ್ನೆಗಳಿಗೆ ಸ್ಪಷ್ಟ ಉತ್ತರ ಲಭಿಸುವುದಿಲ್ಲ.

ಚಿತ್ರದಲ್ಲಿ ಸಿಂಪಲ್ ಸ್ಟಾರ್​ ನಟ ರಕ್ಷಿತ್ ಶೆಟ್ಟಿ, ರುಕ್ಮಿಣಿ ವಸಂತ್, ಚೈತ್ರಾ ಜೆ.ಆಚಾರ್ ಮುಖ್ಯಭೂಮಿಕೆಯಲ್ಲಿದ್ದು,​ ಅಚ್ಯುತ್ ಕುಮಾರ್, ಪವಿತ್ರಾ ಲೋಕೇಶ್, ಅವಿನಾಶ್, ರಮೇಶ್ ಇಂದಿರ, ಶರತ್ ಲೋಹಿತಾಶ್ವ ಮುಂತಾದ ಕಲಾವಿದರು ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಚಿತ್ರಕ್ಕೆ ಚರಣ್​ ರಾಜ್​ ಸಂಗೀತ ಸಂಯೋಜನೆ ಮಾಡಿದ್ದಾರೆ.

https://www.vijayavani.net/bbks10-will-micheal-and-ishani-love-story-gets-healed